Að fá að lifa í friði og frelsi. Að fá að lifa með reisn.

Það þykir að sjálfsögðu fréttnæmt þegar þeir sem brjóta samskiptareglur með næturhávaða, sem rænir nágranna friði, ráðast síðan á þá fyrir að hafa leitað á náðir lögreglu til þess að fá að vera í friði.

Öllum þykir sjálfsagt að hávaða- og gauragangsfíkn sumra keyri ekki um þverbak á kostnað réttar fólks til að hafa frelsi til að hvílast í næturfriði.

Öðru máli virðist nú ætla að gilda í hugum furðu margra um hina einföldu setningu í nýrri stjórnarskrá: "Öllum skal tryggður réttur til að fá að lifa með reisn."

Þeim, sem eru því andvígir, ættu, þó ekki væri nema á jólunum, að setja sig í spor fátæklinganna sem eru meðal þeirra sem þurfa á svona réttarákvæði að halda.

Eftir að hafa haft 17 mánuði til að kynna sér nýju stjórnarskrána auk fjögurra mánaða þar á undan til að fylgjast með samingu hennar, rísa nú upp menn og hártoga, snúa út úr og hæða þetta einfalda ákvæði.

Svo er að sjá að nú standi yfir lúsarleit að tilefnum á ýmsum stöðum í stjórnarskránni nýju til þess að nota þessa útúrsnúningaaðferð til þess að bregða fæti fyrir setningu hennar og étur þar hver upp eftir öðrum.

Skoðum aðeins herferðina gegn fyrrnefndu ákvæði sem dæmi.

Sagt er sem svo að í þessu ákvæði felist að ríkisvaldinu sé skylt að skipta sér af því og láta hvern borgara haga sér þannig að hann falli undir einhvers konar staðal um það hvað sé reisn.

Þetta er aðeins útúrsnúningur og gegn orðanna hljóðan í ákvæðinu þess efnis að allir eigi rétt á að fá að lifa með reisn.

Það þýðir að ekki megi meina fólki að lifa í frelsi og friði  sem einstaklingar með þeirri reisn sem í því felist.

Það hefur svipaða þýðingu og sú ætlan stofnenda Bandaríkjanna að hver þegn þeirra fengi að njóta sín á eigin forsendum sem frjálsborinn einstaklingur.

Nú má heyra furðu marga, sem hafa dáðst að þessu, snúa ákvæðinu í nýju stjórnarskránni á hvolf og hamast gegn því.

Undanfarin ár hefur talsvert verið rætt um það að hamla gegn einelti með setningu laga og reglna þar um.

Einelti felst einmitt í því að ákveðinn hópur eða einstaklingur tekur sig til og leggur sig fram um að niðurlægja með háði eða aðsúgi einstakling, sem geðþótti ofsækjendanna telur að eigi skilið að sæta slíkri aðför í lengri eða skemmri tíma, jafnvel árum saman og ævilangt.

Sá sem sætir eineltinu er sviptur frelsi sínu til að hafa skoðanir og persónueinkenni, oft líkamleg, í friði fyrir öðrum, sviptur reisn sinni og sanngjarnri stöðu innan samfélagsins.

Sagan geymir ljót dæmi um það hvernig þessu var og er beitt á milljónir manna í alræðisþjóðfélögum.

Undarlegt er að sjá hvernig margir þeirra, sem hamast nú gegn þessu ákvæði, hafa í orði kveðnu sagst fylgjandi frelsi einstaklingsins til orða og athafna en leggjast nú gegn einföldu ákvæði sem verndar persónufrelsi.

Enn furðulegra að margir þessara hártogara skuli lika telja sig aðhyllast mannúðarkenningar Krists, sem einmitt lagðist gegn þeirri útskúfun sem margir verða að sæta vegna einkenna sinna og stöðu.

En greinilega þykir mikið við liggja að koma sem flestum höggum á þær umbætur sem ný stjórnarskrá felur í sér.

Kvörtuðu og urðu fyrir árás

Athugasemdir

[Jack Daniel's, 27.12.2012 kl. 10:37]

Sammála þessu.

Annars er bara ömurlegt að skoða netmiðlana nú í morgunn því uppistaða fréttana sem maður les eru nánast eingöngu fréttir af ofbeli og slagsmálum.  Ákvað að rita smá pistil um það hérna.

[Haukur Kristinsson (IP-tala skráð) 27.12.2012 kl. 11:16]

Hugmyndin að því að standa skuli í stjórnarskrá: "Öllum skal tryggður réttur til að fá að lifa með reisn", er djörf en frábær, virkilega góð.

Á eftir að vekja athygli og hrifningu víða.

Það kemur hinsvegar ekki á óvart að lagatæknar og rislitlar manneskjur agnúist út í það sem er frumlegt og nýtt.

Vandinn er einnig sá, að það að „lifa með reisn“ hjá mörgum innbyggjurum felst í því að græða og grilla og rölta svo í kirkju af og til.

