Margar "tilhæfulausar ávirðingar".

"Tilhæfulausum ávirðingum" eins og það er kallað, fjölgar sífellt í garð fyrirtækja á Grundartanga  ef marka má tilkynningu frá Norðuráli vegna ábendinga Umhverfisvaktarinnar.

Ég tók eitt sinn mynd af gríðarlegum mekki sem lagði frá Járnblendiverksmiðjunni. Fyrrverandi starfsmaður tjáði mér að hreinsitækin væru í raun ónýt eins og síendurtekin atvik af þessu tagi sýndu.

Þessar myndir mínar og málið allt var afgreitt sem "tilhæfulausar ávirðingar."  Ég var sakaður um að vera haldinn þvílíkri heift í garð verksmiðjunnar að ég hefði vakað heilu næturnar til að ná af þessu mynd.

Hið sanna var að fyrir tilviljun var ég seint á ferð á leið til Reykjavíkur að næturlagi þegar þetta gerðist.

Algengasta vindátt á Grundartanga er norðaustanátt. Fyrrverandi starfsmaður í álverinu sagði mér að mengunarmælirinn þar væri norðaustanmegin við verksmiðjuna. Það þýðir að langoftast mælir hann aðeins hreint loftið sem blæs í átt til verksmiðjunnar en ekki mengað loftið sem fer frá henni.

Enginn fjölmiðill hafði áhuga á þessu máli og þar með hefur það í raun á rannsóknar verið afgreitt sem "tilhæfulausar ávirðingar". En sé mælirinn norðaustanmegin við verksmiðjuna er það augljóslega gagnslausasti staðurinn fyrir hann.

Hross á bæ, sem liggur í þeirri átt sem vindurinn ber oftast útblástursefni frá verksmiðjunum, drápust af eitrun. Neitað var að láta fara fram fullnaðaarannsókn á þessum "tilhæfulausu ávirðingum" og fullyrt að hrossin hefðu drepist af eðlilegum ástæðum.  

Nefna má uppskipun á heilsuspillandi efni við Grundartangahöfn þar sem starfsmenn voru lagðir í hættu. Það hefur hvergi sést neitt um það í fréttum og þar með er búið að slá því föstu að um "tilhæfulausar ávirðingar sé að ræða."

Heimildarmenn mínir um framangreint voru fyrrverandi starfsmenn sem höfðu unnið þarna um árabil.

Þeir sögðu mér að þeir hefðu ekki vogað sér að segja neitt um þessi mál meðan þeir unnu þarna eða tilkynna neitt misjafnt, - ef þeir hefðu gert það hefðu þeir verið reknir.

Þessi orð þeirra um þöggunina sem þarna ríkir bætast við aðrar "tilhæfulausar ávirðingar" sem bornar eru á fyrirtæki á Grundartanga.

Rétt er að taka fram að ég setti mig í upphafi ekki upp á móti byggingu Járnblendiverksmiðjunnar á Grundartana og heldur ekki álverinu eins og það var í upphafi.  Taldi hins vegar að þá væri nóg komið.

En sem fjölmiðlamaður vil ég hafa allt uppi á borðinu varðandi það sem betur mætti fara þarna frekar en að það sé afgreitt endanlega út af borðinu með því að segja að aldrei fari neitt úrskeiðis og allar ábendingar um slíkt séu "tilhæfulausar ávirðingar".

Ekki mengunarslys

Athugasemdir

[Gunnar Th. Gunnarsson, 11.10.2011 kl. 13:21]

Athyglisvert að "heimildarmenn" þínir eru alltaf "fyrrverandi" starfsmenn.

Þá dettur mér í hug að einhverjir segi sem svo: "Núverandi starfsmenn þora ekkert að segja, af ótta við að verða sagt upp störfum".

Svokallaðir "umhverfistalibanar" hafa fyrir löngu glatað öllum trúverðugleika. Engin nennir orðið að hlusta á þá, nema aðrir umhverfistalibanar.

Þetta er slæmt, því hver veit nema þeim ratist einhverntíma satt orð á munn.

