Þveröfugt við Íslendinga.

Eldsneytisverð í Noregi er eitt hið hæsta í Evrópu þótt landið eigi enn gjöfular olíulindir. Norðmenn nota peningana til þess að minnka misrétti kynslóðanna, sem felst í því að ein kynslóð hrifsi til sín allt sem hún kemur höndum yfir á kostnað komandi kynslóða.kur ár um miðjan síðasta áratug.

Íslendingar blésu út tilbúið "gróðæri" og þenslu frá 2002 til 2008 en í stað þess að nota hinn falska gróða til að greiða niður skuldir fjórfölduðum við skuldir heimilanna og fyrirtækjanna á þessum árum og súpum nú seyðið af því.

Við virðumst ekkert hafa lært af þessu því að nú er sóst eftir sem allra mestu bruðli með orkuauðlindina og því að stunda rányrkju á jarðvarmasvæðunum til að selja hana á spottprís til orkufrekasta iðnaðar sem til er.

Það er hægt að veita sér margt án þess að það kosti einhver ósköp eða mikla eyðslu. Eitt af því eru jöklaferðir, sem ég fer í sambandi við kvikmyndagerð mína. 

Í dag fór ég með minnsta jöklajeppa í heimi í skoðun. Þetta er Suzuki Fox ´86 fornbíll með Suzuki Swift GTI 101 hestafla vél sem er yfirdrifið afl fyrir 950 kílóa örjeppa, og samt er eyðslan innan við 9 lítrar á hundraðið.

32ja tommu dekk gefa honum flot á snjó á við öfluga fjallabíla, sem eru þrefalt þyngri. 

Ég hef farið tvær vorferðir með Jöklarannsóknarfélagi Íslands á honum og það má lesa um þær með því að smella inn á bloggpistla undir heitunum "Þjóðsagan um dýru jöklajeppana" eða "Vorferð".

Næst neðsta myndin hér á síðunni er tekin á Bárðarbungu og er stór jeppi þar að kippa í annan stóran en Súkkutítlan horfir sposk á.

Ágætt er að bílar séu af mismunandi stærð saman í ferðum.

Þeir bæta þá hverjir aðra upp með mismunandi eiginleikum sínum.

Súkkan var í vandræðum í krapa en naut sín að öðru leyti í ferðinni eins og myndirnar sýna. 

Neðsta myndin hefur af einhverjum tæknilegum ástæðum lent langt fyrir neðan hinar en á henni sjást hjölförin eftir Súkkuna vinstra megin en förin eftir þá stóru hægra megin.

Segja má að ferðin hafi endað í jafntefli: 

Þrisvar kipptu þeir stóru í Súkkuna en hún kippti þrisvar í þá! 

 

 

 

 

 

 

 

 

Norski olíusjóðurinn óx um 9,6%

Athugasemdir

[Karl (IP-tala skráð) 19.3.2011 kl. 03:00]

Ekki má gleyma kaupmættinum, svili minn er að vinna sambærilegt starf og ég þarna úti(fyrir hrun vorum við með sömu laun eftir gengisbreytingu) en eins og staðan er í dag er hann með tvöfalt hærra kaup og vel það. Hann fær um 14 lítra af eldsneyti fyrir klukkutíma í vinnu á meðan ég slefa varla upp í 7. 

Pirrar mig óskaplega þessi samanburður sem er ekki á réttum forsendum, eins og við fengum um daginn þegar rætt var um bíóferðir þar var klikkt út með að segja hvað bíómiðinn væri ódýr hérna miðað við á öðrum Norðurlöndum. Ég veit ekki til þess að ég geti notað íslenskar krónur til að kaupa bíómiða þar!  

[Gunnar Th. Gunnarsson, 19.3.2011 kl. 04:24]

Tek undir með Karli. Svona samanburður er út í hött.

Svo segir þú, Ómar: "...í stað þess að nota hinn falska gróða til að greiða niður skuldir .."

Hinn "falski gróði" sem þú kallar svo, skapaði einnig verðmæti og ríkissjóður minkaði skuldir sínar svo mikið, að eftir var tekið um veröld víða.

