Er það virkilega ?

Er það virkilega að heimurinn hafi breyst eins og bankastjóri breska seðlabankans segir? 

Er það virkilega að hann eigi eftir að breytast enn meira og hraðar en okkur órar fyrir?  

Er það virkilega að öflun flestrar þeirra hráefna, sem knýja áfram hinn skilyrðislausa hagvöxt sé komin í hámark og að leiðin muni aðeins liggja niður á við?

Er það virkilega að ekki sé hægt að "endurfjármagna" tryllingslegar skuldir þjóðríkja heims?

Ég var að horfa og hlusta á á YouTube á Ronald Reagan 1980 í kappræðum við Jimmy Carter fyrir forsetakosningarnar. Carter taldi olíukreppuna sem skall í kjölfar byltingarinnar í Íran hringja viðvörununarbjöllum varðandi það að Bandaríkjamenn og mannkynið yrði að horfast í augu við óhjákvæmileg endalok olíualdarinnar.

Ronald Reagan hélt nú ekki. Talaði mjög sannfærandi um um olíulindir í Bandaríkjunum sjálfum sem myndu breyta þessu öllu.

Síðan er liðið 31 ár. Carter tapaði kosningunum vegna "úrræðaleysis" og "bölsýni". Reagan vann. Hann átti að verða sá sem öllu bjargaði eftir klúður Carters.

Öll þessi mikla olía sem Reagan fullyrti að leyndist undir Bandaríkjunum hefur ekki fundist ennþá.

En hann sigraði í kosningunum.

Reagan samdi við Sádiaraba að auka dælingu úr olíulindum sínum. Heimsmarkaðsverðið lækkaði og  Bandaríkjamenn græddu, en Sovétríkin, sem voru olíuútflutningsland, sköðuðust svo mikið að þau féllu.

Við og við berast fréttir af fundi nýrra olíulinda og gefnar eru væntingar. Aldrei er minnst á hve mikill hluti af olíuneyslu heimsins finnst á hinum nýju stöðum, heldur tilgreindar milljónir tunna af þessum vökva sem allt stendur og fellur með.

Það fylgir heldur ekki sögunni það verður æ erfiðara og dýrara að vinna olíuna.

Enginn Reagan kemur nú fram og lætur Sádiaraba auka dælingu úr olíulindum sínum. Hvers vegna?

Vegna þess að Sádarnir vita sjálfir að olíuauðurinn er takmarkaður og að nálgast endapunkt og að aukin vinnsla myndi aðeins flýta endalokunum en ekki koma í veg fyrir þau.

Í stað þess að þjóðir heims hafi snúið bökum saman til að draga úr áfallinu vegna óhjákvæmilegrar olíukreppu, sem framundan er og mátt sjá fyrir fyrr en 1980 hefur sjúkt efnahagslíf heimsins búið til fjármálaloftbelg, sem gerir íslensku fjármálabóluna, sem sprakk, að sápukúlu í samanburðinum.

Búinn hefur verið til gerviauður lánasprengingar og skuldasöfnunar, sem knýr áfram trúaratriðið hagvöxt, sem getur ekki haldið áfram, heldur hlýtur allt kerfið að springa.

Það er komið að skuldadögunum.  Það er hinn breytti heimur. Framundan er enn breyttari heimur.

Það hefði verið gott að búa sig undir hann og minnka áfallið með breyttu hugarfari.

En því miður hefur það ekkert breyst.

Allt frá Carter til Mervyns King hafa þeir sem viljað hafa stefnubreytingu til þess að komast sem skást frá hinu óhjákvæmilega verið taldir fara með "bölmóð og svartagallsraus."

Hinir, sem hafa viljað blása sápukúluna enn meira upp hafa verið taldir bjartsýnismenn og bjargvættir.

Engum virðist detta í hug að bjartsýni, sem byggist á blekkingum, feluleik og flótta frá staðreyndum, er ígildi hins versta bölmóðs, og að viðbrögð við fyrirsjáanlegum vanda og mikilli áskorun, sem byggjast á hugrekki til þess að horfast í augu við hið raunverulega viðfangsefni er eina vonin til þess að vel geti farið.

 

„Heimurinn hefur breyst“

Athugasemdir

[Bjarne Örn Hansen (IP-tala skráð) 7.10.2011 kl. 08:11]

Ég leifi mér að segja Ómar, að þú sjáir þetta ekki fyrir sjálfur.

