Aðalatriðið: "Hver lak?"

Dæmigerð viðbrögð þeirra, sem lenda í því að uppljóstrað er um vafasamt eða illt atferli þeirra, snúast ekki um það að iðrast, biðjast afsökunar, bæta ráð sitt eða sjá til þess að úr verði bætt, heldur er það gert að aðalatriði málsins hver hafi uppljóstrað um það.

Allt frá því er myndskeið af hinni hræðilega morðárás herþyrlu á óbreytta borgara í Írak birtist í fjölmiðlum, hefur af hálfu bandarískra yfirvalda málinu það verið stórmál málanna "hver lak?" 

Juian Assange og öll hans málefni hafa verið aðalmálið sem og maðurinn, sem "lak" myndskeiðinu. 

Tölvupóstar þingkonu í fjarlægu landi eru meðal þess sem hæst ber í þessu máli dögum saman, - ekki dráp á blaðamönnum og óbreyttum borgurum í Írak. 

Dæmin um þetta fyrirbrigði eru óteljandi, svo sem "litli Landssímamaðurinn" sem lak upplýsingum um ámælisvert athæfi innan þess fyrirtækis á sínum tíma og "Deep Throat", maðurinn sem lak upplýsingum um Watergate innbrotið. 

Eitt sinn komust umdeilanleg mál á sviði heilbrigðiseftirlits úti á landi í hámæli og umsvifalaust var það orðið aðalatriðið hver "lak" vitneskjunni um það, ekki málið sjálft. 

Ótal fleiri dæmi mætti vafalaust nefna um það að atriði, sem eru aukaatriði í viðkomandi máli, verða að aðalatriði og það oft svo mjög, að sá eða þeir, sem hefðu átt að taka ábyrgð á gerðum sínum, sleppa alveg. 

Grét þegar hún sá myndband af árás

Athugasemdir

[Hákon Jóhannesson (IP-tala skráð) 13.1.2011 kl. 10:52]

Fín hugleiðing !  Þetta er ein af fjölmörgum birtingarmyndum þöggunar. Nefninlega að beina athyglinni frá kjarna málsins. Fjölmiðlarnir dansa með; þ.á.m. Ríkisútvarpið. Umræða og fréttaflutningur Rúv um forseta BNA og stríðsbrölt þeirra og félaga í Nató hernaðarbandalaginu er dæmi um bjagaðan og einhliða fréttaflutning sem dynur á mörlandanum 365 daga á ári; ár eftir ár.

[Sigurður Haraldsson, 13.1.2011 kl. 12:56]

Samála Ómar þetta er óviðundandi með öllu.

[Bjarne Örn Hansen (IP-tala skráð) 13.1.2011 kl. 13:40]

Það sem mér finnst að menn verði einnig að hafa á bak við eyrun, er ekki einungis atferlið í sjálfu sér.  Heldur viðbrögð ríkis, eins og Íslands og Svíþjóðar.

Framsal á Assange, hefur þá áhættu í för með sér að hann geti verið tekin af lífi.  En ríki Evrópu hafa það í sáttmála sínum, að ekki er hægt að framselja menn til ríkja þar sem slík áhætta er fyrir hendi.  Samskipti ríkja eins og Íslands, og Svíþjóðar í þessu dæmi.  Bendir á það, að yfirmenn lögreglu, dómsvalda og herja, fremja glæpi í þessum löndum.  Glæpi sem ekki eru smá afbrot, heldur brot á mannréttindum og brot á Lýðveldislögum þessara landa.

Þetta er að öllu, hið alvarlegasta mál sem hægt er að ímynda sér.

[Anna Sigríður Guðmundsdóttir, 13.1.2011 kl. 18:33]

Sæll Ómar og takk fyrir þennan pistil.

Birgitta er ásökuð og Össur ætlar af koma sem frelsandi engill og bjarga henni með kjafti og klóm, með Brussel-klíku-snöruna um hálsinn! Mannkynið er á góðri leið með að tortíma sér og jörðinni með siðblindum hvítflibba-afbrotamönnum sem kaupa lög heimsins fyrir ránsfeng.

 Menntun er einskis virði ef sinmenntun sem er: virðing, heiðarleiki og réttlæti skortir!

 Held það væri heilladrjúgt fyrir heimsbyggðina að Össur og Birgitta héldu fund um hvernig Birgitta með hjálp Wikileaks getur hjálpað Össuri með kjafti og klóm úr þessari blekkingar-snöru-kló?

 Hlutirnir og fréttirnar eru svo oft skipulagðir að mafíu-hvítflibba-afbrotamönnum sem hafa svikið og arðrænt almenning heimsins, og nota svo ránsfenginn til að matreiða fréttir og múta fólki til að blekkja almenning heimsins! þeir eru svo sjúkir að þeir fatta ekki að þeir eru að tortíma sjálfum sér og sínum í leiðinni.

 Sannleikurinn er svo ljótur og hryllilegur oft á tíðum, að það er sjokkerandi fyrir almenning heimsins, svo ekki sé sterkara til orða tekið!

 M.b.kv. Anna