Ekki lengur Time og Newsweek á standinum.

Netbyltingin hefur margvísleg áhrif, og meðal breytinga, sem hún er að leiða af sér, er að prentmiðlar fara hallloka fyrir netmiðlum.

Í áratugi hafa tímaritin Time og Newsweek verið nokkurs konar flaggskipum vandaðra bandaríska tímarita um alþjóðamál af öllu tagi, og núlifandi fólk man ekki eftir veröldinni öðruvísi en þannig að hafa Time og Newsweek vikulega og fara að þeim stað á blaðastandinum, þar sem þau er venjuelga að finna. 

En nú hefur þessi mynd, sem maður hafði talið óhagganlega breyst og maður finnur ekki lengur tímaritin sín á blaðastandinum, heldur hefur nýr siður gengið í garð, að fara á netið til að finna þau.

Þegar svo öflugir alþjóðlegir fjölmiðlarisar gefast upp á prentmarkaðnum þarf engan að undra að minni spámenn eins og Mannlíf verði að horfast í augu við nýjan veruleika.

Og helst að segja sannleikann umbúðalaust eins og Time gerði nú eftir áramótin þegar það boðaði nýjan tíma þegar haldið verður á eintaki, sem á stendur: "Þetta er síðasta eintakið af Time sem prentað verður."

Málið dautt.

Og hið fornkveðna gildir: "Skriftin er á veggnum. Mene mene tekel."

Mannlíf eingöngu á rafrænu formi

Athugasemdir

[Þorsteinn Briem, 18.3.2013 kl. 20:25]

Aldrei getur á sér setið,
ætíð karlinn fer á Netið,
allt þar vegið, einnig metið,
Ómar heitir, rétt til getið.

[Haukur Kristinsson (IP-tala skráð) 18.3.2013 kl. 21:25]

Flott, Steini Briem.

Vissi ekki að TIME (magazine) væri ekki lengur til á prenti, en um síðustu áramót var síðasta eintakið af Newsweek látið á þrykk út ganga.

Var búinn að vera áskrifandi í ein 40 ár. Um tíma var Newsweek betra en TIME, en svo fór að halla undir fæti, bestu blaðamennirnir hættu.