Misjafnar sögur um síðir.

Oft er það svo að seint og um síðir berast út sögur af frægu fólki, sem er ekki alveg í samræmi við þá ímynd sem það hafði.

Þannig var Grace Kelly áratugum saman talin hafa verið einhver siðprúðasta leikkona sinnar tíðar, enda var sú ímynd hennar blásin upp.

Síðar komust á flot vitnisburðir um hið gagnstæða.

Ekki þarf að fjölyrða um það hve fljótt sögurnar fóru að berast um lauslæti John F. Kennedys eftir að þeim hafði verið vandlega haldið leyndum.

Sjálfur siðapostuli og refsivöndur bandaríska stjórnkerfisins og þjóðfélagsins, Edgar Hoover, forstjóri leyniþjónustunnar, ku hafa verið klæðskiptingur og í meira lagi dularfullur.

Alfred Hitchcock var meistari glæpamyndanna og því kannski ekki fráleitt að eitthvað hafi verið misjafnt um karakterinn og síðari hluti nafns hans því ekki út í loftið, ef svo má að orði komast.

Rock Hudson lék glæsihlutverk hraustlegra og karlmannlegra elskhuga fagurra kvenna og var ímynd gagnkynhneigðra hraustmenna allt þar til hann varð meðal þeirra fyrstu og jafnframt frægasti alnæmissjúklingur heims.

Svona mætti lengi telja, enda löngum í fullu gildi orðtakið að það er svo margt sinnið sem skinnið.

Hitchcock eyðilagði feril hennar

Athugasemdir

[Þorsteinn Briem, 4.8.2012 kl. 02:05]

Hitchcock vildi Tippi en Hudson tippi.

[Vilhjálmur Örn Vilhjálmsson, 4.8.2012 kl. 17:30]

Er eitthvað að því að vera klæðaskiptingur? Ég vissi ekki betur en að helmingur íslenskra stórpólitíkusa og diplómata hafi troðið upp sem prestmaddömur á transklúbbum í stærstu borgum heims.

"Sjálfur siðapostuli og refsivöndur bandaríska stjórnkerfisins og þjóðfélagsins, Edgar Hoover, forstjóri leyniþjónustunnar, ku hafa verið klæðskiptingur og í meira lagi dularfullur."

                                                              Ómar Ragnason fyrrv. atvinnujólasveinn 2012

[Ómar Ragnarsson, 5.8.2012 kl. 00:00]

Já, og fór lika í galla Elvis Presley sem "Elli prestsins". Hélt mig þó við það að fara ekki í kvenmannsföt eins og Hoover.