Reynum að beinbrotna ekki um helgar.

Sönn saga og ný. Kona handleggsbrotnaði illa langt úti á landi fyrr í sumar. Fóru bæði beinin í sundur í neðri hluta handleggsins.  Reynt var að búa um handlegginn en enginn í héraði gat gert að brotinu. Engan sjúkrabíl að fá og því ekið með hana á einkabíl alla leið til Reykjavíkur.

Það var laugardagur og enginn bæklunarlæknir á vakt. Því reyndi venjlegur læknir að búa um brotið og setja í gifs.

Þegar gipsið var tekið af kom í ljós að handleggurinn hafði gróið skakkur, -  beinið og ysti hluti handleggsins var með skekkju upp á 25%.

 Niðurstaða málsins varð því þess: Vegna sparnaðar í kerfinu verður konan nú að bíða með handlegginn í 25% vinkli um þrjú ár þangað til beinin eru orðin nógu hörð og góð til þess að hægt verði að brjóta þau upp og setjja þau saman á ný.

Hún verður að lifa við óþægingi og ákveðna örorku vegna starfs síns þangað til óhætt verður á virkum degi að láta bæklunarlækni brjóta handlegginn upp og setja hann rétt saman. 

Búast má við að saga þurfi og nema í burtu hluta úr öðru handleggsbeininu.

Eftir uppbrotið og setningu í nýtt gips taka sjálfsagt við minnst 6-8 vikur eftir það og hugsanlega endurhæfing að því loknu til þess að konan verði söm á ný.

Þá verður kostnaðurinn vegna þessa  klúðurs orðinn margfaldur á við þann sparnað í heilbrigðiskerfinu sem lýst var hér að ofan.

En það gerir líklega ekki mikið til fyrir ráðamenn, því að hann lendir ekki á af fullum þunga fyrr en eftir þrjú ár og sést ekki því ekki á útgjöldahlið ríkisins á þessu ári né þeim tveimur næstu.

Kemur ekki fram fyrir en tveimur árum eftir næstu kosningar.

Á læknafundinum, sem þessi pistill er tengdur við, kemur fram að sérfræðilæknir, sem þurfi að vinna mikið geti verið með 1,5 milljónir á mánuði sem séu að sjálfsögðu lúsarlaun miðað við fullyrðingu ráðherra um að þau séu 1,8 til 2,2 milljónir.

Var læknum á fundinum að sögn heitast í hamsi út af þessum meintu stórfelldu lygum ráðherrans.

En varðandi tilfelli konunnar, sem hér er um rætt, er ljóst að það er dýrt að kalla svona lækni út um helgar og betra að fresta því um nkkur ár, ef svo ber undir, svo að kostnaðurinn falli ekki til á sama ári og slysið varð, þótt samanlagður kostnaður vegna aðgerðanna tveggja hljóti að verða meiri en ef bæklunarlæknir hefði í upphafii máls verið kvaddur út á frídegi.

Svo er ekki víst að kostnaðurinn verðii svo miklu meiri í lokin í kerfinu sjálfu, því að sé konan nógu andskoti gömul eða kannski með leyndan sjúkdóm, yrði hún kannski hvort eð er dauð áður en seinni aðgerðin dyndi yfir og menn gætu þá andað léttar, lausir allra mála.

Það skal hins vegar tekið fram að umrædd kona hér að ofan er á miðjum starfsaldri.  

Þjáningar, útgjöld hennar og tekjutap reiknast ekki með í heildardæminu heldur lendir á henni sjálfri, og í því felst mikill sparnaður og hagræðing fyrir þann hluta ríkissjóðs sem er eyrnamerktur heilbrigðiskerfinu.

Ekki er gott að segja hvort ríkissjóður muni gjalda þess á öðrum sviðum að vinnuframlag konunnar og þátttaka í þjóðarframleiðslunni skerðist, - eða, eins og maðurinn sagði: "Hesturinn ber ekki það sem ég ber."  

Læknar hafna fullyrðingu ráðherra

Athugasemdir

[jonasgeir (IP-tala skráð) 21.9.2012 kl. 14:04]

Bara að halda áfram og styðja skattahækkanir á laun vinnandi fólks og aðrar álögur sem gera daglegt líf og lífsbaráttu hálf vonlausa.  Það er víst velferð í því fólgin. ..Og um leið fær fólk að njóta launa sinna segir víst Jóhanna.

Ett er víst að bæklunarlæknirinn ég kem ekki heim upp á þau kjör. Nei takk.

Þetta er ekki aðvelt starf.

[Þorsteinn Briem, 21.9.2012 kl. 14:20]

... segir Jón Ásgeir.

