Svipað á Kanarí.

Mesti helgidagur þessarar árstíðar á Kanaríeyjum eins og í Betlehem er "dagur konunganna þriggja" sem er haldinn hátíðlegur 6. janúar, eða á sama degi sem þrettándadagur er á Íslandi. Hann er ígildi jóladags á Íslandi þótt jóladagur sé reyndar skráður hér syðra í almanakið 25. desember.

Þeir virðast sem sé telja í "öfuga" átt hér miðað við það sem er heima en þó í rökréttari átt, því að það hlýtur að vera rökréttara að telja í áttina að helsta helgideginum í stað þess að telja í átt frá honum eins og heima. 

Hér er ekkert skráð aðfangadagskvöld í almanakinu en mikil skrúðganga var víst kvöldið fyrir "dag konunganna þriggja." 

Hér er það varla að maður verði var við jólin, enda ástæðan hvað sólargang og veður snertir varla fyrir hendi, meðalhitinn að degi til 22 til 23 stig á þessum árstíma og raunar þægilegasta veður ársins nú og því til lítils að hlakka úr því að sólin er hvort eð er 37 gráðum hærra á himni hér en á Íslandi og álíka hátt á lofti og um 10. ágúst á Fróni og heiðskírt nær alla daga. 

Mars er kannski besti mánuðurinn hér. Þá er sólin komin upp í 60 gráðu hæð eða 10 gráðum hærra en á Jónsmessu heima og álíka hátt og á sunnanverðum Bretlandseyjum og í norðanverðri Evrópu í júnílok.

Október er hins vegar langhlýjasti mánuðurinn á Kanarí með 26 stiga hita að meðaltali á daginn.  

Jólamessa sungin í Betlehem