[Jón Logi (IP-tala skráð) 19.3.2011 kl. 07:33]

Þetta er rétt hjá Karli. Verðlag í Noregi er hærra í krónum, en launin eru verulega hærri þannig að vinnustundin gefur samt meira bensín.

En mig grunar að bíómiðinn sé dýrari í krónum umreiknað, líkt og bjórinn....

[Jón Gunnar Bjarkan, 19.3.2011 kl. 09:54]

Þetta er fantaflottar greinar þessar sem þú vísaðir á.

Tek þó undir með fyrsta kommenti, vinur minn er að vinna við járnabindingar á ráðhústorginu í Kaupmannahöfn, hann er ómenntaður, hefur upp úr því frítt fæði og húsnæði og 600.000 krónur á mánuði. Þetta nálgast það að vera kölluð ofurlaun á Íslandi í dag.

[Óskar Þorkelsson, 19.3.2011 kl. 10:28]

mér finnst menn missa sig yfir smáatriðinu og gleyma heildinni í grein Ómars..

[jonasgeir (IP-tala skráð) 19.3.2011 kl. 10:35]

Þetta er bara alls ekki rétt.

Hver á Statoil?  Norska ríkið.  Samt bara 80%.

Hver á Landsvirkjun?  Íslenska ríkið eða hvað?  Og það meira að segja 100%.

Hvort er betra að lifa á raforku og jarðvarma eins og Íslendingar eða olíu eins og Norðmenn?  Svona út frá náttursjónarmiði?  Olían er auðvitað verðmætari eins og sést.

Þú vilt kanski selja raforkuna í gegn um streng til Bretlands eins og Norðmenn? 

Það ráðslag hefur bara hækkað raforkuverð almennings í Noregi þrisvar sinnum !

Almenningur í Noregi er faktískt einn sá skuldsettasti í heimi, þó ríkisstjórninni hafi borið gæfa til að hafa safnað miklu á bók.  En það með olíupeningum.

Hvað finst þér að hækka eigi mikið verð á bensínlítra í Íslandi?

[Óskar Þorkelsson, 19.3.2011 kl. 11:03]

.. enn einn sem missir sig yfir smáatriðum.. er þetta típískt íslenskt ?

[Jón Logi (IP-tala skráð) 19.3.2011 kl. 11:05]

Þetta með rafmagnsverðið í Noregi var innbyggt klúður heima fyrir hjá þeim. Þeir raka inn peningum á sæstrengnum.

Skoðið:

http://askja.blog.is/blog/askja/entry/1131931/

[Bjarne Örn Hansen (IP-tala skráð) 19.3.2011 kl. 12:34]

Noregur er dýrasta orkuríki í allri Evrópu, en er látið ráða orkuverði í Skandinavíu.  Þannig að þegar ég kaupi orku hér, kaupi ég hana eftir verðmarkaðinum í Noregi.  Slík Orka er um það bil 60 aurar kílo Wattið.  Hér í Svíþjóð varð að setja aftur í gang kjarnaofnanna, vegna þess að án þeirra varð orkulítið í Svíþjóð.  Þó svo að fá megi orku frá öðrum löndum, þá nægir orkan ekki til hér.

Selja orku í streng til Noregs og Evrópu, er það sama og að draga gull án þess að þurfa að hafa fyrir því.  Með Álverunum, mun verða mikill kostnaður sem mun éta upp allan hagnaðinn sem af þeim kemur, og með tíð og tíma þarf að hreinsa upp "súrið" sem verður til í nátúrunni og þar með ám og vötnum eins og hefur þurft að gera hér í Svíþjóð eftir iðnaðinn hér.  Núna 20 árum eftir að stóriðja var að mestu leiti lögð niður hér, er fyrst farið að rjáma í eitthvað ... í Danmörku er vatnið ekki drykkjarhæft. Ódrykkjarhæfir drullupollar, í orðsins fyllstu merkingu.  En Íslendingar verða náttúrulega ENDILEGA að verða eins og allir hinir og skemma landið, eins og hægt er.

Ál iðnaðurinn skapar enga vinnu sem heitir fyrir Íslendinga (nema í byrjun og við reisn þeirra), vegna þess að það verða erlend fyrirtæki sem flytur að og frá, efniviðinn.  Og sérfræðingar fyrirtækjanna verða áfram í þágu erlendra eigenda þeirra.  Þörf á verkamönnum í álverum, fer minnkandi með ári hverju.