[Torfi Kristján Stefánsson, 11.10.2011 kl. 15:44]

Ekk ek ég nú oft um þessar slóðir en gerði það þó nú í sumar. Þá stóð þykkur mökkurinn upp af verksmiðjunni, svo það varð hálfdimmt um hábjartan dag.

Þetta fannst mér skrítið! Var það algjör tilviljun að í eina skiptið í mörg ár sem ég ók þarna um, hafi þessi mengunarmökkur verið á svæðinu?

Eða kippir fólk sig ekki upp við þetta - og nennir ekki að nefna það, þó svo að það heyri Norðurálsfólkið ljúga trekk í tekk um málið?

[Sveinn Atli Gunnarsson, 11.10.2011 kl. 15:55]

Ég keyrði þarna einn morgun í september í miklu roki, þá lá mökkur yfir svæðið og yfir veginn. Mér fannst það hálf undarlegt - ekki síst í því ljósi að vindurinn var mikill...

Ekki veit ég neitt um meinta "umhverfistalíbana" (alltaf dúkka ný uppnefni upp), en það virðist ekki mega nefna umhverfismál án þess að sumir byrji á einhverjum upphrópunum án innihalds... Hvað eru viðkomandi að verja - eiga fyrirtæki að fá að menga ótakmarkað og er það takmark í sjálfu sér hjá viðkomandi að verja þá yðju? - Spyr sá sem ekki veit...

[Rafn Haraldur Sigurðsson (IP-tala skráð) 11.10.2011 kl. 16:40]

Ég hef einnig keyrt þarna í miklum mekki, ekki beint glæsilegt, en ég heyrði einu sinni að bannað hefði verið að beita sauðfé í nágrenni járnblendisverksmiðjunnar vegna eiturefna í reyknum. 

Ef að satt er þá finnst mér ansi einkennilegt að það skildi fást leyfi fyrir fóður verksmiðju nánast ofan í járnblendiverksmiðjunni. En Lífland er nýbúinn að reisa þarna fóðurverksmiðju og framleiða fuglafóður, fóður fyrir sauðfé og nautgripi. Gott að vita það næst þegar maður fær sér kjúlla eða hrygg sem hefur verið fóðraður á reykmettu fóðri frá Líflandi.

[Ómar Ragnarsson, 11.10.2011 kl. 16:59]

Sennilega tekst þér, Gunnar minn, að fæla fleiri frá að leggja orð í belg með athugasemdum, sem þér hugnast ekki en þegar hafa gert það.

Það er ekki skemmtilegt að vera líkt við hryðjuverkamenn í Afganistan fyrir að dirfast að leggja hér orð í belg.

[Gunnar Th. Gunnarsson, 11.10.2011 kl. 19:13]

Ég er ekki að líkja neinum við hryðjuverkamenn. Talibani er ekki það sama og hryðjuverkamaður.

[Magnús M Magnússon (IP-tala skráð) 11.10.2011 kl. 20:31]

The Taliban, alternative spelling Taleban,[4] is an Islamist militant terrorist and political group that ruled large parts of Afghanistan and its capital, Kabul, as the Islamic Emirate of Afghanistan from September 1996.

Wikipedia.

[Sveinn Atli Gunnarsson, 11.10.2011 kl. 20:45]

Gunnar:

Hvaða merkingu sem þú, Gunnar, leggur í orðið talíbana, þá er það nokkuð ljóst að þitt takmark er að gera lítið úr hópi fólks (sem er annt um umhverfismál) með niðrandi orðum. Það er nokkuð ómálefnaleg nálgun hjá þér, sem verður til þess að fólk yfirhöfuð nennir ekki að taka þátt í umræðunni - þannig að hugsanlega hefur þér tekist ætlunarverk þitt - eða hvað?

[Sveinn Atli Gunnarsson, 11.10.2011 kl. 20:47]

Annars langaði mig að segja að ég var á ferðinni að morgni sunnudagsins 25. september á milli klukkan ca. 9 og 10, þegar ég sá mökk á svæðinu, mér fannst sá mökkur reyndar koma frá járnblendinu...

