Þolinmæðin þrautir vinnur...

Það er ástæða til að samgleðjast Eiði Smára Guðjonhsen vegna góðs gengis hans í fyrsta leiknum í 385 daga þar sem hann er í byrjunarliði.

Þetta er búinn að vera erfiður tími og hefur kostað mikla þolinmæði og þrautseigju fyrir hann að ná þessum áfanga og standa sig svo vel sem raun ber vitni. 

Eiður hefur að vísu unnið til allra þeirra verðlauna sem með nokkurri sanngirni er hægt að krefjast af nokkrum knattspyrnumanni í þessari vinsælustu íþrótt heimsins. 

Hann byrjaði mjög ungur, missti að vísu dýrmætan tíma úr, en gafst ekki upp. 

Eiður Smári er mannlegur eins og við öll og bæði vegna þess og einnig vegna þess að nú líður að seinni hluta ferils hans, þegar ekki er lengur hægt að búast við hinu sama og á hátindi ferilsins, tek ég hatt minn ofan fyrir honum fyrir það að gefast ekki upp þótt á móti hafi blásið. 

Að því líður að hann verði að sætta sig við það að aldurinn taki sinn óhjákvæmlega toll og þá er mikilvægt fyrir hann að enda hinn mikla glæsiferil á sem bestan hátt. 

Það vona ég að honum muni takast. 

Johnson hrósaði Eiði Smára

Athugasemdir

[Rafn Haraldur Sigurðsson (IP-tala skráð) 24.4.2011 kl. 15:39]

Tek undir með þér heilshugar, og Gleðilega páska

[Nóri (IP-tala skráð) 24.4.2011 kl. 17:36]

orðinn gamall bara...

[Gunnar Th. Gunnarsson, 24.4.2011 kl. 21:28]

Ég horfði á leikinn og Eiður stóð sig ágætlega.

Leikurinn var sýndur með tveimur enskum þulum og annar þeirra hafði orð á því í upphafi leiks, að tölfræðin hjá Eiði í markaskorun í síðustu 48 deildarleikjum hjá Barcelona, Mónakó, Tottenham, Stoke og Fulham, væri 1 mark!

Frekar ósanngjarnt að nefna þetta, því hann hefur ekki spilað margar mínútur í þessum 48 leikjum. Tölfræðin hjá honum í heppnuðum sendingum væri nær að nefna en þar er hann örugglega fyrir ofan meðallag.

Rétt áður en Eiður fór útaf í dag, þá sagði annar þulanna í leiknum að Eiður væri búinn að standa sig vel, en spurning hvort hann færi ekki að verða "out of steam", því hann hefði ekki spilað svo lengi.

[eyjolfur (IP-tala skráð) 24.4.2011 kl. 21:46]

Svo skulum við ekki gleyma því þegar faðir hans var komin vel á fertugsaldurinn þá átti hann frábæra spretti í Svíþjóð og svo seinast á Íslandi.