Íslands þúsund ár

2.5.2011 | 20:28

"Byssuglaðir freta í flýti..."

Mér sýnist útséð um það hér eftir að öðru vísi verði brugðist við komu hvítabjarna til landsins en að skjóta þá hið snarasta og frábært er þegar drápið gerist á sama sólarhringnum og Osama bin Laden er stútað.

Í fyrri tilfellum hefur ástæðan fyrir þessari byssugleði verið sögð sú að dýrið ógnaði fólki eða fénaði.

Þetta dýr kom hins vegar á land eins langt frá fólki og fénaði og hugsanlegt var, á friðlandi Hornstranda þar sem næsta byggð er í 60-90 kílómetra fjarlægð eftir því hvort miðað er við loftlínu eða eðlilega leið dýrsins.

Meðan vitað var af dýrinu í þessu stóra friðlandi, gátu ferðamenn forðast að vera þar á ferð.

Spáð er sæmilegu veðri og þótt ekki hefði verið hægt að fylgja bangsa eftir allan sólarhringinn hefði verið hægt að tékka á hinni 6-7 kílómetra Skorarheiði, sem liggur á milli Hrafnsfjarðar og Furufjarðar og suðurströnd Hrafnsfjarðar, ef dýrið synti yfir þann fjörð.

Fuglafræðingar geta merkt fugla með litlum sendum sem nýtast sem staðsetningartæki og enda þótt bjardýrið hefði verið utan við svið gervitungla norðanmegin á Hornströndum hefði það væntanlega strax komið inn á skjáinn ef það hefi fært sig sunnar á svæðinu.

Áhuginn á því að fanga svona dýr og flytja það virðist ekki nægur, því að það kostar peninga og fyrirhöfn.

Nú er ekki 2007 og enginn sem vill kosta slíkt. Þar með eru örlög bjarndýra, sem ganga hér á land, ráðin og um þennan sólarhring drápanna má kveða:

Byssuglaðir freta í flýti

feikna heppnir.

Bin Laden og björninn hvíti

báðir drepnir !

	Ísbjörninn kominn til Reykjavíkur
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 20:38 | Facebook

Athugasemdir

Þarna einhversstaðar á svæðinu voru tveir göngugarpar, en enginn vissi nákvæmlega hvar þeir voru og ekkert símasamband á svæðinu.

Þoka og auðvelt að týna dýrinu. Hvers vegna að taka áhættuna á því að glorsoltinn ísbjörn verði mönnum að bana?

Auðvitað á að aflífa ísbirni sem þvælast hingað. Öðru máli gegnir t.d. á Svalbarða. Þar er fyrst reynt að fæla þá í burtu, enda komast þeir á ís þar. Hér er ekki um slíkt að ræða. Þeir hafa afar næmt þefskyn og reyna að komast í mat.

Gunnar Th. Gunnarsson, 2.5.2011 kl. 20:55

Í báðum tilfellum er þetta bara villimannslegt, í einu orði sagt. Það er til eitthvað sem heitir deifibyssur, og hægt að flytja dýrið á braut meðan það sefur. Þetta hefur verið gert við grimmari skeppnur en bjössa.

Í tilfelli af Osama Bin Laden, þá er það afar heppilegt að bara skjóta kauða eins og sauð, og þurfa ekki að hafa fyrir því að standa til svars, eða sanna málstað sinn. Þetta er svona eins og vilta vestrið, þér er gefið leifi til að skjóta það sem til er.

Og þeim sem finnst þetta sniðugt, eru svona eins og danirnir sem ég hlustaði á hér í útvarpinu. Menn, með heilabú gersamlega gegnumsogið af maríjuana, og hlátrasköll þeirra í sama dúr.

Framtíðinn, er ekki sú sem þessir menn skapa. Hafa ber það hugsfast.

Bjarne Örn Hansen (IP-tala skráð) 2.5.2011 kl. 21:22

Það er ágtt að hafa samúð með hvítabirninum og fordæma drápið á honum- svona staddir í öruggri fjarlægð.

Hornstrandir er mikið ferðamannasvæði og klárlega einhverjir göngumenn þar á ferð núna.

Þoka var ofan miðja híða og auðvelt að missa sjónar af birnu. Allt skeði þetta nokkuð hratt.

