Eru sólarnir orðnir takkalausir?

Ég skal ekki taka afstöðu til þess hvort rétt hafi verið að dæma vítaspyrnuna í leik Manchester United og Liverpool.

En ég gat ekki betur séð en að tæklingin aftan frá með takkana beint í fætur leikmanns, sem er fyrir framan með boltann, hafi verið glórulítil og háskaleg. 

Kannski var það ekki ásetningsbrot í upphafi að keyra báða fæturna svona lárétt áfram í það sem varð að hreinni "sólatæklingu" heldur óhapp, en leikmaður sem er gerandi í svona háskaleik á að mínu viti samt að taka afleiðingunum af því ef hann í hita leiksins endar með því að beita svona bragði. 

Þegar Dalglish spyr: "Eru komnar nýjar reglur?", spyr ég á móti: "Eru sólarnir orðnir takkalausir?"

Dalglish: Eru komnar nýjar reglur?

Athugasemdir

[Júlíus Valdimar Finnbogason, 11.1.2011 kl. 22:37]

Þeir koma báðir inn á hlið og Carrick er sekúndubrotum á undan Gerrard og því fór sem fór. Gerrard fer aldrei með tvær fætur á undna sér og aftan í Carrick.

 Ef menn skoða þetta atvik þá sést líka að hægri löpp Gerrards er þónokkuð á eftir og sólinn fór ekki inn á undan og því erfitt að tala um tveggja fóta tæklingu. Þetta var 50/50 bolti sem var í hag Carrick. 

 Vítið var síðan bara rugl frá A-Ö og um óheiðarleika í Berba að ræða. (er ekki að segja að aðrir hafi ekki gert slíkt hið sama heldur að Berba var óheiðarlegur í þssu tilviki)

Svo er alltaf hægt að ræða það hvort brot Gerrards hefði orðið að veruleika hefði Webb haft pung og áminnt Rafael sem hoppaði með tvær fætur á undan sér í bolta gegn Meireles stuttu áður þar sem sá síðarnefndi þurfi að fara til hliðar til að verða ekki fyrir löppum Rafael. 

Það sem er búið er búið en Webb sýndi það og sannaði eina ferðina en að hann er meðalskussi sem á ekki að dæma leiki Arsenal, Man Utd, Liverpool eða Tottenham. 

Svo í leiðinni að þá gat línuvörðurinn séð þetta svo kallaða "brot" á Berbaog ástæðan fyrir því að ég segi línuvörður er að þeir vilja láta kalla sig aðstoðardómara í stað línuvarða. Persónulega finnst mér þessir menn hvorki hafa unnið fyrir því né sýnt nægilega greind til að titlast aðstoðardómarar og það er ástæða að þeir eru fyrir utan völlinn og hafa ekki meiri völd en þeir hafa í dag. 

Ég er ekkert bitur í garð Utd manna, þeir skoruðu, um það snýst boltinn að skora meira en andstæðingurinn og þeir unnu leikinn. Vegni þeim bara vel það sem eftir er keppni og vonandi snúa mínir menn sér að því að spila betur undir stjórn Dalglish en þeir gerðu hjá Hodgson.