Múlakvísl er háð leysingu á jöklinum.

Múlakvísl er jökulá. Það þýðir að lofthiti hefur mikil áhrif á vatnsmagn og framburð auk þess sem úrkoma hefur svipuð áhrif á vatnsmagnið og í bergvatnsám.

Nú er að koma hlýr loftmassi upp að landinu sem færi með sér bæði hærri lofthita og úrkomu í ofanálag.

Það þýðir að vatn í ánni getur vaxið allmikið yfir daginn, þegar lofthitinn er mestur.

Að undanförnu hefur verið mikill munur á hita dags og nætur og loft frekar svalt.

Á landinu hefur frostmarkshæð verið á bilinu 900 til 1500 metrar en stór hluti Mýrdalsjökul er í þeirri hæð og því engin snjóbráð þegar loft er svo svalt.

Af framangreindum sökum má leiða líkur að því að í eðlilegum sumarhita verði erfitt að nota miðjan daginn til aksturs yfir ána og frekar að sæta færis á þeim tíma sólarhringsins sem hitinn er minni.

Lokað yfir Múlakvísl til 18

Athugasemdir

[gissur jóhannesson (IP-tala skráð) 12.7.2011 kl. 17:14]

Nú þurfa menn að hugsa áður en þeir henda. Ef þurt veður er þá er altaf mynst í jökulvötnum um klukkan fimm að morgni. Mér var sagt að rútan hafi verið keyrð austur yfir vatnið fyrir neðan veginn þar sem stöðugt er verið að veita vatninu yfir vegna brúargerðinnar.   Auðvitað á að keyra rútuna yfir fyrir ofan veginn þar sem nó pláss er til að velja bestu leiðina.HUGSIÐ ÁÐUR EN ÞIÐ HENDIÐ.

                                           Gissur á Herjólfsstöðum kt.131228-3689