Margt er skrýtið í ....

Yfirlýsingar íranskra leiðtoga eru oft á tíðum býsna skrýtnar, svo skrýtnar á stundum, að minnir á orðtakið  um kýrhausinn.

Ef Kanar höfðu Osama á valdi sínu áður en þyrlurnar lentu að næturþeli og ráðist var inn í bygginguna, sem Osama var í, nálægt miðju landi og rétt hjá stöðvum hersins, hvers vegna voru þeir þá í þeim leiðangri? 

Leiðangurinn sá arna hefur valdið því að nú er stirðari sambúð á milli Bandaríkjanna og Pakistan en nokkru sinni fyrr og því arfavitlaust að búa til svona leiðangur á þennan stað. 

Í 60 mínútum síðdegis jafnaði Andy Rooney láti Osama við lát Hitlers og lagði þá að jöfnu. Það taldi Rooney að réttlætti það að fögnuður ríkti yfir drápi Osama.

Obama sagði að réttlætinu hefði verið fullnægt með drápinu og 3000 manna, sem drepnir voru 11. september 2001 "hefði verið hefnt."

Þetta tel ég hæpið úr munni manns sem fékk friðarverðlaun Nóbels og tel það raunar aldrei fagnaðarefni að maður sé drepinn. 

Hitler lét beinlínis drepa 6 milljón Gyðinga í samræmi við þá stefnu að útrýma öllum Gyðingum, og stríðsstefna hans leiddi tugi milljóna í dauðann. 

Einhverjir kunna að segja að Osama bin Laden hefði látið drepa milljónir ef hann hefði getað það, en það eru ekki gild rök að mínu mati. Með sömu röksemdafærslu hefði verið hægt að sakfella Hitler fyrir þá löngun sína að drepa nokkrar milljónir Gyðinga í viðbót. 

Hefndarhugur er einhver hættulegasti eiginleiki mannsins og hefur valdið og veldur enn ómældu tjóni. 

Þetta rann upp fyrir mér þegar gömul kona í Demiansk í Rússlandi sagði mér að þýsku hermennirnir, sem hersátu bæinn og voru þar innikróaðir hefðu ekki verið það sem fólkið þar hræddist mest þótt Hitler hefði gefið út þá skipun að leyfilegt væri að skjóta hvern þann sem hermenn lysti. 

"Við vorum miklu hræddari við Finnana," sagði gamla konan, "þeir voru vitskert villidýr." 

Það rann ekki alveg strax upp fyrir mér hvers vegna þetta gæti verið satt en síðan lá það nokkuð ljóst fyrir.  Þýsku hermennirnir voru ungir menn sem höfðu verið sendir í fjarlægt land á vit þjóðar sem þeir vissu ekki að þeir ættu neitt sökótt við.

Finnarnir voru hins vegar að hefna harmanna frá vetrarstríðinu við Rússa tveimur árum fyrr. 

Íranar segja Osama hafa verið fanga Bandaríkjamanna

Athugasemdir

[Sigurgeir Jónsson, 15.5.2011 kl. 21:59]

Hættan fyrir heiminn, af Osama Bin Ladin lifandi var margfalt meiri en af honum dauðum svo einfalt var það.Ekkert gat réttlætt það að drepa ekki þennan fjöldamorðinga.

[Jón Logi (IP-tala skráð) 15.5.2011 kl. 22:32]

Það voru 3 möguleikar með Ósama.

1: Láta hann eiga sig. Voða gaman, leyfa honum að komast áfram með skipulagið sitt.

2: Ná honum lifandi og rétta yfir honum líkt og Saddam. Athyglisvert hve mörg mannrán o.þ.h. yrðu til í millitíðinni til að reyna að ná skiptimynt fyrir kallinn.

3: Ná honum dauðum, og horfast í augu við hefndarhryðjuverk sem eru þó minna skipulögð en það sem hann hafði á teikniborðinu.

Harmdauði? Neeei.

