Löngu fyrirséð og getur orðið verra.

Það var löngu fyrirséð og óhjákvæmilegt að Landhelgisgæslan hefði enga þyrlu tiltæka í útkall. Það lögmál gildir í flugrekstri, að ekki sé nú talað um þyrlurekstur, að helstu þurfi að vera fimm og mikil áhætta að fara niður í þrjár.

Höfuðástæðan er sú að sá tími sem þyrlur eru óflughæfar vegna viðhalds er mun lengri en flugtíminn sem þær fljúga. 

Skoðum fimm þyrlur, eins og voru í flugsveit Bandaríkjahers á Keflavíkurflugvelli, meðan hún var. 

Af þessum fimm eru að jafnaði minnst tvær óflughæfar vegna viðhalds. 

Þá eru eftir tvær. 

Önnur þeirra getur bilað. 

Þá er eftir ein. 

Upp koma tvö útköll á sama tíma. Þá vantar eina og ekki hægt að sinna öðru útkallinu. 

Að hafa tvær þyrlur er að bjóða hættunni heim. 

Önnur er í skoðun og hin bilar. Þá er engin eftir. Svo einfalt er það. 

Sem betur fór var það minniháttar slys sem varð í Kverkfjöllum. Sem betur fór var tiltæk einkaþyrla. 

Ef þetta ótæka ástand kostar mannslíf má benda á það að íslenskt mannslíf í köldum, beinhörðum peningum er virt á 2-300 milljónir króna.  Þá er ekki tekið með aðaláfallið, hið sálræna og tilfinningalega. 

Það má þakka fyrir að þetta ástand hafi ekki enn kostað mannslíf. En svona háskaleikur er óverjandi. 

Hún getur bilað. 

 

„Óviðunandi ástand“

Athugasemdir

[BR (IP-tala skráð) 18.8.2011 kl. 21:29]

Skoðum 5 þyrlur. Þar af eru 2 í viðhaldi. En þá eru eftir þrjár, ekki tvær...

Efnislega er þetta þó rétt. Þrjár nothæfar þyrlur eru algert lágmark. Sem þýðir að fimm þurfa að vera til staðar að teknu tilliti til viðhaldsþarfar.

[Teitur Haraldsson, 18.8.2011 kl. 21:41]

En ef við tökum tillit til kostnaðar.
3 (eða 5) þyrlur kosta hvað marga lækna sem við myndum hafa á spítölunum að sinna mörgum sinnum fleirum en þetta auka öryggi myndi gera fyrir okkur.

Það að fækka læknum (með því að borga þeim ekki há laun) kostar líka mannslíf. 

[Stefán Júlíusson (IP-tala skráð) 18.8.2011 kl. 22:06]

Þyrlur koma aldrei til að sækja brotinn sjómann.  Skipið getur siglt í land og svo getur sjúkrabíll keyrt hann á sjúkrahús.

Það er aðeins ef bráð lífshætta er að þyrla fari til að sækja sjómann.

Sjómenn eru ekki eins mikilvægir og aðrir. 

Að reka hesta er mikilvægara en að sækja slasaða sjómenn. 

[Teitur Haraldsson, 18.8.2011 kl. 22:19]

Það er helst sú skýring á því að það er mikið hættulegra að síga eftir slösuðum manni út á sjó en yfir landi.
Og mikið hættulegra fyrir þyrluna auðvita.

[Stefán Júlíusson (IP-tala skráð) 18.8.2011 kl. 22:22]

Við æfum þetta marg oft og vitum hvað á að gera og hvar er best fyrir þyrluna að láta sigmanninn síga.

Ef þetta er svona hættulegt, á þá ekki að segja klárt að þyrlurnar séu ekki fyrir sjómenn heldur fyrir hesta. 

[Anna Sigríður Guðmundsdóttir, 18.8.2011 kl. 23:08]

Ómar. Góður pistill og þörf áminning hjá þér.

Það má aldrei spara pening, til að bjarga mannslífum. Mannslíf verða ekki metin til fjár, því þau eru svo miklu dýrmætari en veraldlegur auður.

Þetta vita veraldarbúar, en samt er mannslífum fórnað um allan heim fyrir innistæðulausan, veraldlegan og einskisverðan svikaverðbréfa-peninga-auð ræningjabanka heimsins? 

Líf fólks í heiminum verða aldri metin til fjár, því þau eru ómetanlega dýrmæt. Enginn heilbrigður einstaklingur getur verið ó-sammála þeirri staðreynd.

M.b.kv.

