Að mörgu þarf að gæta.

Það getur verið vandaverk að safna meðmælendaundirskriftum, einkum þegar sú aðferð er notuð að standa í Kringlunni eða á mannamótum við það. Ástæðan er sú að enginn má mæla með fleirum en einum frambjóðanda eða framboði og kennitala og upplýsingar verða að vera réttar, einkum það að vera með lögheimili í því kjördæmi sem við á.

Þess vegna er það vinnuregla þeirra, sem safna meðmælendum, að safna talsvert fleiri meðmælendum en lágmarkið tiltekur.

Í flestum tilfellum er það vegna gáleysis meðmælanda, safnara meðmælenda, eða gáleysi beggja sem veldur því að undirskriftir eru "rangar" eins og segir í yfirskrift tengdrar fréttar mbl.is, en þetta orðalag er dálítið ónákvæmt orðað, því yfirleitt er það ekki meðvitað að gera mistök við undirskrift.

Sá, sem byrjar fyrst að safna meðmælendum, fær ákveðið forskot vegna þess að þá hafa hans meðmælendur ekki mælt með neinum öðrum frambjóðand á undan.

Að sama skapi er erfiðast að vera síðastur til að safna meðmælendum.

Grunur um rangar undirskriftir

Athugasemdir

[Guðni Karl Harðarson, 23.5.2012 kl. 21:55]

Ertu viss um að þetta sé rétt hjá þér Ómar? Ég heyrði nefnilega um daginn að það mætti skrifa undir sem meðmælandi hjá fleiri en einum. Það er þá samkvæmt því misskilningur?

[Ómar Ragnarsson, 23.5.2012 kl. 23:12]

Ég veit af reynslu að í alþingiskosningum má hver kjósandi aðeins mæla með einum framboðslista. Dálítið skrýtið ákvæði því að eftir sem áður felst engin yfirlýsing um stuðning við framboðslistann í því að vera meðmælandi.

[Guðni Karl Harðarson, 24.5.2012 kl. 00:04]

Þakka þér Ómar svarið. Ég veit þetta með alþingiskosningarnar. En það var manneskja sem var að vinna fyrir einn frambjóðanda sem sagði mér frá þessu. Þó ekki sá sem ég er stuðningsmaður við.

[Anna (IP-tala skráð) 24.5.2012 kl. 10:31]

Hver og einn má bara mæla með einum forsetaframbjóðanda.

[Jón Arnar, 24.5.2012 kl. 13:20]

Er ekki allbest að svona listar seu gerðir/undirskrifaðir rafrænt og til þess notaður veflykill skattstjóra eða eins og her er i gangi svokallað "NemID" (sama kerfi á því eins og bankalykillin á IS en gildir orðið um öll rafræn samskipti í DK sem þarf að staffesta) Þetta væri einfaldast því þá væri bara hægt að mæla með einum frambjoðenda og sa sem það gerði hefur ju einn lykil/aðgang að sinum rafrænuskilríkjum. 

Veit jú vel að ekki eru allir nettengdir en nu fer ekki að verða kynsloð eftir lifandi sem ekki hefur haft möguleika einhverntíman á lífsleiðinni að gera slika tengingu mögulega/læra að nota slíkt.  Því bara sorry fyrir þá "sérvitringa" sem ekki hafa nytt ser það og þvílikir finnast ju alltaf.