Hef lengi haft grun um þetta.

Mig hefur um árabil grunað að ekki væri allt með felldu varðandi kenninguna um það sykurskertir gosdrykkir væru grennandi fyrir fólk.

Upphaf þess að mig fór að gruna þetta var það, að ég tók eftir því langflestir þeir sem feitastir voru drukku Diet Coke eða Pepsi Max.

Oft mátti sjá þetta sama fólk háma í sig "ruslfæði" með tilheyrandi sósum og "knansæðakítti" (coctail-sósu) og einnig var það grunsamlega oft með stóra rjómaísa og smurði þykku smjöri ofan á brauðin.

Ný rannsókn sýnir að sætuefnin í sykurskertu drykkjunum æsa upp sult í fólki en mig grunar að fleira komi til.

Þeir sem drekka sykurskertu drykkina einblína á áróðurinn um það hve fitandi hinir sykruðu drykkir séu.

Rétt er það, að þeir innihalda fleiri hitaeiningar en sykurskertu drykkirnir en samt er það hvergi nærri eins mikið og sú orka og fita sem til dæmis er að finna í súkkulaði.

Staðreynd: Í 100 ml af Coca-Cola eru næstum tíu sinnum færri hitaeiningar en í jafnmiklu magni af súkkulaði og í súkkaðinu eru 40% fita, en í kókinu er engin fita.

Kók og Prins, - Prinzið er níu sinnum meira fitandi miðað við það magn sem neytt er.

Kókið inniheldur einhverjar fæstu hitaeiningar miðað við magn sem hægt er að finna í neysluvöru.

Þetta held ég að fituhlunkarnir viti ekki, enda hafa þeir aðeins fengið að heyra það margsinnis að sykurskerti drykkurinn sé lausnin og komi í veg fyrir hin fitandi áhrif venulegra gosdrykkja.

Rétt er þó að geta þess að í gosdrykkjunum er hvítasykur sem er afar óhollur og eitt af helstu heilsufarsvandamálum okkar tíma.

Ég hef einnig heyrt þá kenningu að þegar fólk neyti mikils af sykurskertum drykkjum geti það með tímanum orðið til þess að heilinn fari að hætta að láta "plata" sig þegar hann fær skilaboð um sykur sem séu röng og hætti því að bregðast við þegar raunverulegur sykur er á ferðum með því að senda boð um insúlínframleiðslu.

Afleiðingin verði áunnin sykursýki.

Í meginatriðum eru aðeins tvö atriði sem duga til að koma í veg fyrir ofþyngd:

Að gæta þess vandlega hve hitaeiningar eru innbyrtar í fæðinu.

Að hreyfa sig nógu mikið og helst að taka nógu oft meira en 20 mínútna langar skorpur.

Auk þess þarf að varast að að rjúka út í mikið svelti því að líkaminn getur átt það til að bregðast við því með því að breyta efnaskiptum sínum, svo að fæðið nýtist sem best.

 

Sykurskertir drykkir fitandi

Athugasemdir

[Guðmundur Ásgeirsson, 3.7.2011 kl. 19:59]

Þetta er í rauninni einfalt, með því að borða gerviefni plötum við bara heilann, en ekki líkamann. Þegar við sendum meltingarfærunum handahófskennd fölsk skilaboð í formi gervisætubragðs án þess að sykur fylgi á eftir kennum við líkamanum að hætta að taka mark á þeim, og það raskar öllu jafnvægi í meltingunni. Mannslíkaminn er "hannaður" til að bregðast við sveiflum með því að safna forða, því þá gæti harðæri verið í uppsiglingu. Þessi eiginleiki hefur hjálpað mannkyninu að lifa af hungusneyðir gegnum tíðina, en er núna að koma okkur í koll þegar við fjarlægjumst sífellt meir hið náttúrulega.

[Haukur Kristinsson (IP-tala skráð) 3.7.2011 kl. 22:50]

 Þetta má lesa í greininni:

“The problem with this study is that they need to propose a biological mechanism to explain the observational findings.

“And it takes a quantum leap to relate the effects of aspartame [sweetener] in diabetic-prone mice to humans.

“One possible explanation is that in America very obese people can be seen wandering round with a triple cheese-burger in one hand but always with a diet drink in the other, presumably working on the basis the diet drink cancels out the calories in the food.”