[Jóhann (IP-tala skráð) 11.10.2011 kl. 21:39]

Það má líkja því við einelti að þessi álveratilbeiðslu-afturhalds-leigubílstjóri í "iðnaðarbænum" Reyðarfirði, þurfi stöðugt að gera sig breiðan hjá þér, Ómar.

Jafn mjór og hann er.

Þú átt þakkir skildar fyrir baráttu þína.

[Gunnar Th. Gunnarsson, 11.10.2011 kl. 21:43]

Magnús M Magnússon og Svatli, þetta er ekki spurning um hvaða merkingu ÉG legg í orðið Talibani, heldur hvað það raunverulega þýðir.

Magnús vitnar í Wikipediu, en flestir vita að varasamt getur verið að vitna í þá ágætu síðu, því hún er ekki ritskoðuð af fræðimönnum, heldur getur hver sem er set þar inn "fræðin sín".

T.d. ef skoðað er hvað Wikipedia segir um Reyðarfjörð, þá birtist mynd af Eskifirði!

Talibani er bókstafstrúar múslimi, og samlíkingin við "umhverfistalibana" er því sú, að reynt er að þröngva upp á almenning rétttrúnaði í umhverfisvernd. Hinum eina stóra sannleika lítils öfgahóps, sem veður uppi í þjóðfélaginu með bull og vitleysu.

Talibani Þýðir EKKI hryðjuverkamaður, þó vissulega finnist margir slíkir í þeirra hópi.

[Gunnar Th. Gunnarsson, 11.10.2011 kl. 21:48]

The Taliban—from the Arabic word for student, “taleb”—are fundamentalist Sunni Muslims, mostly from Afghanistan’s Pashtun tribes. The Taliban dominates large swaths of Afghanistan and a large part of Pakistan’s Federally Administered Tribal Areas.

The Taliban seek to establish a puritanical caliphate that neither recognizes nor tolerates forms of Islam divergent from their own. They scorn democracy or any secular or pluralistic political process as an offense against Islam. The Taliban’s Islam, however, a close kin of Saudi Arabian Wahhabism, is far more perversion than interpretation. The Taliban’s version of Islamic law, or Sharia, is historically inaccurate, contradictory, self-serving and fundamentally deviant from prevailing interpretations of Islamic law and practice.

http://middleeast.about.com/od/afghanistan/ss/me080914a.htm

[Sveinn Atli Gunnarsson, 11.10.2011 kl. 21:53]

Ekki batnar það hjá Gunnari, reynir að bera í bætifláka fyrir sjálfan sig með útúrsnúningum og kallar svo þá sem ekki eru sömu skoðunar og hann öfgahóp, "sem veður upp í þjóðfélaginu með bull og vitleysu" - Jæja, ætli það sé eitthvað innihald í þessu hjá honum...væntanlega ekki...frekar en venjulega leyfi ég mér að segja.

[Jóhann (IP-tala skráð) 11.10.2011 kl. 21:56]

Mætir þá ekki fræðimaðurinn og leigubílstjórinn misskildi frá Reyðarfirði (n.b. ekki Eskifirði) og segir:

"Hinum eina stóra sannleika lítils öfgahóps, sem veður uppi í þjóðfélaginu með bull og vitleysu. "

Þvílíkur bjáni.

Enginn kærir sig um bloggið hans.

[Gunnar Th. Gunnarsson, 11.10.2011 kl. 23:28]

Dæmigert fyrir ykkur að ráðast á mig sem persónu. Aukmunarverður skítapakksháttur.

Ef skoðaðar eru fulyrðingarnar og bullið sem umhverfistalibanarnir viðhöfðu um Káranhjúkavirkjun, þá sjá allir hvað ég á við.

Ekki stendur steinn yfir steini í þeim geðveikislega hroða sem borin var fram fyrir alþjóð af umhverfistalibönunum. En kann þetta lið að skammast sín. Nei, það veit ekki hvað það er.

