Kranablaðamennska?

Ekki er annað að sjá en að fréttir til og frá um það hvort Bessastaðanesi hafi verið lokað og læst eða ekki sé dæmi um það sem Jónas Kristjánsson kallaði kranablaðamennsku.

Með kranablaðamennsku er hægt að halda ákveðnum málum gangandi furðu lengi með því að birta bara tilkynningar frá aðilum málanna, án þess að gera tilraun til að kanna málsatvik sjálfur. 

Bessastaðnes er nokkurra kílómetra fjarlægð frá miðju höfuðborgarbyggðarinnar og lítið mál fyrir blaðamann að skreppa þangað sjálfur til að kanna málið í stað þess að skrúfa eingöngu frá krana varðandi sjónarmið málsaðila.

Ég kannast svolítið við Bessastaðanes, því að fyrir ellefu árum kom það upp í umræðunni um hugsanlegt nýtt flugvallarstæði á höfuðborgarsvæðinu. 

Ég fór því í mjög ánægjulega vettvangskönnun um allt svæðið, myndaði og kynnti mér aðstæður allar, gróður, dýra- og fuglalíf og síðast en ekki síst hvernig nesið yrði nýtt sem flugvallarstæði. 

Afla þurfti tölulegra upplýsinga um þætti málsins og til þess að ljúka málinu sem skást fékk ég "með leyfi forseta" að lenda og fara aftur í loftið á FRÚnni nokkurn veginn á þeim stað þar sem aðalbraut vallarinn yrði, álíka langt frá forsetasetrinu og Hótel Saga er frá Reykjavíkurflugvelli. 

 

 

„Hlýtur að vera misskilningur“