Varasamari en tölur sýna.

"Farsíminn getur verið slæmur ferðafélagi í bíl eins og dæmin sanna. Þó má líklegt telja að hann valdi miklu fleiri slysum og óhöppum í umferðinni en fólk vill viðurkenna.

Við þessu eru aðeins þau ráð að við lítum öll í eigin barm og tökum sameiginlega á þessu máli og hugsum til þess hvernig við gátum, áður en þetta þarfaþing kom til sögunnar, verið án þess að svara símhringingum, skoða símaskjái, hringja eða jafnvel að svara smáskilaboðum og senda þau.

Á hinum enda símtalanna, þeim stöðum, sem hringt er frá, þarf að reyna að útrýma þeim möguleika að hringt sé úr stóru skiptiborði fyrirtækja og stofnana þannig að ekki sé hægt að sjá eftir á nákvæmlega úr hvaða síma var hringt. 

Tæknilega er hægt að gera það kleift að nákvæmlega sé hægt að sjá úr hvaða síma er hringt og mig grunar raunar að það ætti að vera hægt að búa svo um hnúta tæknilega að ekki sé hægt að hringja úr síma í gegnum skiptiborð nema að svarandinn geti séð númer viðkomandi síma nákvæmlega en ekki sem aðalnúmer t. d. 400 manna fyrirtækis. 

Ökumaðurinn var að senda SMS

Athugasemdir

[Einar Steinsson, 13.12.2011 kl. 09:18]

Og ekki batnar þetta með tilkomu snjallsíma þar sem hægt er að gera miklu meira en að hringja.

Og hvað varðar að sína númerið þá verður fólk bara að sætta sig við að ef það er ekki til í að sýna númerið þá verður ekki hringt til baka, þeirra eigin vandamál.

Það er enginn skyldugur til að svara ef hringt er en sumir virðast hafa það á tilfinningunni að það sé ókurteysi að svara ekki en það er einfaldlega ekki þannig, það geta verið ótal ástæður fyrir því að ekki er hægt að svara.