Eitt af snilldaratriðum Eddu.

Það er gaman að sjá aftur sum atriðin sem Edda Björgvinsdóttir gerði ódauðleg í sjónvarpsskemmtiþáttum. Hvílík snilld!  Og Bibba á Brávallagötunni var óborganleg hjá henni og ádeilan á illa meðferð móðurmálsins beitt.

Og ekki eru atriðin hans Ladda síðri gimsteinar, svo sem eins og pönkarinn, sem átti eftir að taka við fyrirtæki pabba sins, Magnús bóndi, sjálfvirki heimsækjarinn á sjúkrahúsinu Heilsubælinu, maðurinn sem las knattspyrufréttir fyrir Bjarna Fel eða Indverjinn, sem var fenginn til þess að koma Stöð tvö af stað.

Á undan þessum snillingum minnist ég frá mínu ungdæmi ekki síðri snillings, Alfreðs Andréssonar, sem því miður var uppi fyrir tíma sjónvarpsins og því hafa ótal gullkorn hans ekki varðveist, því miður.

„Viltu ekki sjá á mér brjóstin líka?“

Athugasemdir

[Theódór Norðkvist, 15.4.2012 kl. 15:33]

Eitthvað rámar mig í að þetta atriði sé ekki úr áramótaskaupinu, heldur úr sérstökum skemmtiþætti. Hvað segirðu um það, Ómar?

Annars finnst mér endirinn á þessu atriði besti hlutinn. Miðinn gildir fyrir tvooooo.....!!! Óborganlegt.

[Ómar Ragnarsson, 17.4.2012 kl. 22:13]

Skiptir ekki máli, sömu er snilldin!