Sumir mega segja sumt, aðrir ekki.

Þegar Björgólfur Thor Björgólfsson var spurður í heimildamynd um Hrunið hvað hefði orðið af öllum þeim tugum milljarða, sem höfðu verið í umferð í bankabólunni svaraði hann: "Þeir bara hurfu."

Þegar Svavar Halldórsson segir það sama um fjármuni sem voru í umferð hjá Pálma í Fons er hann dæmdur fyrir það. Furðulegur dómur. 

Ein ummæli í fréttinni ómerkt

Athugasemdir

[Gunnar Th. Gunnarsson, 24.11.2011 kl. 21:31]

Svavar spurði ekki, heldur fullyrti að peningarnir fyndust hvergi. Smá munur á því.

[Þorvaldur S (IP-tala skráð) 24.11.2011 kl. 22:08]

Fullyrti Björgólfur sem sagt ekki að peningarnir hefðu horfið?  Sem þýðir, á mannamáli, að þeir fyndust hvergi.

[Gunnar Th. Gunnarsson, 24.11.2011 kl. 22:15]

Fréttin er um Svavar: "... við vinnslu fréttarinnar hefði hann ekki leitað eftir upplýsingum frá Pálma um efni hennar."

[Ómar Ragnarsson, 24.11.2011 kl. 23:20]

Og þá vaknar spurningin: Hafa Svavar eða Hæstiréttur upplýst um það, hvar þessir peningar lentu?

[Gunnar Th. Gunnarsson, 25.11.2011 kl. 00:57]

Svavar neitar að gefa upp heimildarmenn sína fyrir staðhæfingunni um að peningarnir hafi horfið. Það er ekki Hæstaréttar að grafast fyrir um hvar peningarnir eru.

[Gunnar Th. Gunnarsson, 25.11.2011 kl. 00:59]

Nú hljóma ég eins og ég sé að verja útrásarvíkingana  

Það er ég alls ekki, er bara að leggja minn skilning í forsendur dóms Hæstaréttar