Orðin teygð og toguð að vild.

Er það furða þótt fólk eigi erfitt með að átta sig á því hvað hugtakið "sjálfbær þróun" þýðir í raun þegar varpað er upp setningu á borð við þá sem á að hampa hvað mest af Bauhaus: "sjálfbærní merkir að byggja framtíðína!" 

Já, það ekki er látið nægja að nota orðið "sjálfbærni", heldur er í framhaldinu varpað fram alveg nýju orðalagi: "að byggja framtíðína."  

Svo er að sjá að menn telji að hægt sé að gera og orða hvað sem er með því að klína á það gæðastimpli orðsins "sjálfbærni", þar sem hugtakið er teygt og togað að vild í hverja þá átt sem mönnum dettur í hug og gera síðan setninguna enn skrýtnari með því að bæta við "að byggja framtíðina" sem er afar framandi orðalag og bendir til þess að verið sé að reyna að þýða eitthvað orð fyrir orð úr erlendu máli.

"Nokkur skilti eru vitlaus" segir framkvæmdastjórinn og á þá greinilega við það afrek að koma fyrir á þremur stafsetningarvillum í örstuttum texta á risastórum og dýrum skiltum.

En það er bara hluti af vitleysunni.

Bauhaus vefst tunga um tönn

Athugasemdir

[Haukur Kristinsson (IP-tala skráð) 4.5.2012 kl. 21:09]

"Nachhaltig handel heisst Zukunft bauen".

Þannig hljóðar stór og mikil auglýsing frá Bauhaus á þýsku.

"sjálfbærní merkir að byggja framtíðína", er skelfileg aulaþýðing.

[jonjonsson57 (IP-tala skráð) 5.5.2012 kl. 17:30]

Ég sá sjónvarpsauglýsingu frá Bauhaus þar sem "verð" var notað í fleirtölu!

[V.Jóhannsson (IP-tala skráð) 6.5.2012 kl. 20:06]

Loksins þegar þessi fávitaþjóð fær verslunarkeðju með heilbrigðann verslunarmáta og vill þjóna viðskiptavinum vel með t.d. lágu verði (sem er óþekkt á Íslandi), þá er byrjað að röfla um aukaatriði.

Þetta er íslensk heimska og hroki sem er undirróður á öfundsýki gagnvart öllu erlendu.

Allt íslenskt er best, líka vöruverð - eða hvað?

Íslendingar hafa flutt inn byggingarefni allt frá landnámi og hafa ALDREI verið "sjálfbærir"!

[Guðni Karl Harðarson, 6.5.2012 kl. 21:46]

Ég skil ekki þau formerki sem V. Jóhannsson vill setja umræðuna í. Vegna þess að ég sé ekki að það hefði neinu breytt ef vitleysan hefði komið frá al-íslensku fyrirtæki. Það hefði samt verið fjallað um hana.

[Elín Sigurðardóttir (IP-tala skráð) 6.5.2012 kl. 23:56]

Það virðist í tísku að fara úr límingunum yfir sárasaklausum auglýsingum þessa dagana. Gott að fá Bauhaus til landsins.

http://ruv.is/frett/vafasom-auglysing-a-laugavegi

[Einar (IP-tala skráð) 7.5.2012 kl. 02:05]

Samkvæmt V.Jóhannsson er það heimska og hroki að vilja leiðrétta málfræði og stafsetningarvillur.

[Elín Sigurðardóttir (IP-tala skráð) 7.5.2012 kl. 09:05]

Þar er ég sammála V.Jóhannsson.

[V.Jóhannsson (IP-tala skráð) 7.5.2012 kl. 10:14]

Jú, málið er einfalt. Það er minnsta mál í heimi að leiðrétta villur.

En þegar fólk, sem hefur eitt, ef ekki milljónum heldur tugum milljóna í efniskaup árum saman í baráttunni við að eignast þak yfir höfuðið og finnur hversu illa hefur verið farið með það efnahagslega af sínu "eigin fólki", þá geta sárindin brotist út í öllum myndum.

[Óskar Arnórsson, 8.5.2012 kl. 18:13]

Hvernig væri að að henda þessu gamla máli, íslenskunni, inn á þjóðmynjasafnið við hliðina á Rúnaletri, Hávamálum og gömlum beinagrindum, og nota eitthvað fallegta alþjóðlegt alvörumál í staðin? Túngumálið hefur slæm félagsleg og tilfinningaleg einangrunaráhrif sem er ljótt að börn framtíðarinnar beri skaða af vegna ástar örfárra á leiðinlegri mállýsku.

Ég er sammála V.Jóhannsyni um að hroki og heimska sé fylgifiskur íslenskum málfræðiáhuga. Það er mikið verk að skipta um mál hjá heilli þjóð, enn ef það er byrjað strax á því þá geta íslendingar eftir nokkra ættliði loksins talað almennilegt og skiljanlegt mál ....