Sjálfur minnist ég Hornstrandarferðar í júlíbyrjun 1993. Þá var talið að sést höfðu bjarndýrsspor í Hlöðuvík-skömmu áður en ég fór þar um-einn á ferð.

Auðvitað var nokkur óvissa á þessari ferð minni- hvort bjarndýr væri í raun á svæðinu. Þetta var fyrir tíma flugeftirlits með svona vágestum.

En engan sá ég björninn á ferð minni frá Hesteyri um Hlöðuvík í Hornvík.

Hinsvegar voru bátsverjar á báti frá Bolungarvík að hengja einn sem þeir rákusr á á sundi skammt utan Hlöðuvíkur-á sama tíma.

Auðvitað er margt hugsað sjálfum sér til varnar -mæti maður birni. En allar stærðir eru manningum afar óhagstæðar. Á meðan maður sem á líf að leysa hleypur á 1o km hraða -skamma stund-þá hlyepur bjarndýrið á 50 km hraða.

Síðan er það spurning um - er hann svangur eða saddur ?

Já þetta er mjög óþægleg óvissa sem grípur mann við svona aðstæður.

Ég mæli hiklaust með aflífun bjarndýra á Hornströndum- það hefur alltaf verið gert... segir sagan.

Sævar Helgason, 2.5.2011 kl. 21:33

Það er nú ekki hlaupið að því að fanga þessi dýr. Spurning hvor það borgi sig þegar allir áhættu liðir eru skoðaðir. Sérlega þegar það er ekki nokkur reinsla til staðar á íslandi að fanga Ísbirni. Enfremur á Ísland að vinna að því úr hvaða stofni þessi dýr koma. það má þá í framtíðinni draga þau dýr sem drepinn eru á Íslandi af veiði kvóta, þá austur Grænlands stofninum en það er líklegast að þessi dýr koma þaðan. Þetta er gert hér í Kanada er villingar er skotnir, þá er það dýr dregið af kvóta næst þar sem dýrið var skotið. Svo er hræinu komið til veiðimans sem átti rétt til dýrs til að koma því í verð sem hlunindi. Þetta firikomulag er auðvitað á allan hátt skinsamlegt, hér má spara með að ferðast með men fram og til baka til að vega og meta aðstæður í hvert sinn. Heldur að drepa dýrið strax og koma svo feldinum og öðru til veiðimans á austur Grænlandi sem á hlunindarétt til Hvítabjarnar. Get nú ekki talað fyrir Grænlendinga sem eru heldur betra jafvægi við náttúruna en Inuitar hér í Kanada, en hér er kjötið sjaldan notað til maneldis. Enda ekkert sérlega gott.

Þessu kom ég nú á framfæri á sínum tíma en þetta er nokkuð viðkvæmt mál enda hér á ferðinni eitt fallegasta dýr sem finst á norðurslóðum. Verð að minast á að það að lokum. Á sama tíma og fólk fordæmir að dýrið er drepið þá finst okkur öllum sjálfsagt að leggja til ótakmarkað magn af koltvísýring og myndum telja að það væri vegið að frelsi okkar ef kvóti yrið set á einstaklinga, sem ég tel að sé orðið tímabært. Að vinna ál á Íslandi vegur hrat að heimkinjum Hvítabjarnains, en að halda að með því að eltast við eitt dýr bjargi Hvítabirninum eru menn ekki í samræmi við rönveruleikann. Smá staðreind, en það hefðu verið um 70% líkur á að dýrið hefði drepist við að reina að fanga það.

Góða nótt.

Benedikt H Segura (IP-tala skráð) 2.5.2011 kl. 23:55

Kíktu á þetta Ómar.

Viltu að þetta geti komiði fyrir hérlendis.

Vantar okkur svona auglýsingu fyrir ferðamannaiðnaðinn?

Ísbirnir eru svangir þegar þeir koma hingað.

http://www.snopes.com/photos/gruesome/polarbear.asp

Viggó Jörgensson, 3.5.2011 kl. 03:44

Geta ekki einu sinni fangað einn hvítabjörn ... þetta er ekki bara aumingja háttur að halda þessu fram, heldur er þetta viðurkenning á eigin óhæfni, óhæfi og ósóma.

Bjarne Örn Hansen (IP-tala skráð) 3.5.2011 kl. 08:06