Ronald Raegan, setti í gang kerfi sem er núna að spila sig út.  Hann setti í gang, að láta Kína framleiða fyrir sig, í stað Japans áður.   Þetta var niðurstaða þess að Bandaríkjamenn settu Japönum fótinn fyrir dyrnar, þegar viðskiptahallinn milli landanna var of stór, og Japan vildi ekki fjárfesta í bandaríkjunum.

Þetta sáum við fyrir, en ekki þið ... eruð þið byrjaðir á að hlusta á okkur? nei, ekki enn ... eða hvað.

Kína er að sprynga, í orðsins fyllstu merkingu ... þú kaupir bensín í Kína, á um 30% af því verði sem þú gerir á Íslandi, og mun ódýrar en í Bandaríkjunum.  Ronald Raegan breytti Kína frá því að vera hljólreiðaþjóð, yfir í að verða bílaþjóð.  Með flugvélar, skip og bílaflota sem er á við Bandaríkin sjálf.

Notkun Olíu hefur því margfaldast frá því áður ... og Arabalöndin, sem að mestu leiti eru andvíg vesturlöndum, selja með glöðu geði til Kína, í stað Evrópu.  Við fáum Olíuna dýrari, því að samkeppnin um Olíuna er meiri.

Þetta er það sem um er að ræða, Ómar Ragnarsson ... og þetta er einnig ástæða þess að Bandaríki Norður-Ameríku er í slíku styrjaldarveseni í mið-Austurlöndum, og Afghanistan.

En hvað gerði fólk á Íslandi og annars staðar í Evrópu, og meira að segja í Bandaríkjunum?

Peningagræðgin var svo mikil, að menn flyktust við að flytja alla framleiðslu til Kína sem fyrst.  Î dag, framleiðir Kína bókstaflega allt fyrir þig.

Núna eru Kínverjar að kaupa landið undan þér ... og þú hefur ekki rænu á því að athuga, hvaða afleiðingar það getur haft?  Er ég með kynþátta hatur? Nei, konan mín er Kínversk ... að selja eitthvað til Kínverja í Kína, og að einhver Íslendingur af Kínverskum uppruna kaupi það, er ekki sami hluturinn.  Og þá förum við ekkert inn í pólitíkina, og hvaðan peningar þessara aðila eru komnir, eða það mögulega "hót" sem þeir geta stofnað til á pólitískan hátt, persónulega og með þvingunum á innflytjendum, sem er vel þekkt um allan heim.

Það eina sem skptir máli, landið ... selja menn fyrir skít og kanil, til að fá pening til að kaupa hvað? hmmm ...

Í bandaríkjunum hefur verið prentaðir 3,5 miljarðar bandaríkjadala, sem sendir hafa verið út um heim .. til að "flæða" efnhagskerfi þeirra, og aðra starfsemi ... þar er verið að mótmæla á götum úti í dag.

Og á Íslandi, voruð þið vöruð við því að setja öll eggin í eina körfu, því að þá gætuð þið sjálf ekk lengur stýrt verðinu, og hvað kemur upp í bátinn? Álverin setja sjálf verðið ... eins og spáð var, að yrði úr, ef ekki yrði að gætt.

Ætlið þið að byrja að hlusta núna? Eða ætlið þið að halda áfram þvermóðskunni og heimskunni?

[Jón Logi (IP-tala skráð) 7.10.2011 kl. 09:52]

Þetta er brýning á okkur um það að láta ekki allar orkulindir landsins fyrir skít og kanil áratugi fram í tímann. Við mörlandar eru nefnilega eiginlega "olíuríki".

Smátt, en getur verið sjálfbært. Hollur er heimafenginn baggi ;)

[Haraldur Baldursson, 7.10.2011 kl. 14:13]

Í ljósi væntrar kreppur, mætti ætla að við þyrftum að undirbúa okkur

-auka sjálfbærni (Metan-,-vetnis, rafmagnsvæðing bílaflotans)

-afnema verðtrygginguna (helst skrúfa tilbaka þar til fyrir hrun)

-tryggja grænmetisbændum (kannski öllum bændum) stóriðjuverð á rafmagni

-sækja skynsama stórorkunotendur eins og Gagnaver til landsins (sagði ég skynsama)

-tryggja fæðudreifingu, jafnvel þegar (og ef) allt fer í lás á okkar aðalmörkuðum

-búa til fleiri gjaldmiðla, sem væru ekki vaxtaberandi

http://www.swissinfo.ch/eng/business/Cash_substitute_greases_business_wheels.html?cid=7613810 til að tryggja veltu og "vöruskipti"

Reyndar væri ég mjög gjarnan til í að heyra þínar hugmyndir Ómar um hvaða stellingar við þyrftum að setja okkur í ef markaðir bráðna