"Loforðastjórnin".

 

 l 

Loforðastjórnin læðist nær og nær,  

þótt loforðaflaumurinn hljóðni brátt fjær og fjær.

Á silfurskeiðum í sumarhúsunum nú

sindrar á ártalið 2003.

l                                                                                                                                                                                                                                                                                                                                              Að nýju er runnið upp þetta sæla ár,

                    þegar áltrúarmennirnir keyra úr sporum sinn klár

                    og hver einustu hjón, þau ákalla Guð bæði tvö:

                    Ó, gefðu okkur aftur 2007 !   

l 

Og oddvitana nú biður fólk þrútið og þyrst  

að þrjú hundruð milljarðana þeir borgi sem fyrst,

því takist það ekki, mjög trist væri´ að lenda í því,

að 2008 , það rynni´upp á ný.

I

                   Loforðastjórnin, hún læðist nær og nær

                   og lyklana´að stjórnarráðinu bráðum hún fær

                   úr hendi Jóhönnu, - titrandi´hún tregar þá, 

                   að tími hennar, sem kom, hann er liðinn hjá .  

                  

                    

                   

                  

Formenn funda áfram í dag

Athugasemdir

[Haraldur Haraldsson, 14.5.2013 kl. 01:19]

Umkverfisverndarsinnar á hverju lifið þið,ekki umkverfinu eða hvað?????

[Theódór Norðkvist, 14.5.2013 kl. 01:30]

Get ekki talað fyrir Ómar, en mér hefur ekki tekist að finna mat sem kemur ekki úr umhverfinu. Hef þó leitað vel og lengi.

[Ómar Ragnarsson, 14.5.2013 kl. 01:32]

Jú, við lifum til dæmis vel á umhverfinu við Geysi og Gullfoss, á hraðvaxandi ferðamannastraumi fólks, sem kemur til landsins til að njóta einstæðrar og heimsfrægrar óspilltrar náttúru.

Nú vinnur rúmlega 1% vinnuaflsins í álverunum og alls um 2% vinnuaflsins samtals í þeim og störfum tengdum þeim, en við umhverfisverndarsinnarnir treystum á hin 98 prósentin sem lifa á "einhverju öðru."

[Sigurgeir Jónsson, 14.5.2013 kl. 02:39]

Það er misskilningur í þessu. Ef gjaldfallnir eru 300 milljaraða vegna þess að einhver getur ekki borgað þá, þá er það staðreynd.Ef hægt er að ná í  þrjú hundruð milljarða þá fara þeir að sjálfsögðu beint upp í Íbúðalánasjóð til að dekka tapið.Að sjálfsögðu eigum við að halda áfram að virkja.0g halda áfram að sína öðrum þjóðum að við kunnum að nýta auðlindir sem ekki auka hita í andrumslofti jarðar. 

[Sigurgeir Jónsson, 14.5.2013 kl. 02:46]

En þetta er frábært, sumargleðin er komin aftur.

[Þorsteinn Briem, 14.5.2013 kl. 02:49]

"19. nóvember 2008:

Stjórn Alþjóðagjaldeyrissjóðsins samþykkti fyrir stundu á fundi sínum beiðni Íslendinga um 2,1 milljarða Bandaríkjadollara lán.

Íslenskt efnahagslíf þarf á fimm milljörðum dollara að halda, að mati ríkisstjórnarinnar.

Sú upphæð jafngildir um 700 milljörðum króna, miðað við Seðlabankagengi."

[Þorsteinn Briem, 14.5.2013 kl. 02:56]

Jamm, íslensku orkufyrirtækin "græða á tá og fingri" og þurfa að sjálfsögðu ekki að taka gríðarleg lán erlendis til að fjármagna frekari framkvæmdir.

Hvað þá að greiða af þessum lánum afborganir og vexti.

22.3.2013:

Orkuveita Reykjavíkur tapaði 2,3 milljörðum króna árið 2012

23.3.2011:

"Landsvirkjun og Evrópski fjárfestingarbankinn (EIB) skrifuðu í dag, 23. mars, undir nýjan lánasamning að fjárhæð 70 milljónir evra, jafnvirði 11,3 milljarða króna.

Lokagjalddagi lánsins er á árinu 2031 og ber lánið millibankavexti, auk hagstæðs álags.