[Þorsteinn Briem, 21.9.2012 kl. 14:28]

"19. nóvember 2008:

Stjórn Alþjóðagjaldeyrissjóðsins samþykkti fyrir stundu á fundi sínum beiðni Íslendinga um 2,1 milljarða Bandaríkjadollara lán.

Íslenskt efnahagslíf þarf á fimm milljörðum dollara að halda, að mati ríkisstjórnarinnar.

Sú upphæð jafngildir um 700 milljörðum króna, miðað við Seðlabankagengi."

[Þorsteinn Briem, 21.9.2012 kl. 14:33]

22.11.2009:

"Sigurður Helgi Guðjónsson, formaður Húseigendafélagsins, skrifar:"

"Lánamöguleikar eru ekki samir og fyrrum þegar gullið flóði.

Peninga skortir víða til viðhalds og á því stranda mörg góð áform.

Ef þeir eru ekki fyrir hendi er tóm mál að tala um viðhald, þótt þörf sé brýn og aðstæður að ýmsu öðru leyti ákjósanlegar.

Sannast hér eina ferðina enn að Davíð Stefánsson frá Fagraskógi fór með fleipur og staðlausa stafi þegar hann kvað:

"Það er sælt að vera fátækur, elsku Dísa mín".

Það er þvert á móti grautfúlt í viðhaldi sem öðru."

[Ómar Ragnarsson, 21.9.2012 kl. 15:43]

Bæklunarlæknirinn Jónas Geir bendir á eitt aðalatriði annarrar hliðar þessa máls. Ísland er ekki eyland heldur hluti af alþjóðlegu launaumhverfi þar sem er frjálst flæði vinnuafls og fólks. Ef ákveðnar stéttir eru hátt launaðar erlendis leitar fólk, sem til þess hefur menntað sig, þangað.

Dæmið hér að ofan er ekki sett upp til sem ádeila á einn eða neinn, til dæmis ekki þá sem áttu stærstan þátt í hruninu sem skóp þennan vanda, heldur til að varpa ljósi á viðfangsefnið sem við er að etja.  

[Þorsteinn Briem, 21.9.2012 kl. 15:49]

HIÐ FORRÍKA OLÍURÍKI NOREGUR:

21.9.2012 (í dag):

"Hulda Gunnlaugsdóttir, framkvæmdastjóri háskólasjúkrahússins í Akershus í Noregi, hefur beðið þá sjúklinga, sem hlutu skaða af dvöl sinni á spítalanum árið 2011 og aðstandendur þeirra, afsökunar."

"Sjúklingum spítalans hefur fjölgað mikið en starfsfólkinu ekki að sama skapi."

"... lögreglunni í umdæminu hafa borist þrettán tilkynningar um óútskýrð dauðsföll á spítalanum síðastliðna 18 mánuði."

Biður sjúklingana afsökunar

[Þorsteinn Briem, 21.9.2012 kl. 15:55]

Meðallaun í 72 löndum - Ellefu Evrópusambandsríki fyrir ofan Ísland, þar á meðal Kýpur og Ítalía, en Spánn og Grikkland í næstu sætum

[Þorsteinn Briem, 21.9.2012 kl. 16:53]

Laun ýmissa stétta í Noregi - How Much Do People Earn in Norway?

[Sævar Óli Helgason, 21.9.2012 kl. 17:17]

Jamm...!

Þetta er svipað og þegar fæðingardeildinni á Sjúkrahúsi Suðurlands átti að loka... Þá var talað um að konur á suðurlandi ættu nú ekki að hafa mikið fyrir því að fara til Reykjavíkur til að fæða... Það var svo "stutt að fara...!!!"

En einsog allir heilvitamenn vita þá er svipað langt að fara frá Selfossi til Hvolsvallar og frá Selfossi til Reykjavíkur... Og þá á eftir að reikna inní allar aðrar fjarlægðir á suðurlandi...

P.s...

Og já, það var karlmaður sem lét útúr sér þetta gullkorn...!

[Haukur Kristinsson (IP-tala skráð) 21.9.2012 kl. 18:08]

Háttlaunaðir hópar samfélagsins hafa löngum kvartað og kveinað yfir lágum launum, þar sem þeir vita af stéttarbræðrum erlendis með hærri laun. Læknar, flugstjórar, flugumferðastjórir eru dæmi um slíka frekju hópa.

Það verður alltaf hægt að finna einhverja í útlandinu sem sinna sama starfi og með hærri laun. Mun auðveldara er samt að finna kollega með lægri laun, en það er látið eins og að þeir séu ekki til.

