"Fávitar" og brjálæðingar kosta mikið.

Mikill getur máttur "fávita" og brjálæðinga verið.  

Lee Harvey Oswald drap eða átti þátt í að drepa John F. Kennedy 1963 eftir því hvaða skoðun maður hafi á því að "fáviti" hafi einn getað komið þessu illvirki í verk.

Jack Ruby drap Oswald umsvifalaust og lifði stutt eftir það svo að málið allt verður líkast til aldrei upplýst á óyggjandi hátt.

Sirhan Sirhan drap Robert Kennedy 1968. Martin Luther King var líka drepinn.

Brjálæðingur drap John Lennon 1980 og Anders Breivik drap 77 ungmenni í fyrra.

Osama bin Laden var kennt um dráp þúsunda í árásinni á Tvíburaturnana.

Listinn er svakalegur ef við förum lengra aftur í tímann allt til Lincolns og Sesars.

Miðað við hann er það næsta lítilfjörlegt hvort hægt er að kenna einum "fávita" um að hafa kostað Serba Evrópumeistaratign í handbolta, sem þeir hvort eð er töpuðu til besta liðsins á mótinu.  

Þess vegna hefði fyrirsögnin á fréttinni um þetta alveg eins getað verið þessi: Fáviti kom í veg fyrir að við töpuðum gullinu óyggjandi í hendurnar á þeim sem áttu það mest skilið."

 

 

„Fáviti kostaði okkur gullið“