Í lánasamningnum er ákvæði um lágmarks lánshæfiseinkunn ríkissjóðs.

Lánið er mikilvægur áfangi í fjármögnun Búðarhálsvirkjunar en Landsvirkjun undirritaði sambærilegt lán frá Norræna fjárfestingarbankanum þann 16. mars síðastliðinn að fjárhæð 70 milljónir Bandaríkjadollara [um níu milljarðar króna].

28.10.2012:

"Álverið [í Straumsvík] mun nota 75 megavött af þeim 95 sem Búðarhálsvirkjun skilar á fullum afköstum."

Álverið í Straumsvík mun fá raforku frá Búðarhálsvirkjun

[Sigurgeir Jónsson, 14.5.2013 kl. 03:04]

Eins og útlitið er í dag þá er íslensk króna sterkari gjaldmiðill en evra.Þótt furðu legt sé.

[Sigurgeir Jónsson, 14.5.2013 kl. 03:14]

Aðsjálfsögðu er raungengi evru byggt á misvægi inn og útflutnings sumra ESB ríkja. Það eru bara norður-evrópsku ríkin sem síns jákvæðan viðskiptajöfnuð gagnavart ríkjum utan ESB.Það getur ekki þýtt neitt annað en fall evrunnar.

[Sigurgeir Jónsson, 14.5.2013 kl. 03:17]

Þau lán sem Ísland er með í evrum minka þar af leiðaandi í verðgildi á næstu árum .Höldum áfram að virkja.

[Helga Kristjánsdóttir, 14.5.2013 kl. 03:22]

Því vilja menn ekki virkja?

vatnsins ofurkrafta

íslenzkar stoðir styrkja

Skil ei þá stefnu hafta.

[Sigurgeir Jónsson, 14.5.2013 kl. 03:34]

Fyrst tapar fólk stríði.Svo vinnur fólk sig upp í að geta lifað þokkalegu lífi.Og svo þarf það að þræla fyri aðra.

[Sigurgeir Jónsson, 14.5.2013 kl. 03:35]

Er nema von að fólk í Þyskalandi sé hugsi.

[Þorsteinn Briem, 14.5.2013 kl. 04:16]

Í Sigmund reiknar Bjarni barn,
borgar það með láni,
báðir eiga skít og skarn,
og skeið sem fékkst í ráni.

[Þorsteinn Briem, 14.5.2013 kl. 05:43]

Gengi evru gagnvart íslensku krónunni hefur hækkað frá sama tíma fyrir fimm árum um 27,38%.

Og hér á Íslandi hafa frá árinu 2008 verið gjaldeyrishöft.

Króatía fær aðild að Evrópusambandinu 1. júlí næstkomandi.

Eistland tók upp evru árið 2011, Lettland tekur upp evru um næstu áramót og Litháen ætlar að taka upp evru ári síðar.

Og Ísland á mest viðskipti við Evrópusambandsríkin eins og Noregur og Sviss, sem eru með sterka gjaldmiðla og litla verðbólgu.

Ísland hefur hins vegar verið með veikan gjaldmiðil og mikla verðbólgu.

Og frá sama tíma fyrir fimm árum hefur vísitala neysluverðs hækkað hér á Íslandi um 41,4%.

4.3.2013:

Seðlabankastjóri Lettlands segir Letta nú uppfylla Maastricht-skilyrðin um verðstöðugleika, vaxtamun, stöðugleika í gengismálum, afkomu hins opinbera og skuldir þess.

Og forsætisráðherra Lettlands segir að með því að taka þar upp evru verði vextir lægri, enginn kostnaður við gjaldeyrisviðskipti og erlendar fjárfestingar vænlegri.

En þeir eru að sjálfsögðu vitleysingar.

[Sigurgeir Jónsson, 14.5.2013 kl. 05:49]

Umhverisöfgafólk  í EvrÓpu stendur saman  ásam gamalkunnum slagorðum "Jajnaðarmenn stöndum saman" Í forystu fyrir þessum fénaði fer Eva nokkur Joly.Hún er núna í forystu fólks í Evrópu sem krefst þess að verslunareigendur í Frakklandi og Þýskalandi hætti að selja íslanskan fiski. Ástaæðan,jú íslanskan grásleppa er ekki í kvóta.Og nú fer þessi"íslandsvinur"hamförum af því að íslendingar ætla að halda áfram að veiða hvali.Þess má geta að Bretar líta á hana sem persónu non grata.

