Íslands þúsund ár

7.5.2013 | 00:26

"Grafningsstjórnin"?

Nú hefur verið upplýst að stjórnarmyndunarviðræðurnar fari fram í landi Ölvesvatns í Grafningi og hefur alls konar heitum verið varpað upp í stíl við það þegar Viðeyjarstjórnin fékk nafn eftir staðnum, þar sem stjórnarmyndunarviðræðurnar fóru fram, og Þingvallastjórnin, sem var mynduð á Þingvöllum.

"Ölvesvatnsstjórnin" er greinilega bæði langt og óþjált heiti og líka "Þingvallavatnsstjórnin."

"Grafninsstjórnin" er þjálla og skárra en sumt annað samanber þessa vísu, sem ég skaut fram á hagyrðingamóti í Kópavogi í kvöld:

Að nefna stjórnina´er vandaverk,

svo verði´hennar staða góð og sterk.

Að gefa´henni nafnið Grafningssstjórn

mér gest betur að en Vafningsstjórn.

	Ræða einföldun á skattkerfinu
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Kallar tveir sér gröf þar grafa,
grunnt er vitið sem þeir hafa,
af fátækum þar skálkar skafa,
skildinginn af ömmu og afa.

Þorsteinn Briem, 7.5.2013 kl. 00:49

VÖFLUSTJÓRNIN

Halla Rut , 7.5.2013 kl. 01:14

Já svo eru 2 F í vaffla er það ekki :)

Halla Rut , 7.5.2013 kl. 01:22

Krónustjórnin!

Sverrir (IP-tala skráð) 7.5.2013 kl. 01:22

Að færa matmanni vöfflur með rjóma er eins og að færa alka 12 ára Dimple vískí. Hann liggur óvígur eftir. Enda var bara talað við BB á Ruv í gær, þannig að einhverjar vöflur eru á Sigmundi. Þetta er næstum eins útsmogið og þegar Þórður heitinn í Haga koma "meðalinu" Jägermeister ofan í stakan bindindismann og altmuligmann, en honum reynar stórskánaði reyndar um hríð...

Ps. Þar mep er eina f-ið þitt orðið gott og gilt Halla Rut :)

Hrúturinn (IP-tala skráð) 7.5.2013 kl. 10:16

Bjarni hundrað bryður töflur,
bakar dísin þúsund vöfflur,
á Sigmund koma sífellt vöflur,
sveittur kom með fýlutöfflur.

Þorsteinn Briem, 7.5.2013 kl. 11:26

Hví þessi þörf að gefa ríkisstjórn nafn?

H.T. Bjarnason (IP-tala skráð) 7.5.2013 kl. 11:26

Viðurnefni íslenskra ríkisstjórna

Þorsteinn Briem, 7.5.2013 kl. 12:00

Þessi listi frá Wikipedia er áhugaverður. Ég tel mig hafa fylgst nokkurn veginn vel með íslenskum stjórnmálum allar götur síðan 1976 og er með BA gráðu í stjórnmálafræði, en það eru sum nöfn á listanum sem ég er að sjá í fyrsta sinn. T.d. Borgarastjórn I, II og III, Hágengisstjórnin, Samstjórn lýðræðissinna, Kóka-Kóla stjórnin (hver í fjáranum kom með þetta nafn), Stjórnin sem sprakk í beinni, og Einkavæðingastjórnin. Gaman væri að vita hver kom með þessi ónefni.

H.T. Bjarnason (IP-tala skráð) 7.5.2013 kl. 12:24

"Ráðuneyti Björns Þórðarsonar (stundum kallað Kóka kóla-stjórnin) sat frá 16. desember 1942 til 21. október 1944.

Við skipun ríkisstjórnarinnar var brotið blað í íslenskri stjórnmálasögu, þar sem enginn ráðherranna sem skipaðir voru átti sæti á Alþingi, stjórnin var eina utanþingsstjórn Íslands.

Viðurnefnið fékk ríkisstjórnin vegna þess að tveir ráðherrar stjórnarinnar, Björn Ólafsson, síðar alþingismaður og ráðherra fyrir Sjálfstæðisflokkinn, og Vilhjálmur Þór bankastjóri, voru hluthafar í Vífilfelli, sem fékk einkaleyfi til innflutnings á gosdrykknum Coca-Cola."

Fræg mynd birtist í Speglinum þar sem barn spurði föður sinn hvor ráðherranna væri Kóka og hvor Kóla.

Vilhjálmur Þór varð árið 1946 forstjóri Sambands íslenskra samvinnufélaga (SÍS).

Björn Þórðarson var "hógvær vinstri maður, trúr guði sínum, konungi og þjóð".

Hann lagði stund á laganám við Kaupmannahafnarháskóla á sama tíma og Einar Arnórsson og Sveinn Björnsson, síðar ríkisstjóri íslands, sem skipaði utanþingsstjórnina.

Björn Þórðarson bauð sig fram fyrir Framsóknarflokkinn í Borgarfjarðarsýslu árið 1927.

Langafi minn, Ólafur Briem, fyrsti formaður Framsóknarflokksins og formaður SÍS, var tengdafaðir Björns Þórðarsonar og sonur hans var Þórður Björnsson ríkissaksóknari.