[Hjörtur Sævar Steinason (IP-tala skráð) 27.12.2012 kl. 12:28]

Já Ómar þettta er furðulegur fjandi hvernig sumt fólk hagar sér !!!

[Stefán Örn Valdimarsson (IP-tala skráð) 27.12.2012 kl. 14:20]

Það er nú einmitt vandamálið við þessa stjórnarskrátillögu er hversu mörg ákvæði hennar eru opin fyrir túlkun sem þú kýst að kalla hártoganir.  Stjórnarskrá á að vera einföld og skýr, sem allra mest laus við dægur pólítik og vera eins lítið opin fyrir mismunandi túlkanir og hægt er.

[Gunnar Th. Gunnarsson, 27.12.2012 kl. 14:31]

Í nýrri stjórnarskrá?? " "Öllum skal tryggður réttur til að fá að lifa með reisn."

Vissi ekki að það ætti að troða þessu inn án athugasemda. Þetta ákvæði er ágætt dæmi um illa unnið plagg frá umboðslausu stjórnlagaráði.

Hvað er að "lifa með reisn"? Ég er hræddur um að hægt sé að túlka það á mismunandi vegu. Þess vegna er ákvæðið algjört bull og ónothæft.

[Anna Benkovic Mikaelsdóttir, 27.12.2012 kl. 17:11]

Tek heilshugar undir!

[jóhanna (IP-tala skráð) 27.12.2012 kl. 17:19]

Hvað þýðir þessi setning bókstaflega Ómar?

"Allir eigi rétt á að fá að lifa með reisn?"

Hvað svo?

Hver ætlar að setja það í framkvæmd?

Stjórnlagaráð?

[Haukur Kristinsson (IP-tala skráð) 27.12.2012 kl. 17:58]

Menschenwürde - Reisn.

Der Artikel 1 des deutschen Grundgesetzes garantiert die Unantastbarkeit der Menschenwürde......

Die Würde des Menschen ist unantastbar. Sie zu achten und zu schützen ist Verpflichtung aller staatlichen Gewalt.

Flott hjá Þjóðverjum. 

[Haraldur (IP-tala skráð) 27.12.2012 kl. 18:33]

Mannlega reisn - Reisn.

1. gr þýska stjórnarskráin tryggir friðhelgi mannlegrar reisnar ......

Mannlegri reisn er friðhelg. Að virða og vernda það er skylda allra ríkisstofnun.

[Haukur Kristinsson (IP-tala skráð) 27.12.2012 kl. 18:36]

@Haraldur. Vielen Dank.

[Anna Benkovic Mikaelsdóttir, 27.12.2012 kl. 18:54]

Ég get skilið hvað orðið mannleg reisn" þýðir , eftir að hafa misst það sem hugtakið táknar.

Það gerðist í kjölfar hrunsins 2008. Ég hef alltaf staðið við allar skuldbindingar, en eftir hrunið missti ég íbúðina (myntkörfulán) og svo vinnuna (haust 2009).

Ég varð að lifa á bótum með 7 ára barn í næstum 3 ár.

Systkyni mín halda enn að íslenska velferðarkerfið sjái um sín börn!

Trúin á Guð er dauð og mannleg reisn ekki í boði, þótt mæðrastyrksnefnd sé sproti englanna.

[Gunnar Th. Gunnarsson, 27.12.2012 kl. 20:21]

Á þá s.s. að banna með nýrri stjórnarskrá fjármálaáföll og kreppur? Á stjórnarskrá að tryggja einhverja tiltekna upphæð á bótum?

[Guðmundur Pálsson, 27.12.2012 kl. 20:37]

"Öllum skal tryggður réttur til að fá að lifa með reisn." Gott að hafa þetta inni segir Ómar. Hugurinn er góður, enginn vafi á því; en hvað er mannleg reisn? Samheitaorðabók segir orðið reisn samheiti með orðunum mikilleiki, tign, virðuleiki, glæsileiki, myndarskapur. Að sýna reisn er að bera höfuðið hátt. Ég vil benda á að ótalmargt gerist ófyrirséð í lífi fólks sem veldur erfiðleikum og niðurlægingu, því finnst því vanta nauðsynlega hluti og þess vegna ekki geta notið sín sem skyldi. Hafa að eigin mati of lágt kaup. Borga bróðurpart tekna í skatta og meðlög. Að þurfa að vinna mikið án hvíldar. Er það skortur á reisn? Að fá ekki tíma hjá lækni eða sjúkrahúspláss þegar manni hentar, að eiga ekki fyrir bíl, að missa vinnuna, að lenda í húsrannsókn, að lenda í gjaldþroti, að verða húsnæðislaus, að vera strýtt, að lenda í einelti, að finnst nágranninn hávaðasamur, að vera tekinn í tollinum, að vera hafður fyrir rangri sök í fjölmiðlum. Listinn gæti orðið ansi langur. Og hvernig á að TRYGGJA hina mannlegu reisn? Getur einhver sagt mér það?

[Haukur Kristinsson (IP-tala skráð) 27.12.2012 kl. 21:15]

Vonandi eru sjúkdómsgreiningar læknisins skarpari en greining hans á orðinu reisn.

