Við erum búin að heyra þetta áður.

Ætli það hafi ekki verið 2007 sem Robert Wade spáði því að íslenska fjármálakerfið myndi hrynja.

Hann var talinn rugludallur sem ekkert mark væri á takandi.

Sumarið eftir spáði annar þekkur erlendur kunnáttumaður í þessum fræðum kreppu. Íslenskur ráðherra sagði að hann þyrfti að fara í endurhæfingu.

Á þessum árum voru margir fleiri sem bentu á hin gömlu sannindi að það sem kastast upp hljóti að kom niður aftur.  "What goes up must come down."

Veldisvöxtur í lánum hjá öllum, stórum og smáum,  án þess að raunveruleg verðmæti væru á bak við, gæti ekki endað nema á einn veg. Það kæmi að skulddögunum.

Íslenska krónan, sem tilbúin þensla af öllu tagi spennti upp í að vera allt að 30-40% of hátt metin í gengisskráningu, hlyti að lækka aftur með þeim afleiðingum að þeir, sem tóku stórlán á þessum tíma og notuðu gengisskráninguna til fjármagna stóraukna neyslu og kaup á fasteignum og varningi, hlytu að lenda í vandræðum þegar hið óhjákvæmilega fall krónunnar dyndi yfir.  

Á öll þessi rök blésu íslenskir ráðamenn og meirihluti þjóðarinnar tók þátt í "veisliunni", sem fjármálaráðherrann kallaði ástandið.

Meira að segja ég, sem ekki er langlærður hagfræðingur, spáði því í bókinni "Kárahnjúkar - með og á móti" að Íslendingar myndu skilja eftir allt brotið og bramlað þegar hinu fjármálalega fíkniefna- og þenslupartíi lyki að lokum.

Það var ullað á þetta allt. "Við erum búin að heyra þetta áður, þetta svartsýnis- svartagallsraus hjá úrtölumönnum" var viðkvæðið, - þetta er bara bull. "Sjáið þið ekki veisluna, drengir?!"

Nú verður líka ullað á Nouriel Roubini þegar hann hefur upp svipaðan söng og fyrir Hrun.

Við erum búin að heyra þetta áður og munum þess vegna bregðast við eins og áður, eins og "Bauhaus-heilkennið" og endurvakinn "Kaupthinking" hugsunarháttur samfara nýrri stórsókn til umturnunar íslenskra náttúruverðmæta bera vitni um.    

Næsti bloggpistill á undan þessum sýnir smá dæmi um það.

Dr. dómsdagur spáir efnahagslegu stórslysi

Athugasemdir

[Ólafur Sigurðsson (IP-tala skráð) 10.5.2012 kl. 13:04]

Almenningur þarf að læra að undirbúa sig fyrir sjálfsbjörg, heimaræktað, ofl. Það er enginn að því, en það er eitthvað að gerast í Evrópu hjá fólkinu sjálfu, Hörður Torfason hefur frá mörgu að segja varðandi það, en RÚV fjallar ekki um það. The time they are a changing söng Dylan.

[Jón Logi (IP-tala skráð) 10.5.2012 kl. 14:53]

Verst að það er töluvert til í þessu sem Nóbelsverðlaunahafinn segir. Það væri gaman að vita hvað Max Keiser segir um þetta.

[V.Jóhannsson (IP-tala skráð) 10.5.2012 kl. 15:32]

Max Keiser sagði: Þegar ein tunna í Saudi-Arabíu verður að 90.000 tunnum í Wall Streat, þá er verðbréfamarkaðurinn á réttu róli.

[Tryggvi Helgason, 10.5.2012 kl. 15:36]

Vandamálið er einfaldlega "EKKI" það, að Grikkir hafi ekki sinn eigin gjaldmiðil, - heldur það að þeir nenna ekki að vinna.

Atvinnuleysi nær 30%, ... 50% í sumum aldursflokkum, ... hvað segir það manni ? Þeir eru búnir að trúa á kommúnistmann í áratugi. Og þegar þeir tóku upp evruna þá heldu þeir að þeir gætu endanlega "slökkt á öllu", ... gætu fengið lán fyrir öllu frá Þjóðverjunum og hinum, ... svo allir gætu drifið sig á ströndina og legið þar í leti.

Semsagt; ... bara að haga sér eftir uppskrift kommúnistmans og Karli Marx, ... engar áhyggjur, "ríkið" borgaði allt, (les: þeir borga sem ennþá nenna að vinna og borga skattana), ... "ríkið" ætti nóga peninga og gæti altaf fengið meiri lán frá þýskurunum og hinum í ESB, ... og það þyrfti enginn að vinna neitt, og, að það þyrfti adrei að borga neitt til baka.

[Jón Logi (IP-tala skráð) 10.5.2012 kl. 16:30]

Á það þá ekki við um alla aðra sem eru í vanda, - Spánverja, Portúgali til að mynda?

En....hvað með langvarandi atvinnuleysi Þjóðverja, - og skoðaðu hvað Svíum tókst alltaf að halda uppi drjúgu atvinnuleysi þótt að mikill mannfjöldi væri falinn í endalausri menntun, nú eða örorku....

Aukið atvinnuleysi á Íslandi er þá líklega vegna aukinnar leti?

Ég held nú bara að þeir hafi upplifað skammtíma bólu-áhrif, - "what goes up must come down", - og þetta heimsvæðingarsystem er eitt "spinning wheel" þar sem ófreskjan þrífst einmitt á því.

[Gulli (IP-tala skráð) 10.5.2012 kl. 17:47]

Ómar, það er þegar margbúið að ulla á Roubini - það var hlegið andalaust að honum í bandarískum fjölmiðlum alveg frá 2001 fram til 2008, hann var búinn að spá fjármálahruninu í langan tíma en sárafáir hlustuðu á hann. Einn af þeim fáu sem hlustuðu var Warren Buffet sem er sennilega sá sem græddi mest á hruninu því hann reiknaði með því.