[Sveinn Atli Gunnarsson, 12.10.2011 kl. 00:17]

Ómálefnalegheit Gunnars ná nýjum hæðum...annars merkilegt að hann telur sig í rétti til að vera með uppnefningar og kalla þá sem ekki eru honum sammála umhverfistalíbana og öfgahóp sem eru með bull og vitleysu. Þegar honum svo er bent á hversu ómálefnalegt það er hjá honum, þá er það í hans augum "Aukmunarverður skítapakksháttur" að nefna það - hvað ætli hann kalli þá sem benda honum á þessa nýju ómálefnalegu nálgun hans... kannski "geðveikislegan hroða"... En þetta er svo sem dæmigert fyrir þá sem eru með upphrópanir og uppnefningar, ef einhver bendir á bullið í þeim þá er því svarað með enn meiru ómálefnalegu bulli...ekkert nýtt þar í sjálfu sér.

Versta er að þessi nálgun Gunnars er náttúrulega ekki svara verð í sjálfu sér, en ef því er ekki svarað þá virðist þetta halda áfram út í eitt - þannig að engin málefnaleg umræða getur orðið, þar sem engin nennir að ræða málin á svona nótum...þar með hefur Gunnar væntanlega náð árangri...eða hvað?

[Jóhann (IP-tala skráð) 12.10.2011 kl. 00:45]

Þú ert aumkunarverður, Gunnar álvers-talibani.

Þorpið þitt er hengi við auðhring. 

[Björn Tryggvason (IP-tala skráð) 12.10.2011 kl. 09:03]

Það hljóta allir að vilja hafa sem mest uppi á borðum og hafa það sem sannara reynist. Þess vegna liggur beinast við að setja annan (eða flytja) mengunarmæli hlé megin við verksmiðjuna. Upplýsingar er það sem skiptir máli. Feluleikur er vandinn.

[Sveinn Atli Gunnarsson, 12.10.2011 kl. 09:16]

Það er best að hafa allt upp á borðum, það er klárt. Það eru tveir mælar við verksmiðjuna sem mæla loftgæði (ef marka má síðu þeirra, http://nordural.is/islenska/umhverfid/maelingar/ytri-maelingar/voktun-a-ytra-umhverfi/). Annar er norðaustan við verksmiðjuna (tiltölulega nálægt henni) og hinn vestan við, lengra frá verksmiðjunni. Svo væri náttúrulega fróðlegt að vita hvaða vindáttir eru algengastar þarna og jafnvel bera saman mælingar eftir því hver vindáttin er, það gæti verið vísindalega nálgunin á þessu.

[Gunnar Th. Gunnarsson, 12.10.2011 kl. 09:29]

Þessi verksmiðja er náttúrulega einstaklega ljót og "sovétsk" í útliti. Nú hafa þeir leyst það vandamál með því að fela verksmiðjuna frá veginum, með mön. Hver borgaði fyrir þá framkvæmd? Skattgreiðendur, eða verksmiðjueigandinn?

Ef haldbærar vísbendingar eru um að þarna verði óeðlilega oft mengunarslys, þá á umhvefisvöktunin að sýna það.

Rafn Haraldur Sigurðsson #4, bendir á að bannað sé að beita búfénaði við verksmiðjuna. Slík regla er einnig hér í Reyðarfirði, mig minnir að það sé í 1 km. radíus í kring. Væntanlega er fóðurverksmiðjan við Grundartanga utan "þynningarsvæðisins". Eða er það ekki annars?

[Árni Gunnarsson, 12.10.2011 kl. 10:45]

Kannski er ekki trúverðugt að hefja andóf gegn skoðunum landsþekkts fjölmiðlamanns með því að flokka hann undir "umhverfistalibana"sem engir taki mark á nema aðrir af sama meiði. Nú hygg ég að það sé óhrekjanlegt að umhverfisviðhorfum sé að vaxa ásmegin í samfélaginu - reyndar um allan hinn upplýsta heim - og það svo að áberandi megi teljast.

Það er vel.

Ómar Ragnarsson var nýlega heiðraður af samtökunum "Landsbyggðin lifi" vegna baráttu sinnar fyrir umhvefisvernd. Það segir sína sögu.

Til hamingju Ómar!

[Jón Logi (IP-tala skráð) 13.10.2011 kl. 14:44]

Álvers-talíbani er orð dagsins.

Annars er þessi mökkur landsþekktur, en mælist ekki of oft, þar sem mælitækin eru snilldarlega staðsett ofan við ríkjandi vindátt.