Rými og þyngd kosta peninga.

Tvennt er það aðallega sem flugfarþegar kaupa þegar þeir fljúga. Þeir kaupa sæti til að sitja í. þ. e. rými í vélinni, og vegna þess að það kostar orku og eldsneyti að lyfta þeim og farangri þeirra frá jörðu og flytja hann um langan veg, borga þeir þann kostnað líka.

Ef rukka ætti fyrir nákvæmlega allt sem keypt er í hverri flugferð, og reikna það út í réttum hlutföllum varðandi raunverulegan kostnað, myndi það kalla á gerbreyttan kostnaðarútreikning þar sem fargjaldið skiptist í tvo hluta, - annars vegar gjald fyrir rýmið og hins vegar fyrir eldsneytiskostnað og það að flugtíminn lengist lítillega ef vélin er þyngri.

Ef setið væri til dæmis í aðeins helmingi farþegasætanna, myndu farþegar í því flugi borga tvöfalt meira fyrir rýmið, sem þeir nota, heldur en ef öll sæti væru setin.

En vegna þess að vélin yrði léttari og eldsneytiskostnaðurinn minni, myndu þeir njóta þess á móti.  

Þetta er hins vegar ekki gert, heldur fundið út meðalverð miðað við ákveðna sætanýingu.

Sömuleiðis er miðað við ákveðna meðalþyngd farangurs og ákveðna meðalþyngd hvers farþega.

Best og sanngjarnast væri ef þetta væri reiknað nákvæmlega út með nútíma tölvutækni þannig að hver farþegi borgaði í réttu hlutfalli við kostnaðinn, sem af flugi hans hlýst, - fyrir rýmið og fyrir þyngdina sem lyft er og flutt.

Þetta er hins vegar ekki gert enn sem komið er, nema óbeint þegar um leiguflug er að ræða, til dæmis flug á vegum ferðaskrifstofa til sólarlanda.

Það hefur vakið athygli mína að til dæmis í Kanaríeyjaferðum hafa flugvélarnar verið smekkfullar og notaðar vélar í langflug sem hannaðar eru fyrir styttri vegalengdir.

Fyrir bragðið er hægt að bjóða þessar ferðir á lægra verði en ella og jafnframt að láta rekstur ferðaskrifstofanna og flugfélaganna borga sig.  

Þess má síðan geta að það kemur iðulega fyrir að ekki er hægt að láta farþega sitja í öllum sætum flugvéla af því að þyngd farþega og farangurs fer þá yfir hámarksþyngd vélanna.

Í þeim tilfellum er rými fórnað fyrir þyngdina og því þyrfti hún í þeim tilfellum að vera seld sérstaklega.

Taka gjald fyrir allan farangur

Athugasemdir

[Jón Thorberg Friðþjófsson, 13.9.2012 kl. 14:13]

Góðan dag Ómar.

Ég vil líka láta greiða fyrir yfirþyngd farþega. Það á ekki að greiða sama gjald fyrir 80kg eða 120kg. Þeir sem eru í yfirþyngd ættu að greiða tvö sæti, enda leyfir plássið ekki annað.

Kveðja, Jón.

[Anna (IP-tala skráð) 13.9.2012 kl. 15:07]

Það ætti þá líka að vigta alla farþegana, ekki bara þá sem eru í yfirvigt. Kona sem vegur 50 kg. ætti ekki að borga það sama og 100 kílóa karlmaður. Ég sé fyrir mér ódýrari flugfargjöld fyrir grannar og léttar manneskjur. Hví ekki? Það getur munað miklu meira á vigt einstaklinganna heldur en sem nemur meðal farangri.

[Gubbi (IP-tala skráð) 13.9.2012 kl. 15:33]

Hjartanlega sammala Joni. Aetti lika ad rukka barnafolk fyrir onaedid sem gratur og oskur valda. Sama fyrir havaxna, otholandi ad fa hnen a theim i laerin a ser.

[Þorsteinn Briem, 13.9.2012 kl. 15:56]

Ég hef alltaf verið grannur og ætti því að fá endurgreidda mörg þúsund króna yfirvigt í flugi frá til að mynda New York og Moskvu.

