Rautt spjald !

Glæfraspark Luis Suárez í maga Parkers í leiknum í gærkvöldi er að mínu mati glórulaust, því að boltinn  kemur hátt úr lofti og stefnir á höfuð nærstaddra leikmanna.

Þess vegna getur að mínum dómi varla neitt legið að baki því að gefa honum bara gult spjald en að dómarinn hafi ekki séð þetta glæfralega brot nógu vel.

Nema að hann hafi sagt við sjálfan sig: Æ, greyið, hann var í svo löngu banni í vetur að hann verður að njóta þess vafa að hafa ekki ætlað að sparka svona. Sem mér finnst raunar fráleitt.

Eina banaslysið, sem orðið hefur í íslenskri knattspyrnu var þegar sparkað var í kvið leikmanns.

Spark Suárez var í besta falli háskaleikur og verðskuldaði ekkert annað en rautt spjald !

Rooney: Suárez átti að fá rautt

Athugasemdir

[Gunnar Th. Gunnarsson, 7.2.2012 kl. 21:20]

Algjörlega sammála. Það virðist hreinlega eitthvað vera að í höfðinu á Suárez, að láta sér detta þetta í hug. Auk þess var þetta langt í frá það eina sem var verulega ámælisvert í hegðun hans á vellinum, sérstaklega gagnvart Parker.

[Jón Ingi (IP-tala skráð) 7.2.2012 kl. 21:42]

Hvurslags vitleysa er þetta eiginlega.
Eina ástæðan að það skuli VIRKILEGA verið að tala um þetta er að það er Suarez sem á í hlut.

Atburðir sem þessi gerist í nánast hverjum leik í enska boltanum.  Allt í einu er all í háa loft útaf þessu.

Ótrúleg hræsni og vitleysisgangur í fjölmiðlum hér og svo annarsstaðar....

[Gunnar Th. Gunnarsson, 8.2.2012 kl. 00:09]

Púlarar eru brotnir og eru eins og aðstandendur alkóhólista... kvíða fyrir helgunum

[Jón Ingi (IP-tala skráð) 8.2.2012 kl. 00:37]

Já alltaf með nýjustu brandarana man u menn....

[Gunnar Th. Gunnarsson, 8.2.2012 kl. 03:21]

þetta er ekki brandari

[Júlíus Valdimar Finnbogason, 8.2.2012 kl. 07:30]

Jón Ingi er með þetta, er að gerast um hverja helgi en Suárez er hitamál núna eftir að Evra fékk loksins eitt mál í gegn þrátt fyrir ótrúverðugleika áður.

Suárez dæmdur sekur fyrir rasisma þrátt fyrir að spillingarsambandið FA segðu sjálfir að hann væri ekki rasismi og Evra sagði líka það sama.

Athugið eitt þið sem vilduð rautt. Leikmenn Tottenham heimtuðu ekki rautt, stjóri Tottenham sagði eftir leik að þetta hefði ekki verið rautt, dómarinn hafði eina sekúndu til að meta atvikið og gaf gult.

Af hverju er ekki rætt um svindlið í Bale?

Dýfa + ýtti við Agger = 2 gul og rautt á 30 sekúndum

Af hverju eru tæklingar Parker ekki ræddar? Hann hefði átt að vera búinn að fá nokkur gul spjöld fyrir fólsku tæklingar.

Af hverju ræða menn ekki um að Skrtel átt að fá síðara gula þegar að hann sparkaði í hendurnar á Friedel?

Svarið er einfalt, fólk nærist á því að taka Suárez fyrir og Utd menn sérstaklega enda flokkur vitleysinga þó að inná milli leynist gæðablóð.

[Gunnar Th. Gunnarsson, 8.2.2012 kl. 10:51]

Það að einhverjir aðrir hefðu átt að fá rautt, bætir ekki fáránlegt brot Suárez

[Jón Ingi (IP-tala skráð) 8.2.2012 kl. 20:19]

Gunnar.  annaðhvort ert þú gjörsamlega blindur á það sem aðrir eru að segja og benda þér á.

Eða svona andskoti tregur.

Það er verið að benda á það að það er langt í það að Suarez hafi átt að fá rauða kortið fyrir umrætt brot.  Taktu niður helvítis þykkbotna man u gleraugun og  sjáðu þetta gagnrýnislaust. Og spáðu svo aðeins í hlutina áður en þú sendir einhverja vitleysu í viðbót.

[Ómar Ragnarsson, 9.2.2012 kl. 00:04]

Ég er "púllari" (af því að mér finnst þeir vera með flottasta lagið) en það breytir ekki skoðun minni á broti Suárez.

[Jón Ingi (IP-tala skráð) 9.2.2012 kl. 00:12]

Og mér finst skoðun þín ekki vera rétt.

En auðvitað hafa allir rétt á sínum skoðunum.  Sama hversu vondar þær eru...