Sonur minn, sem er læknir í Grikklandi væri svo sannarlega ánægður með laun íslenskra lækna. Samt er hann með meiri menntun en flestir íslenskir læknar.

En af hverju bera íslenskir læknar sig ekki saman við háskólamenntaða kollega á skerinu. Hvaða laun hafa t.d. stærðfræðingar, eðlisfræðingar eða efnafræðingar? Nám þeirra er ekki styttra en lækna, jafnvel lengra og í mörgum tilfellum erfiðar. “More demanding”, þarf meiri talent.

Akademikar, sem hafa örfáum árum eftir Davíðshrunið um og yfir milljón í tekjur á mánuði, hafa enga ástæðu til þess að vera í fílu. Þeir sem sætta sig ekki við aðstæður, pakka bara niður. Verst að geta ekki losnað við lögfræðinga og hagfræðinga, en það líklega lítil eftirspurn eftir þeim utan landsteinanna.

Það verður að vera samræmi í kjörum vinnandi stétta, annars verður engin sátt í samfélaginu, sem er ekki gott. Hæstu laun ættu ekki að vera meira en 3-4 föld laun þeirra sem eru neðst í skalanum.

[Þorsteinn Briem, 21.9.2012 kl. 18:42]

23.6.2010:

Birna Jónsdóttir formaður Læknafélags Íslands:

"Staðreyndin er hins vegar sú að laun lækna í 100% starfi hjá ríkinu eru í kringum ein milljón króna."

Tíu prósent lækna hafi hins vegar tekjur hærri en 1,5 milljónir á mánuði og aðeins rúmur tugur lækna sé með tekjur yfir tveimur milljónum."

[Þorgeir Gestsson (IP-tala skráð) 21.9.2012 kl. 19:30]

Áhugaverð saga um konu sem lenti í því að handleggsbrotna. Verð þó að draga í efa að farið sé rétt með að öllu leyti, eða að mikilvægum atriðum sé sleppt úr sögunni. Sérstaklega út af eftirfarandi setningu: "Það var laugardagur og enginn bæklunarlæknir á vakt. Því reyndi venjlegur læknir að búa um brotið og setja í gifs." Tel ólíklegt að tekist hafa draga svo hressilega úr mönnun á LSH að enginn bæklunarlæknir sé lengur a vakt um helgi. Ég gæti mögulega trúað hins vegar að bæklunarlæknir hafi verið á vakt en ákveðið að láta meðhöndlun brotsins bíða þar til eftir helgi ef þá var von á bæklunarlækni sem sérhæfir sig sérstaklega í þessu vandamáli (það er held ég oftast ekki nauðsynlegt að meðhöndla beinbrot innan nokkurra mínútna og þekki ég dæmi þess að beðið sé með að gera aðgerð í 1-2 daga, bæði frá LSH og sjúkrahúsi í Svíþjóð.

Ef læknir hefur ákveðið að meðhöndla þetta sjálfur er það nánast örugglega ekki út af því að það var ekki aðgengi að bæklunarlækni á vakt, heldur hefur læknirinn tekið ákvörðun sjálfur um að meðhöndla þetta (eða jafnvel ákveðið það í samráði við bæklunarlækni) . Ef árangurinn af þeirri ákvörðun er lélegur, þá er mögulega um mistök læknisins að ræða, eða sjúklingurinn hefur fyrir óheppni tilheyrt undirhópi sem fær ekki góðan árangur af meðferð.

Varðandi athugasemd Hauks Kristinssonar: "En af hverju bera íslenskir læknar sig ekki saman við háskólamenntaða kollega á skerinu. Hvaða laun hafa t.d. stærðfræðingar, eðlisfræðingar eða efnafræðingar?" 

Spurningin þín er gölluð, af því að ísl læknar bera sig einmitt saman við háskólamenntaða kollega á skerinu. (í akkúrat því tilfelli sem um ræðir núna þá var röksemd gefin fyrir hækkun forstjóralauna að viðkomandi gæti fengið hærri laun í útlöndum - slík röksemd á við alla starfsmenn LSH og var því ekki málinu óviðkomandi að benda á það.)

 Þú spyrð hvaða laun hafa stærðfræðingar og fleiri. Búið er að benda á nýútskrifaður aðstoðarlæknir hefur 319 þús/mán fyrir 8-16 vinnu. Hafa þessar stéttir hærri eða lægri laun en læknarnir fyrir sína 8-16 vinnu? Svarið sem langflestir vita er að læknarnir eru með lægri grunnlaun. (Grunnnámið er hjá læknum held ég ennþá einu ári lengra en hinna stéttanna sem þú nefnir til að fá að nota starfsheitið.)  Það er oftast þessi hópur lækna sem er óánægður með þessa staðreynd. Það eru síðan til nokkrir læknar sem hafa getað haft mun hærri laun út af gífurlega mörgum vinnustundum/bakvaktarstundum, eða ýmsir prívatlæknar sem einhverra hluta vegna ná að sinna mörgum verkum/aðgerðum - þar sem greitt er skv akkorði. Oftast er vitnað er í laun þessara lækna til að halda láglaunalæknunum niðri.