Olíu ævintýri norðmanna er allt annað dæmi.  Norðmenn hafa að miklu leiti sjálfir staðið að því, og "hráefnið" (Olían) er þeirra eigin og ekki aðfengin (eins og álið).  Þetta hefur í gegnum tíðina skapað gífurlega vinnu fyrir norðmenn.  Svo mikla, að norðmenn hafa nóg að gera, kaupmáttur þeirra er kannski ekki upp á það besta.  En það er til að stemma stigu við aðflutningi fólks.  Og síðan er það skref ríkisins til að tryggja framtíð norðmanna.  Olíuna mun þrjóta, og á hún kanski fyrir sér 25 ár til viðbótar.  Olían er dýr, ekki bara vegna þess að ríkið tekur skerf sinn, heldur vegna þess að hún er að verða á þrotum.  Maður getur sjálfur dæmt um þetta efni, með því að skoða þá staðreynd að við erum alltaf að bora dýpra og dýpra eftir olíunni.  Hámarkinu er náð og það skal tekið með í reikningin að núverandi "reserves" fyrir olíu er miðað við "optimistic values í kringum 40 ár".  Með öðrum orðum, auðlindirnar eru minni en tölur segja.  Og hvað gera norðmenn þá? Eins gott að fólksfjöldinn hafi vaxið út úr öllu valdi, og eins gott að þeir eigi eitthvað fé á banka til að byrja aðrar framkvæmdir. 

Þetta er allt í lagi hjá norðmönnum. En hvað ætla Íslendingar að gera, með hverju árinu verður olían dýrari, ekki ódýrari.  Þegar nálgast þrot á olíu, verður hún svo dýr að það nægir ekki einu sinni fyrir Íslendinga að selja á sér botnin, til að ná fyrir lítranum.  Þegar svo er málum komið, verður að og frá flutningur skipa dýrari, ekki odýrari.

Orku má fá úr fallvötnum á meðan vatn er í ánum.  Álverksmiðjur eru bara tímabundið ævintýri, eins og olían.  En þörf heimilana á raforku, er alltaf söm við sig.  Með kappli væri gjaldeyrir tryggður börnum og barnabörnum, að vísu þarf að huga að kaplinum.  En slíkur kostnaður er "sameiginlegur" kostnaður og nauðsyn beggja aðila.

Að hafna kapplinum var álíka mikil afglöp, eins og að huga að því að leggja neðanjarðargöng yfir til eyja.

[Óskar Þorkelsson, 19.3.2011 kl. 15:36]

BJH, takk fyrir þennan pistil :) nokkur smáatriði þar ég er ekki sammála þér en læt það liggja á millihluta.

[Haukur Kristinsson (IP-tala skráð) 19.3.2011 kl. 16:25]

 G.Th.G. ......ríkissjóður minkaði skuldir sínar svo mikið, að eftir var tekið um veröld víða.

Svipað gerði Nicolae Ceausescu í Rúmeníu á sínum tíma, að eftir var tekið um veröld víða. Hann nálega gékk af þjóðinni dauðri og var svo skotinn eins og hundur skömmu síðar. Hann varð ekki ritstjóri.

[Andrés Kristjánsson, 19.3.2011 kl. 18:03]

Megin ástæða lágra launa hér var markviss stefna stjórnavalda.  Í merkilegu plaggi sem gefin var út af Framsókn og Sjálfstæðisflokki árið 1995 lowest energy prices var því haldið hátt á lofti hin lágu laun hér.

Landsframleiðslu Dana og Íslendinga á hvern íbúa eftir hrun er sú sama (36.700$) en samt eru dönsk lágmarkslaun 364 þúsund en íslensk 130 þúsund. 

Ef menn vilja fela sig á bakvið gjaldþrot Seðlabanka og falli krónunnar þá ættu lágmarkslaunin samt að vera 185-200 þúsund strax eftir hrun en ættu síðan að leiðréttast miðað við landsframleiðslu og gengi. 

Þessi grein Ómars er alveg hárrétt..