Stærsta hestaferð síðustu alda.

Í tilefni af tengingu þessa bloggistils við frétt á mbl.is undir heitinu "stórfellt hrossahvarf" er hér til gamans ímynduð spurning í "Gettu betur" um hesta og hestaferðir. Skemmtilegra er fyrir þá, sem vilja spreyta sig, að horfa ekki strax á smáa letrið sem er með svarinu neðst á síðunni.  

Þetta er vísbendingaspurning og við spyrjum um stærstu hestaferð síðustu alda.

1. Vísbending, sem gefur 5. stig: Forsprakki þessarar hestaferðar var maður, sem gaf henni nafn sem tengja mátti við rauðhærða menn.  

2. Vísbending, sem gefur 3 stig: Hestarnir í ferðinni voru alls 750 þúsund, en komust aldrei alla þá leið sem þeir áttu að fara. Að því leyti minnti þessi ferð á miklu umfangsminni ferð með sama tilgangi, sem farin hafði verið um svipaðar slóðir 129 árum fyrr. 

3. Ekki voru eingöngu hestar í þessari ferð heldur voru þeir aðeins hluti af því sem til þurfti til að tilgangi ferðarinnar yrði náð. Tæpu ári fyrr hafði fyrrnefndur forsprakki staðið fyrir ólíkum leiðangri undir nafninu Sæljón, sem hætta varð við.

Svarið er allmiklu neðar á síðunni og með smáu letri.

  

                           Svar: Ferðin hét Barbarossa eða Rauðskeggur og nafnið var notað um innrás Hitlers inn í Sovétríkin  

                                       1941. 750 þúsund hesta þurfti til flutninga fyrir leiðangurinn, sem misheppnaðist eins

                                        margfallt minni en svipaður leiðangur sem Napóleon fór 1812. Síðsumars 1940 hafði verið gerð

                                        áætlun undir nafninu Sæljón um innrás í Bretland, sem aldrei var hrint í framkvæmd.   

Rannsaka stórfellt hrossahvarf

Athugasemdir

[Björn Jónsson (IP-tala skráð) 20.2.2013 kl. 09:00]

Ekki rétt hjá þér eins og svo oft áður.

Þegar Genghis Khan hóf sína miklu herför vestur á bóginn, sem endaði á sléttum Ungverjalands, þá lagði hann upp með 30 tumens. (1 tumen=mongólsk herdeild= 10'000 hermenn).
allir ferðuðust þeir á hestbaki (engir fótgönguliðar) og hverjum um sig var fenginn 3-4 hestar til reiðar, þar af ein mjólkandi meri sem sá hermanninum líka fyrir kaplamjólk uns færi gafst á að ræna uppskeru eða búsmala í þeim héruðum sem herinn lagði undir sig.

Í þessari herför voru því að minnsta kosti 900'000 hestar en líklega þó mun fleiri, allt að 1'1 - 1'2 milljónir.

Líklega var her Atla Húnakonungs næstum jafn stór ef einhver nennir að athuga það

[GB (IP-tala skráð) 20.2.2013 kl. 09:08]

Hefur verið erfitt að halda merunum mjólkandi svona á ferðinni.....

[Bjarni Gunnlaugur (IP-tala skráð) 20.2.2013 kl. 13:01]

Svo má spyrja um land sem hét "land hinna fögru hrossa". Hvaðan maður nokkur Ólafur? Úlfhéðinn? að nafni var ættaður að hálfu og tók að sér að þýða helga bók yfir á germönsku.   Löngu seinna eða í fyrri heimstyrjöld voru lansmenn myrtir hundruð þúsunda saman í þjóðernis(trúar?)ofsóknum ekki ólíkum þeim sem Hjalti hin þýski ætlaði að framkvæma með rauðskeggsáætlun sinni um 20 árum síðar!

Í landi þessu voru til forna neðanjarðarmannvirki með varnarbúnaði ekki ólíku því sem sést í "Indiana Jones" til að verjast Rómverjum!

http://en.wikipedia.org/wiki/Cappadocia

[Bjarni Gunnlaugur (IP-tala skráð) 20.2.2013 kl. 13:03]

Svona getur maður orðið gáfulegur af því að skoða Wikipediu ;-)

[Ómar Ragnarsson, 20.2.2013 kl. 23:59]

Takk, Björn Jónsson, þótt seint sé, því ég hef verið á ferðinni allt austur um Suðurland í allan dag.

Mistök mín voru fólgin í því að setja ekki undir lekann með því að segja: Stærsta hestaferð síðustu alda.

[Ómar Ragnarsson, 21.2.2013 kl. 00:02]

Er því búinn að breyta þessu, því rétt skal vera rétt, 100% rétt.  En síðan er spurningin hversu áreiðanlegar heimildirnar eru um herför Genghis Khan, þetta langt aftur í tímann.

[Jón Logi (IP-tala skráð) 21.2.2013 kl. 08:03]

Ég leyfi mér að efast pínu um hrossafjölda khansins. En mörg voru þau.

Til gamans má þó bæta einu við. Í Þýskalandi nútímans eru ríflega 500.000 hross.
Þar af eru 60.000+ (ca 12%) íslensk hross ;)