Átti að vera búið að þessu fyrir löngu.

Svaðbælisá hefur stungið í augun hjá þeim sem hafa ekið yfir brúna á henni fyrir það hve hátt hún hefur legið.

Undrun hefur vakið hve menn hafa látið sér nægja að lækka árfarveginn lítið og með því tekið af því mikla áhættu að missa ána úr böndunum.

Þetta er að vísu gríðarlega mikið verk og dýrt en undan því verður varla vikist að klára það á þann hátt að ekki fari illa ef virkilega mikil úrkoma og leysing ríða þarna yfir.

Grafið úr ám í alla nótt

Athugasemdir

[Sigurdur Sigurdarson (IP-tala skráð) 30.1.2012 kl. 01:18]

Ferlega hefur Ómar skrifað hratt og svo hefur'ann gleymt að lesa yfir. Það sem hann á við er líklega þetta:

Athygli hefur vakið hversu hátt Svaðbælisá hefur legið. Vegagerðin hefur látið nægja að dýpka árfarveginn (eða lækka). Við það er hætta á að straumurinn stóraukist og valdi skemmdum neðar. Engu að síður verður að ljúka verkinu en um leið koma í veg fyrir að straumhraðinn skemmi annars staðar.

Ef merkingin í pistlinum er önnur hef ég misskilið hann.

Annað vildi ég gagnrýna og það er sú hvimleiða nýung að setja greinarskil á eftir hverjum punkti.

Með vinarkveðju.

[Ómar Ragnarsson, 30.1.2012 kl. 16:39]

Greinarskilin set ég til að auðveldara sé að lesa textann.

Ég pikkaði pistilinn þann arna á nánast ónýta tölvu, sem ég varð að grípa til í vandræðum og biðst velvirðingar á því ef það hefur laskað hann.

[Ómar Ragnarsson, 30.1.2012 kl. 16:40]

Vil bæta því við að í útvarpsfréttum í hádeginu var greint frá því að eftir væri að halda áfram og ljúka framkvæmdum við ána til þess að gera það sem ég er að kalla eftir í þessum pistli.

[S i g u r ð u r S i g u r ð a r s o n, 30.1.2012 kl. 17:56]

Mér finnst svona greinaskilaofgnótt ferlega óþægileg. Margir nota hana skefjalaust. Þá veit maður eiginlega ekki hvað höfundur er að fara þegar svona er gert. Samhengið ruglast. Betra að hafa það sem í einu lagi það sem á saman og slíta síðan í sundur farið er út í aðra sálma. Annars verða sálmarnir að þulu ... Bið þig að afsaka afskiptasemina.