[el-Toro, 16.5.2011 kl. 00:02]

al-Qaeda voru fjármögnunar-aðilar fyrir hryðjuverk og ein virkasta áróðursmaskína fyrir hryðjuverk.  það er það sem var hættulegt við al-Qaeda og verður áfram.  þeir stjórnuðu hvorki því sem sprengt hefur verið, né hafa þeir aldrei skipulagt hryðjuverk né framkvæmt sjálfir. 

tugir þúsunda hryðjuverkahópa um allan heim múslima þyggja aðstoð frá al-Qaeda í afganistan.  sú aðstoð hefur verið síðustu ár í formi peningagjafar, áróðurstengd og þegar fólk ferðast til afganistan til að taka þátt í svokölluðum æfingarbúðum (al-Qaeda)

úti í hinum stóra heimi og meira að segja í pakistan, er gríðarlegur fjöldi hryðjuverkamanna og hópa sem geta sprengt upp byggingar og hvað sem er í þeirra löndum hvernær sem er.  þar kemur al-Qaeda hvergi að máli.  þess vegna er svo erfitt að stöðva hryðjuverk í löndum múslima.  hóparnir eru orðnir svo litlir að nær ómögulegt er fyrir löggæsluyfirvöld landnna að verða þeirra var.

í viðtali við der spiegel viðurkenndi pervez musharaf að frá áttunda áratugnum og fram til dagsins í dag, þá þjálfar pakistanska leiniþjónustan (ISI) hryðjuverkamenn sem vopn gegn óvinum pakistan....Indland. 

margir sérfræðingar halda því fram að al-Qaeda hafi verið ýkt í fjölmiðlum vesturlanda til að búa til þetta ákveðna battery sem al-Qaeda er.  það hafi verið gert eftir sprengingarnar í sendiráðum bandaríkjanna í afríku á tíunda áratuginum.  Jason Burke höfundur eitt helsta rits um al-Qaeda sem til er, og einn af mestu sérfræðingum um al-Qaeda....nefnir í bók sinni "al-Qaeda" að orðið sjálft al-Qaeda hafi ekki verið notað í skjölum FBI fyrr en löngu eftir þessar sprengingar.  mig minnir að það hafi verið fyrst notað 1998 sem orð yfir hryðjuverkahóp.  síðar varð nafn bin Laden fyrst notað yfir hryðjuverkamann svo eftir því væri tekið.

en Jason Burke segir frá því að ástæða þess að al-Qaeda sjálft varð gert að svo stóru fyrirbrygði í fjölmiðlum okkar, sé út af því að hryðjuverkamenn og hópar hafi verið svo margir að ómögulegt hafi verið að eltast eftir einum og einum.  þar sem ásakanir þurftu að liggja fyrir á hvern og einn fyrir sig.  en ef hægt yrði að tengja hann við al-Qaeda, þar sem al-Qaeda var þegar búið að vera ásakað um hryðjuverkin á tíunda áratugnum.  þá var mun auðveldara að hafa hendur í hári hryðjuverkamanna út um allan heim.  þeir voru einfaldlega tengdir við al-Qaeda og þá var komið skotleifi á þá.

en hérna að neðan er hægt að sjá bút frá BBC þar sem hann lýsir þessu sjálfur....auðvitað lýsir hann þessu betur en ég gerði :)

http://gagnauga.is/index.php?Fl=Straumar&ID=910

ég mæli einnig með að fólk reyni að verða sér út um viðtal sem kastljós átti við Jón Orm fyrir rúmumm mánuði síðan.  gæti verið erfitt að nálgast það.  svo eigum við íslendingar einn af fremstu sérfræðingum um málefni mið austurlanda.  Magnús Þorkell  Bernharðsson.

[Sigurður (IP-tala skráð) 16.5.2011 kl. 00:53]

Sammála Ómari og reyni að gleðjast ekki yfir drápi á fólki, þótt skelfilega slæmt kunni að vera. Ég geri hins vegar ráð fyrir, að forseti Írans hafi ætlað sér að dreifa athyglinni frá fréttum sama dag um vopnaflutninga frá landi hans til Norður-Kóreu. Segja eitthvað nógu krassandi, til að það yfirgnæfði um sinn svo óverjandi háttsemi.

[Sigurður Haraldsson, 17.5.2011 kl. 00:46]

Dauði Osama Bin Landen leiðir til þriðja stríssins!

[Sigurður Haraldsson, 17.5.2011 kl. 00:47]

Þarna átti að standa "þriðjastríðsins"

[Jón Logi (IP-tala skráð) 18.5.2011 kl. 12:23]

Hann hefði orðið glaður með það, enda var það akkúrat það sem hann stefndi að í lifanda lífi.

Það er því kannski réttara að segja að líf hans leiðir hugsanlega til þriðja stríðsins.