 Vinn nú í Svíþjóð og þar eru grunnlaunin læknis hærri en viðmiðunarstétta sem eru styttri tíma í háskóla. Aftur á móti er ekki krafist alveg eins mikilla vakta per einstakling - og því ekki eins mikið vaktakaup. Hefði persónulega getað sætt mig við þá breytingu á Íslandi.Launin eru síðan talsvert hærri í Noregi.

[Dagný, 21.9.2012 kl. 23:37]

Bestu þakkir fyrir þarfa ábendingu!! Hef lengi reynt að vekja athygli á ruglinu í heilbrigðiskerfinu. Forgangsröðun alskökk og nú skal nauðga milljarða steypuklumpi upp á skattborgara og hvernig ætli forgangsröðunin verði eftir það?!

[Ómar Ragnarsson, 22.9.2012 kl. 00:31]

Það er staðreynd að bæklunarlæknir gerði ekki að brotinu, að aðgerðin mistókst og að það hafði sín áhrif að það var ekki virkur dagur.

Miðað við það hve skekkjan í aðgerðinni var stór má ætla að sérfræðingur hefði gert betur. En þegar í gangi er afar grimmur niðurskurður og sparnaðar hlýtur að vera pressa á að komast hjá því að kalla út bæklunarlækni í verkefni í yfirvinnui og reyna frekar að afgreiða málin á ódýrari hátt.  

[Sérfræðingur (IP-tala skráð) 22.9.2012 kl. 08:11]

Staðreyndin er þessi. Inni í "niðurskurðar-EXCEL-formúlunni" hjá Heilbrigðisráðuneytinu er liður sem gerir hreinlega ráð fyrir því að sjúklingur verði ekki lengur "sjúklingur", heldur "dauður" sjúklingur. Allir þessir biðlistar og tregða til að gera aðgerðir, sérstaklega á eldra fólki er meðvitaður og hluti af niðurskurðinum. Þeir reikna með því að hluti sjúklinga verði "fyrrum" sjúklingar. Þetta eru staðreindir sem alls ekki má tala um, sérstaklega ekki á kosningavetri. En þetta er hrikalega ljótur leikur sem ráðherra og yfirmenn heilbrigðismála á Íslandi stunda.

[Jón Logi (IP-tala skráð) 25.9.2012 kl. 10:11]

Það að velta ímynduðum sparnaði einhver ár fram í tímann á kostnað sjúklinga og seinna skattgreiðenda er vissulega ljótur leikur.

Sævar Óli kom þarna með góðan punkt varðandi fæðingardeild HSU. Það vill svo til að ég bý við Hvolsvöll, og okkur hjónum fæddist dóttir á HSU í hitteðfyrra, þegar deilan um hvort loka ætti deildinni stóð sem hæst.
Ég ók henni, og það nokk greitt, en við hefðum samt aldrei haft það af til Reykjavíkur, svo brátt var það.
Hefðu viðeigandi möppudýr komið sínu fram á þessu tímabili, hefði ekki heldur verið sjúkrabíll í boði á Hvolsvelli, - þeir hefðu verið á Selfossi. Það var sem sagt búið að vera í vinnslu líka, að færa sjúkraflutninga frá Rangæingum yfir á Selfoss.
Þannig að, hefðu möppudýrin haft allt sitt fram, hefði ég líkast til fengið aftursætisbarn. Á leiðinni í bæinn.
Hefðu þau fengið hálft sitt fram, þá hefði sjúkrabíll frá Selfossi kannski getað tekið við boltanum, en umskipun tekur þó smá tíma.

Engan sé ég sparnaðinn. Útköll fyrir sjúkrabíla eru eins mörg og þau eru, og lengri akstursvegalengdir með jafn marga bíla og jafn marga í áhöfn er enginn sparnaður.

Né heldur að færa fæðingar úr ágætis aðstöðu til höfuðborgarsvæðisins, þar sem afgreiðsla pr. fæðingu er þar að auki dýrari en t.a.m. á HSU.

Möppudýrunum tókst þó að leggja af fæðingalækninn, og skurðstofu-aðstöðuna. Bravó! Meira að gera í flutningum.

Þetta er ljótur leikur.