[Gunnar Th. Gunnarsson, 27.12.2012 kl. 21:29]

Tek undir hvert orð hjá Guðmundi Pálssyni

[Guðmundur Pálsson, 27.12.2012 kl. 21:37]

Bættu þá úr Haukur hafir þú annan skilning. Það sem þetta botnar í er að menn eru að reyna að setja inn í stjórnarskrá óskýrt ákvæði um að ýmiss konar mannleg áföll ( sem ekki eru tilgreind, menn verða að geta sér til um hver þau gætu verið) sem geta haft áhrif á mannlega virðingu, líðan og reisn skuli bætt fyrir með einhverjum hætti. Það er þó ekki sagt hvernig. Ekki hver á að hafa eftirlit með því. Heldur ekki hverjir eigi að greiða fyrir það.

[Haukur Kristinsson (IP-tala skráð) 27.12.2012 kl. 22:25]

Enginn að tala um áföll sem "geti haft áhrif á mannlega virðingu", eins og þú orðar það.

Markmið ákvæðis stjórnarskránnar er að koma fram við þá sem hafa orðið fyrir áföllum, sem eru eitthvað öðruvísi en aðrir, með virðingu, með respekt.

Ekkert mjög flókið, Herr Doktor!

[Gunnar Th. Gunnarsson, 27.12.2012 kl. 23:03]

Mannréttindaákvæði SÞ dekka þetta ágætlega.... hitt er lýðskrum af verstu sort

[Anna Benkovic Mikaelsdóttir, 28.12.2012 kl. 00:22]

reisn mín er að vaxa með vinnu, sem mér loksins auðnaðist.

það er gott að Gunnar og  Guðmundur ogHaukur og fleiri hafa ekki misst sína reisn. Hitt er slæmt að þessir mennhafa ekki samúð eða greinarvísitölu til að skilja aðra!

[Gunnar Th. Gunnarsson, 28.12.2012 kl. 01:21]

Greindarvísitölu??

Skelfing leggstu lágt, Anna. Þú veist ekkert um mig og mína lífsreynslu. Veistu nema vandræði þín séu hjóm eitt miðað við það sem ég hef gengið í gegnum? En harmur fólks eða erfið lífsreynsla á ekki að setja undir mæliker. Það hefur hver sinn djöful að draga og það er að sjálfsögðu einstaklingsbundið hvernig hver og einn bregst við. Gráglettni örlaganna fer ekki í manngreinarálit.

[Kári Jónsson (IP-tala skráð) 28.12.2012 kl. 16:35]

Meirihluti almennings samþykkti Nýja-stjórnarskrá með afgerandi hætti, 20.okt. allir höfðu sama rétt og aðgang að þingskipuðu-stjórnlagaráði við samningu stjórnarskrárinnar, fótgönguliðar og taglhnýtingar sérhagsmunanna munu af hörku og grimmd, tína allt til.

 Ég hef eina spurningu handa þessu fólki, Ætli þið EKKI að virða LÝÐRÆÐIÐ í landinu ?

[Gunnar Th. Gunnarsson, 28.12.2012 kl. 18:05]

Það var ekki kosið um ÞESSA stjórnarskrá í kosningunum enda væri það brot á núverandi stjórnarskrá. Lýðræðið virkar einfaldlega ekki svona. Það var hins vegar spurt 6 spurninga í kosningunni og ein þeirra um hvort leggja ætti þessi DRÖG til grundvallar. Það var samþykkt af stuðningsmönnum ríkisstjórnarinnar ásamt nokkrum öðrum. Það var fáránlega lítil þátttaka í kosningunni miðað við mikilvægi málsins. Dræm þátttaka var skilaboð almennings um óánægju með drögin og hvernig staðið var að málum.

Þegar tillögurnar fengu loks einhverja umfjöllun á Alþingi kom í ljós að ekki stendur steinn yfir steini í þessari vinnu hins umboðslausa stjórnlagaráðs og ótal breytingatillögur komu fram. Það kom s.s. í ljós sem margir höfðu bent á að hugmyndir ráðsins voru vanhugsaðar og illa unnar.

[Gunnar Th. Gunnarsson, 28.12.2012 kl. 18:09]

Auk þess var þetta ekki kosning, heldur skoðanakönnun.

[Anna Benkovic Mikaelsdóttir, 28.12.2012 kl. 18:43]

Gunnar, það blasir við hverju barni að ferlið var og er lýðræðislegt!

[Anna Benkovic Mikaelsdóttir, 29.12.2012 kl. 01:42]

Ég vil spyrja alla bloggvinu Moggans og hvert barn yfir 7 ara aldur á Íslandi þessarar spurningar;

Ef satt er sem Jesús sagði að "sannleikurinn mun gera ykkur frjáls", hvernig getur Halldór Ásgrímsson verið svona rólegur á okkar kostnað, eftir að hafa sett á kvótakerfi sem hefur fækkað Vestfirðingum um 30% á 20 árum?

Líður honum vel? Hvaða "sannleik" er Jesús að tala um?