Úr öskumistri í dýrðina.

Eftir hádegi í dag var veðrinu misskipt á landinu. Á öllu Suðurlandi og við Faxaflóa var öskumistur, en norðan Vatnajökuls eitthvert mesta dýrðarveður sem ég man eftir, en ég flaug á TF-REX frá Tungubökkum í Mosfellsbæ austur á Sauðárflugvöll.

September er nefnilega besti mánuður ársins til kvikmyndatöku, þar sem landslag þarf að njóta sín.

Fyrr á sumrinu fer sólin of hratt, of bratt og of hátt upp á himininn og afleiðingin er að skugga vantar í landslagið og loft verður ókyrrt vegna þess að sólin hitar jörðina.

Í dag hreyfðist flugvélin ekki frekar en að að kvikmyndavélin mín væri á þrífæti.

Fór síðan á Mývatn og þaðan til Akureyrar, en er nú að leggja af stað akandi á gamla Subaru-fornbílnum suður eftir einhvern magnaðasta kvikmynatökudag, sem ég minnist.

Um leið og tími og tækifæri gefst skutla ég kannski einhverjum myndum inn á bloggið.

Athugasemdir

[Jón Logi (IP-tala skráð) 14.9.2011 kl. 22:15]

Æðislegt!!!

Myndir að morgni, og til hamingju með þetta. Hún er seig hún REXA þótt lítil sé ;)

[Jón Logi (IP-tala skráð) 16.9.2011 kl. 21:53]

Keypti moggann og sá þessa fínu mynd. En mikið væri gaman af því ef eitthvað gæti birst hérna ......