Allar línurnar niður á við.

Þegar líf- og umhverfisvísindadeild Háskóla Íslands var stofnsett á Degi íslenskrar náttúru hinn 16. þessa mánaðar, voru flutt nokkur athyglisverð erindi.

Hið fyrsta þeirra var svo athyglisvert að það ætti að vera skyldulesning allra. Í því sýndi Kristín Ragnarsdóttir fjölda línurita sem táknuðu notkun mannkynsins á helstu auðlindum símum og birgðirnar sem til eru af þeim.

Línuritin sýndu meðal annars orkunotkun, olíunotkun, fosfatnotkun, járnvinnslu og vinnslu margra annarra nauðsynlegra efna til þess að lifa nútíma lífi.

Öll voru þau eins, sýndu sívaxandi ris notkunar og óhjákvæmlegrar minnkunar vegna þess að á engu þessara sviða var notkunin sjálfbær.

Sum línuritin voru með hámark einmitt um þessar mundir, svo sem olíunotkun, en önnur sýndu, að hægt væri að vísu að treina hámarksneysluna fram til 2030 eða í mesta lagi til 2050, en síðan lægi leiðin hratt niður á við.

Ýmislegt kom á óvart, svo sem það að meira að segja stálframleiðsla stefndi í hnignum og fall, og einnig það hve fosfat er mikilvægt á mörgum sviðum og tengist frumþörfum mannkynsins.

En hið sama á við um fosfatið og hin efnin, að hrunið er framundan og óhjákvæmilegt. 

Mannkynið sprengir skuldaþak náttúrunnar

Athugasemdir

[V.Jóhannsson (IP-tala skráð) 21.9.2011 kl. 00:41]

Ómar - Ef þú hefðir haft þennann svartsýnishugsunarhátt þegar þú varst ungur, hefðir þú þá lært flug? NEI. Norðmenn voru að fynna fyrir stuttu síðan, sennilega umfangsmestu gas og olíulind á þeirra svæð og eiga eftir að leita enn betur.

Rússar leita á norðurslóðum og koma til með að fynna ógrynni magn.Sama með Alaska og Kanada. Þetta kemur til með að endast hundruðir ára.

Málmurinn er óendanlegur t.d. Ástralía og öll jörðin eins og hún leggur sig. Svíar hafa tekið ákvörðun og eru byrjaðir að flytja borgina KIRUNA á norðurlandi, vegna auðugra málmnáma undir borginni.

Það launar sig fyrir ríkið að flytja alla borgina og byggja hana upp annarsstaðar með 24.000 íbúum, til að nálgast málminn og þetta verður stál. Svíar, Kanada og USA eru þau lönd og væntanlega fleiri, sem setja niður græðling fyrir hvert trá sem höggvið er.

Trén höggvast milli 50 og 60 ára gömul, þannig að kynslóðin sem sáir, nýtur ekki afrakstursins, heldu afkomendur, sem eru sér vel meðvitaðir um hvað er að gerast. Fiskeldi í stórum stíl út um alla jörð, frá Asíu fjær og til norðurhafa með allskonar tegundir af fisk og skeldýrum fóðrar milljónir. Sjálfbær notkun er að sjálfsögðu ekki til, því þá væri búið að fynna upp eilífðarvélina.

Birgðir af verðmætum sem jörðin gefur er óþekkt stærð og þessvegna eru línurit ómerk. Það geta allir búið til línurit og blaðrað, annað hvort til að hræða eða gleðja auðtrúa. Það eru mörg ár síðan ég hætti að lesa og stútera stjörnufræði og þú mátt geta upp á hvers vegna ég nenni því ekki. Þær voru margar góðar greinarnar í Úrval í gamla daga og maður gleypti allt hrátt, því þetta var svo spennandi. En hvers virði er þetta okkur í dag með þessari endalausu afhjúpun með nýrri tækni?

[Þór (IP-tala skráð) 21.9.2011 kl. 01:51]

Er ekki ástæðan að Svíar eru að færa borgina, er vegna aukins eftirspurnar af málmi, hver flytur heila borg til að grafa eftir málmum, það hefði ekki verið gert ef málmar væru í auðvinnanlegu magni annarstaðar.

Mér finnst þetta eins og að stinga hausnum í sand að loka augunum fyrir ofneyslunni sem hefur gengið yfir síðustu tugi ára og er bara að aukast frá ári til árs.

Með núverandi fyrirkomlagi, þá er það gróði sem stýrir notkun auðlinda, græðgi fólks sem stjórnar, ekki vitsamleg nýting á því sem er okkur best.

Í dag lifum við á besta hugsanlega tíma í mannkynssögunni, meðan við njótum þess, þá ættum við að hugs am að afkomendur okkar njóti þess líka.

[Gunnar Th. Gunnarsson, 21.9.2011 kl. 08:00]

Sem betur fer er nóg til af áli (báxít). Engin hætta á að það klárist

[Ágúst Freyr Kristinsson (IP-tala skráð) 21.9.2011 kl. 11:23]

V.Jóhannson það er nátturulega fáránlegt að halda því framm að það sé til óendanlega mikið magn af einhverri auðlind.

