Hver siglir fyrir vestan á meðan?

Ekkert skipt getur siglt á tveimur siglingaleiðum samtímis í tveimur landsfjórðungum í senn. Heldur ekki Baldur. Það getur varla verið framtíðarlausn á vandanum við siglingar í Landeyjahöfn að taka mikilvæga ferju frá Breiðafirði næstum því dags siglingu til þess að hjálpa til þegar Herjólfur kemst ekki inn í Landeyjahöfn.

Nógu slæmar eru samgöngur við sunnanverða Vestfirði samt og nógu mikilvæg er sú ferðamannaþjónusta sem hefur vaxið og dafnað á Breiðafirði til þess að forðast sé að hleypa samgöngum við Breiðafjörð upp.

Tvennt hlýtur að koma til álita: Að fá grunnskreiðari ferju til Vestmannaeyjasiglinganna eða bæta sérstaklega við grunnskreiðari ferju í stað þess að taka ferju frá öðrum landshluta í verkið og skapa með því óvissu og erfiðleika við Breiðafjörð.

Varla verður hægt að nota Herjólf í staðinn fyrir Baldur á meðan Baldur sinnir Vestmannaeyjasiglingum.

Á sínum tíma þurfti að dýpka við hafnarbakka á Brjánslæk vegna þess að Baldur risti dýpra en búist hafði verið við svo varla nýtist Herjólfur þar.  

Fleiri ferðir til Landeyja með Baldur sem varaskip

Athugasemdir

[Rafn Haraldur Sigurðsson (IP-tala skráð) 17.3.2012 kl. 12:29]

Fá bara skip sem siglir upp á sandinn, eins og t.d. loftpúðaskip eða sérsmíða  grunnsiglt skip sem þarf nánast ekkert dýpi til að geta affermt sig. hægt að byggja á reynslu sem til er af innrásarprömmunum sem notaðir voru í seinni heimstyrjöldinni.

http://www.youtube.com/watch?v=Y8I3aK5A13U&feature=player_embedded

[Guðmundur (IP-tala skráð) 17.3.2012 kl. 13:04]

Svo er það kannski spurning um að viðkenna mistökin og loka Landeyjahöfn og kaupa í staðinn eitt eða tvö svona skip og sigla milli Eyja og Þorlákshafnar. Þessi skip eru að sigla í sunnanverðu Ermarsundi þar sem getur verið skítaveður yfir vetrartímann líkt og hér.

http://www.youtube.com/watch?feature=endscreen&v=5SGwzli2rh8&NR=1

[Kristinn Rósantsson (IP-tala skráð) 17.3.2012 kl. 13:41]

Þegar upp verður staðið verður kostnaðurinn álíka og jarðgöngin sem Árni Johnsen vildi gera.

[Steinþór (IP-tala skráð) 17.3.2012 kl. 14:05]

Einmitt það sem ég var að hugsa,Frekjan,tilætlunarsemin og virðingarleysi gegn löndum sínum bæði Vestfyrðingum sem þurfa á ferjunni að halda og öðrum Íslendingum sem borga fyrir þennann óskapnað er til háborinnar skammar,held að þeir eigi að játa mistökin sem þessi höfn er og fara bara að skammast sín.

[Ómar Bjarki Kristjánsson, 17.3.2012 kl. 14:08]

Fá svona Ferju:

http://youtu.be/Y5u93tLcplk

Voru að fá svona á Brava sem er ein eyja Grænhöfðaeyja. 150 farþegar, 20 bílar. Eins og flugvél bara þannig séð. þolir þetta alavg sjóinn hérna? Jú jú, þolir það alveg.

Hérna er móttökuathöfnin á Brava með tilheyrandi söng og blessunum:

http://youtu.be/86cV1Mz5piA

Vestmannaeyjingar fá bara EU til að styrkja þetta við EU aðild landsins.

[Pétur Agústsson. (IP-tala skráð) 18.3.2012 kl. 09:27]

Það er alltaf betra ad kynna sér málin áður en farið er í umræðuna. Fréttin varðandi Baldur sem varaskip. Það hefur hverki komið fram að ekkert skip verði á meðan fyrir Vestfirði. Þvert á móti er gert ráð fyrir jafn góðu skipi í stað Baldurs eða jafnvel betra ef fram fer sem horfir.

Einnig er alrangt að dýpka hafi þurft fyrir Baldur sem nú siglir eftir að hann kom 2006. Síðast var dýpkað á Brjánslæk 2001 fyrir ferju sem áður var en verið var að hreinsa út sand sem hafði safnast fyrir á löngum tíma. Þetta er rétt til upplýsinga í umræðunni.

[Jón Logi (IP-tala skráð) 18.3.2012 kl. 12:18]

Baldur fer létt með þetta við kringumstæður hvar Herjólfur kemst ekki.

Ég fór með Baldri í haust í fyrsta skipti, og var alveg hissa á því hvað þetta er drjúgt skip.

Nú tala menn hver oní annan um "hönnun" og "nýsmíði" á ferju. Ég bara spyr, - er ekki fullt til af þessu út um allt notuðu? 

Mig vantar bíl sem passar fjölskyldustærð og kemst áfram í "sveitafærð", - en ég þarf ekki að láta hanna hann eða kaupa nýjan.....