Viðkvæmir mánuðir framundan.

Síðustu mánuðirnir fyrir forsetakosningar í Bandaríkjunum geta verið viðkvæmir fyrir sitjandi forseta.´

Þá geta atburðir eða atburðarás, sem hann hefur ekki á valdi sínu, orðið örlagaríkir fyrir úrslit kosninganna.

Þetta gerðist til dæmis árið 1980 þegar Jimmy Carter varð að gjalda það dýru verði að tilraun Bandaríkjamanna til þess að frelsa bandaríska gísla, sem teknir voru í Íran misheppnaðist gersamlega og varð mikil hneisa fyrir bandaríska herinn og leyniþjónustuna.

Þar áður hafði bandaríska leyniþjónustan lagt kolrangt mat á stöðu og styrk Íranskeisara sem þá var kominn með mikilmennskubrjálæði þess eðlis, að það var bara eins gott að honum var steypt og þótt fyrr hefði verið.

En hefðu Bandaríkjamenn fylgst betur með hefðu þeir getað reynt að hafa hönd í bagga með það hvernig það hvernig keisaranum hefði verið komið frá, og þá talsvert miklu fyrr.

Fyrir þessi mistök undirmanna sinna var Carter gerður ábyrgur og persónutöfrar og skrum og yfirboð Ronalds Reagans skiluði honum í Hvíta húsið.  

Það var ekki fyrr en Reagan hafði tekið við sem Íranir skiluðu gíslunum. Síðar kom í ljós að þeir hefðu f tekið þátt í því á bakvið tjöldin með tengslum við stuðningsmenn Reagans að niðurlægja Carter og koma honum frá.

Nú, eins og 1980, leynist mesta hættan fyrir Obama í því sem kann að gerast í málefnum Ísraels og Írans.

Obama hefur reynt að halda aftur af Ísraelsmönnum varðandi það að þeir ráðist á kjarnorkustöðvar í Íranir en átök á milli Ísraelsmanna og Írana gætu haft ófyrirsjánlegar áhrif á forsetakosningarnar.

  

Segir forsetann veiklundaðan