það er búið að taka miljónir ára fyrir allar þessar auðlindir sem við notum svo óspart að verða til, og mannskepnan gengur hraðar og hraðar á þessar auðlindir á hverju ári. þó svo að það sé að vissu leiti satt sem þú seigir að við vitum ekki nákvæmlega hvað er mikið til af öllum auðlindum jarðar. þá er nú þegar nokkuð góður skilningur á því hversu mikið af þeim er til.

Ég mælið með að þú V.Jóhannsson horfir á heimildar mynd sem heitir "Home" ( http://www.youtube.com/watch?v=jqxENMKaeCU ). Auk þess er til fjöldinn allur af ritefni og öðrum myndum sem fara vel í gegnum hvernig jörðin varð til og hvaðan þessar auðlindir okkar koma, hvernig við erum að fara með plánetuna og framm eftir þeim götum, kynntu þér nú málið alminnilega og skoðaðu báðar hliðar málsins.

Og það sem þú seigir um Stjörufræði og að þú nennir ekki að fylgjast með henni lengur, sýnir engöngu það að þú ert einfaldlega ekki nóg og vel upplýstur og hvorki tilbúinn né viljugur til að taka á móti nýrri þekkingu. Það að hætta að fylgjast með stjörnufræði afþví að ný þekking og ný tækni komi framm er eithvað það skrítnasta sem ég hef heirt lengi.

Fegurðin við Vísindi er sú að þau er síbreytileg til hins góða, þegar ný þekking kemur framm er vísinda heimurinn tilbúinn að kasta til hliðar því sem var áður "trúað" ef nýja þekkingin hefur betri rök heldur en þau gömlu... Sem að ég myndi halda að maður ætti að taka fagnandi.

þannig lærum við hluti.

[V.Jóhannsson (IP-tala skráð) 22.9.2011 kl. 13:14]

Þór - Málmar liggja í æðum í jarðskorpunni og námurnar í Kiruna liggja undir borgina. Til hvers að leita að nýjum æðum þegar þessi risa æð liggur þarna og er þegar í vinslu.

Ágúst Freyr - Ég sagði að málmurinn væri óendanlegur t.d. í Ástralíu og þá á ég við járn sem er nóg af, fyrir utan endurvinslumöguleika á því. Ég sagði aldrei að olían væri óendanleg.

Dæmi um umfangið að byrja vinslu í nýrri námu, er t.d. þegar svíar fundu gullæð fyrir all mörgum árum í norðurlandi, sem mun gefa arð, að það tekur 10 ár frá því að undirbúningur hefst og þar til að námuvinslan sjálf hefst.

Þetta með stjörnufræðina. Ég nenni ekki eð taka á móti nýrri staðhæfingu í stjörnufræði, sem er úrelt á morgun. Mér fanst gaman af þessu þegar ég var yngri og diskuteraði þessi mál mikið við mína vini og félaga. Þessi þekking leiðir okkur ekkert nema í draumóravillur, sem kostar í ofanálag ómælt. Ég horfi á Stargate og hef gaman af hugarfluginu, en ég er ekkert fífl. Tek fram svona til gamans að í mínum Stargate-þáttum tala allir í heila júniversum þýsku.

[Ómar Ragnarsson, 22.9.2011 kl. 22:24]

Það er sama hvaða vísindarit, tímarit er opnað  eða á hvaða heimildarþátt í sjónvarpi er horft, öllum ber saman um það að hámarki olíualdar er náð og leiðin liggur aðeins niður á við.

Hér er ekki um "svartsýnishugsunarhátt" að ræða heldur það að þora að horfast í augu við blákaldar staðreyndir í stað þess að fara á flótta undan veruleikanum og viðfangsefnunum, sem blasa við.

Þessar stórkostlegu nýju olíulindir sem Valdimar talar um eru að allra mati mun minni en þær sem eru undir Arabalöndunum og með hverju árinu verður erfiðara og dýrara að ná í olíuna og vinna hana.

Ég er ekki haldinn svartsýnishugsunarhætti varðandi okkur Íslendinga heldur er ég afar bjartsýnn fyrir hönd okkar varðandi það að við munum sleppa mun betur en aðrar þjóðir sem ekki eiga endurnýjanlega og hreina orku í sama mæli og við.

En það er líka háð því að við sóum henni ekki allri í hendurnar á erlendum bruðlurum orkunnar.

[Gunnar Þórólfsson (IP-tala skráð) 23.9.2011 kl. 21:17]

lausnin er að rækta hamp, hann er til margs nýtilegur og myndi til dæmis ekki þurfa að höggva skóg nema í litlu magni fyrir timbur framleiðslu því ert fljótari að rækta hamp til notkunar í pappír og fleiri hluti heldur en tré

mæli með að menn lesi sér til um gagnsemi hamps, hann er nefnielga asskoti mögnuð planta með marga möguleika og það umhverfisvæna og góða.