"Fljúgandi pensillinn".

Tveggja hreyfla sprengjuflugvélarnar Dornier Do 17 voru kallaðar "fljúgandi pensillinn" vegna sérstæðrar lögunar sinnar. Þær voru ein af þremur tegundum sprengjuflugvéla, sem Þjóðverjar notuðu mest í Seinni heimsstyrjöldinni, en hinar voru Junkers Ju-88 og Heinkel He 111.

Junkers Ju-88 þóttu best heppnaðar af þessum flugvélum og lang fjölhæfastar. 

Claudius Dornier, hönnuður Do 17 átti misjafna ævi. Hann byrjaði sem hönnuður Zeppelin loftskipa, sem vörpuðu sprengjum á London í fyrri heimsstyrjöldinni og var illa þokkaður fyrst eftir stríðið á Vesturlöndum. 

Síðan reis hann á ný til metorða í Þriðja ríki Hitlers og hannaði Do 17, meðal annars til að varpa sprengjunm á London. 

Eftir stríðið flúði hann á náðir Frankós á Spáni og hannaði þar eins hreyfils herflugvélina CASA 27 eða Dornier Do 27, var með bandarískum hreyfli og bar sex menn, ætluð til nota á stuttum og ófullkomnum lendingarstöðum. 

Dornier komst aftur í náðina þegar Vestur-Þýskaland gekk í NATÓ 1955 og fyrsta flugvélin sem Þjóðverjar pöntuðu var Dornier Do 27, en alls voru framleidd rúlega 700 stykki af henni. 

Á árunum 1987-1991 bar slík flugvél einkennisstafina TF-FRÚ hér á landi, en tvær aðrar flugvélar af þessari gerð voru fluttar til landsins. 

Dornier og hans menn sýndu snilld í hönnun vængja eins og 19 manna flugvélin Do 228 ber með sér og það var hreint ævintýri að fljúga Do 27 á sínum tíma.

Meira en 2100 Dornier Do 17 voru framleiddar og nokkuð merkilegt ef sú, sem hefur fundist á hafsbotni við Bretland er sú eina, sem hægt verður að gera upp.  

Bjarga einstakri þýskri herflugvél

Athugasemdir

[Jón Logi (IP-tala skráð) 5.5.2013 kl. 13:04]

Fljúgandi blýantinn kölluðu Bretar hana. Muni ég rétt var hún hraðfleygari en He-111, en ekki eins dugleg og Ju-88. Og hún bar minna en þær.
Ve

[Jón Logi (IP-tala skráð) 5.5.2013 kl. 13:16]

Hana....tók tölvan eitthvert æðiskast. Áfram þó.

Vel skil ég söknuð blogghöfundar gagnvart Dornier FRÚnni, enda aldeilis æðisleg græja. 2 slíkar til á landinu, en annað fátækt, - það voru aldeilis flottar skrúfuvélar frá Dornier, en ég held að engin sé eftir. Þá eru bara eftir smáþoturnar þeirra.
Vænghönnunin á þeim var einsdæmi.