[Guðmundur (IP-tala skráð) 18.8.2011 kl. 23:16]

Ég myndi telja skynsamlegt að skoða þann möguleika að hið opinbera semji við einhvern aðila um rekstur sérstakrar þyrlu til sjúkraflutninga á landi. Flest sjúkrafluga sem þyrlur sinna á landi eru þess eðlis að hægt er að lenda nálægt vettvangi. Það er ekki þörf á að senda stóra og dýra Super Puma þyrlu með 5 manna áhöfn í flest þessara fluga. Þyrla af svipaðri stærð og hin gamla TF-SIF gæti hentað mun betur í slík verkefni. Mun liprari, ódýrari í rekstri og heppilegri að stærð í flest verkefnin. Ef slysið krefst spilvinnu og hífinga þá er að sjálfsögðu hægt að fá sérútbúna björgunarþyrlu hjá Landhelgisgæslunni.

[Dexter Morgan, 19.8.2011 kl. 00:40]

Legg til að Landhelgisgæslan verði lögð niður. Hún er farinn að virka eins og hvert annað tækjaleigufyrirtæki, sem leigir skip og flugvélar út um allan heim og jafnvel í hernaðarlegum tilgangi. Við eigum ekki að fást við slíkt hérna. Annaðhvort eigum við og rekum ALVÖRU gæslu, fyrir ísland og íslendinga eða sleppum því. Það er skömm að þessum rekstri í þeirri mynd sem hann er núna.

[sigkja (IP-tala skráð) 19.8.2011 kl. 01:35]

Sem betur fer eru flest útköll á haf út til að sækja fólk sem ekki er í lífshættu. Sambærileg meiðsli og veikindi og flogið er eftir yfir landi.

Að reka eina þyrlu kostar svipað og 50 læknar. En þá er eftir að borga 6 milljarðana sem hún kostar sjálf auk launa áhafnar. 6 milljarðar eru rúmum milljarði meira en kostar að reka Sjúkrahúsið á Akureyri. Við getum lokað Sjúkrahúsinu á Akureyri og það mun örugglega kosta nokkur mannslíf fyrir áramót. Við getum hætt þyrluflugi og það kemur eflaust að því einhvern tíman á næstu mánuðum eða árum að það kostar mannslíf.

Vill fólk borga 5% hærri skatta, 20%, 40% til að fækka dauðsföllum um 1,2 eða 20 á ári? Ætlar fólkið sem telur að líf fólks í heiminum verði aldrei metið til fjár að gefa Rauðakrossinum allar sínar eigur á morgun? Hátíðlegar yfirlýsingar um gildi mannslífa frá fólki sem lifir í vellystingum feitt og sællegt meðan milljónir barna svelta ætti að flokka sem siðblindu og geðveiki á háu stigi.

Þegar alvarlegur atburður sem hefði mögulega mátt koma í veg fyrir kemur upp verður spurningin að vera "Hvað ert þú tilbúinn til að borga mikið til að þetta komi ekki fyrir aftur?" Það er enginn annar sem borgar, peningurinn kemur allur úr þínum vasa. Síðan ættu að vera reitir á skattaskýrslunni þar sem þú getur beðið um að 100.000 sé tekið aukalega í þyrlusveitina, 20.000 í einbreiðar brýr og hættuleg gatnamót, 30.000 í sjúkraliða og lækna o.s.frv.

[Jón Logi (IP-tala skráð) 19.8.2011 kl. 13:23]

Aukin virkni í einkaflugi hjálpar til við bæði björgun og leitir. Því miður hefur stefna flugyfirvalda verið á annan veg.

Nú geta svona rellur ekki stoppað og sett niður sigmann, en það sparar tíma fyrir þyrluna t.a.m. fyrir slys inni á landi, eða leit að manneskju ef búið er að staðsetja.

Minnist svo frækilegra sjúkrafluga Björns Pálssonar, og svo því sem að ég held að sé rétt, að flest sjúkraflug á landinu í dag fara ekki fram með þyrlum.

Og enn eitt.... Stefán:

"

Þyrlur koma aldrei til að sækja brotinn sjómann.  Skipið getur siglt í land og svo getur sjúkrabíll keyrt hann á sjúkrahús.

Það er aðeins ef bráð lífshætta er að þyrla fari til að sækja sjómann."

Þetta hlýtur að vera háð hjá þér. Var einu sinni á togara og háseti veiktist, og einkennin svipuð botnlangakasti. Það var stímt á fullu í átt að landi, og vegalengdin var all-löng. Þyrla var ekki tiltæk, en veður sæmilegt. Til að flýta fyrir var sendur út hraðskreiður bátur frá björgunarsveit, og manninum var slakað þar inn. Stundum er þetta spurning um mínútur, og það vita allir björgunarmenn.

Innvortis blæðingar, opin beinbrot, höfuðmeiðsli, ....o.s.frv. og þar með talinn rifinn botnlangi.