Icelandair - Yfirvigt

[Jón Logi (IP-tala skráð) 13.9.2012 kl. 16:13]

Ég er nýkominn úr flugi frá Stanstead með WOW-AIR, hvar eingöngu var miðað við handfarangur upp að 6 kg. Við vorum 3 saman, og ég, sem eingöngu viktaði 82 kg, með yfirburðum þyngstur okkar.
Maður hugsar virkilega oft út í þetta, þegar maður er í röðinni, og horfir á niðursveltar jómfrúr á þyngd við nýfæddann kálf, - lítur svo til hliðar og sér eitthvað sem minnir helst á 120 tonna kolapramma. Báðir aðilar borga sama.
Það hefur mætt hörðum mótmælum að selja eftir vikt, - frá þeirra hálfu sem eru í yfirvigt, á meðan hinir léttari þegja þunnu hljóði.
Mér finnst nú að það megi skoða þetta fordómalaust. Það er hægt að hafa þetta hvernig sem er með farangurinn.....

[Erlendur (IP-tala skráð) 13.9.2012 kl. 16:48]

Karlmenn eru oftast þyngri en konur, farangur kvenna er oftast þyngri en karlmanna, þetta jafnast sennilega allt út. Það myndi hinsvegar lengja innrituanrtíma í flug allmikið ef vigta ætti alla út á flugvelli og rukka þá um kílóagjaldið.

Þó að ég hafi alla tíð verið grannur finnst mér ljótt að tala illa um þá sem eiga við vigtarvandamál að stríða,janfljótt og að tala illa um þá sem eiga við vinstrivandamál að stríða.

[Gubbi (IP-tala skráð) 13.9.2012 kl. 17:42]

Lausnin: lenda a Esjunni!

[K.H.S., 13.9.2012 kl. 17:58]

Álið er og verður brsta hráefni jarðarinnar. Hættu þessuvpðæptæyska rugliþ

[Þorsteinn Briem, 13.9.2012 kl. 18:04]

Í febrúar síðastliðnum var innkaupsverð á bensíni hér á Íslandi um 94,50 krónur, flutningur, tryggingar og álagning um 32,40 krónur, fast kolefnisgjald 5 krónur, fast bensíngjald samtals um 64 krónur og virðisaukaskattur um 50 krónur.

Í ágúst 2007 var innkaupsverð á bensíni um 34,40 krónur en í febrúar síðastliðnum um 94,50 krónur, tæplega þrisvar sinnum hærra en í ágúst 2007.

Bandaríkjadollar kostaði um 61 íslenska krónu 1. ágúst 2007 en um 123 krónur 1. febrúar síðastliðinn, 102% eða tvisvar sinnum meira en í ágúst 2007.

Bensín kostaði hér um 120,70 krónur í ágúst 2007 en um 245,90 krónur í febrúar síðastliðnum, 104% eða tvisvar sinnum meira en í ágúst 2007.

Á sama tímabili hækkaði hins vegar gengi Bandaríkjadollars gagnvart evrunni einungs um 4,4%.

Og heimsmarkaðsverð á olíu er skráð í Bandaríkjadollurum.

Samsetning bensínverðs - DataMarket

[Ómar Ragnarsson, 13.9.2012 kl. 19:41]

Æ stærri hluti nútíma flugvéla er úr koltrefjaefnum og álið er á undanhaldi. Vélum sem ekki eru úr áli fer fjölgandi.

[jonsi (IP-tala skráð) 13.9.2012 kl. 19:48]

Það kostar líka pening að reka khátæknilósettið í flugvélunum. 

[Eyjólfur Jónsson, 13.9.2012 kl. 20:13]

Og svo meina þeir að ég sé lélegur í stafsetningu og reikningi. Ég gat skrifað sænsku villilaust fyrir nokkrum árum en ekki íslensku. Það var sárt.

[Rafn Haraldur Sigurðsson (IP-tala skráð) 13.9.2012 kl. 20:36]

Álið er ekki á undanhaldi, það er notað í rafstrengi, potta, pönnur, bíla og bílvélar, flugvélar, bensíndælur, felgur,............................... verð ekki rónni fyrr en búið verður að gera afsteypu af Ómari úr áli, og verður staðsett á Kárahnjúkum.

[Haraldur Haraldsson, 13.9.2012 kl. 21:03]

Eg hefi séð þetta gert af flugfélögum,en þeir hættu því fljótt að láta yfirþúnga borga meira,en þeir gáfust upp fjótt,það minkaði svo farþegafjöldin!!!!!