[Þorsteinn Briem, 14.5.2013 kl. 05:59]

Sigurgeir Jónsson segist hafa kosið Vinstri græna í alþingiskosningunum fyrir fjórum árum.

Hann er hins vegar útgerðarmaður sem græðir á skít og skarni, íslensku krónunni.

[Sigurgeir Jónsson, 14.5.2013 kl. 05:59]

hún verður sjálfasagt í silfri egils á morgun, þótt fyri liggi að breska lögreglan vilji ekki sjá hana og hafi aldrei vijað.

[Þorsteinn Briem, 14.5.2013 kl. 06:06]

Eva Joly er fyrrverandi dómari og hvatti til þess í Silfri Egils að íslenskir glæpamenn yrðu rannsakaðir og dregnir fyrir dóm.

[Sigurgeir Jónsson, 14.5.2013 kl. 06:12]

Ef hún lætur sjá sig  á Oxford street þá varðaur litið á hana eins og hvern annan hund.

[Þorsteinn Briem, 14.5.2013 kl. 06:18]

Hundar eru í miklu uppáhaldi hjá Bretum, Sigurgeir Jónsson.

[Sigurgeir Jónsson, 14.5.2013 kl. 06:32]

Að sjálfsögðu.Þetta elsta lýðræðisrí heims virðir hunda.

[Sigurgeir Jónsson, 14.5.2013 kl. 07:00]

Stefna ESB er smátt og smátt að þrósast í þá átt að þau ríki sem eru utan sambandsins skulu beitt kúgun .Rússland verður fyrir þessu Rússland er í Erópu.Angela Merkel fer annað slagið til Rússlands til að láta þá vita af þessu.Hún fer ekki þangað til að bjóða Rússa velkomna ÉSB.Nei hún fer þangað sem fulltrúi stórveldisins ESB.Ríki sem eru ekki innan ESB í Evrópu eru látin finna það alla daga.

[Sigurgeir Jónsson, 14.5.2013 kl. 07:11]

Að sjálfsögðu geta Rússar ekkert gert annað búið  um sg .Þeir eru ekki evrópuþjoð að ályti ESB.Hótanir kúgunatilburðir og fleira,og fégjafir sem dynur nú á íslendingum frá þessum ósakapnaði ESB, eiga að vera sýnilegir flestu fólki.Bretar eru farnir að sjá í gegnum þvæluna.

[Haukur Kristinsson (IP-tala skráð) 14.5.2013 kl. 08:10]

13 bull ummæli frá þessum Sigurgeiri.

Er ekki nóg komið?

[Guðjón Sigþór Jensson, 14.5.2013 kl. 11:00]

Þegar álbræðslan á Reyðarfirði var í deiglunni þá var rætt um að hvert starf þar kostaði 430 milljónir!

Ruðningsáhrifin létu ekki standa á sér: Stærsta gróðrarstöð landsins, Barri, val flæmd út í óvinnuna og varð gjaldþrota. Nú er verið að endurreisa þessa stöð sem talið er að kosti 20-25 milljónir. Fyrir hvert starf í álbræðslunni væri unnt að endurreisa Barra 20 sinnum!

Haraldur lýsir áhyggjum sínum á okkur náttúruverndafólki og því að ekki sé unnt að byggja upp athafnalíf á öðru en áldýrkuninni.

Við hefðum getað byggt upp mikið skóglendi hér á landi hefðu úrtöluraddirnar um skógrækt ekki haft þau áhrif sem þau hafa í meira en hálfa öld. Skotar hafa náð að þekja um 20% af yfirborði lands í Skotlandi en þeir sátu uppi með sama vandamál og við Íslendingar fyrir 100 árum: Í báðum þessum löndum þakti skógur einungis 1%. Okkur hefur tekist að bæta tæplega hálfu prósenti við eða um 40.000 hektara (0.4%) á heilli öld meðan Skotar hafa núna nálægt 20% lands skógi klætt. Skógurinn er gríðarlega vanmetin atvinnugrein sem við Íslendingar ættum að gefa betur gaum að.

Álbræðsluvinna getur varla verið holl hvorki til sálar né líkama. Það getur skógrækt pog vinna kringum hana hinsvegar.

Góðar stundir!

[Stefán Örn valdimarsson (IP-tala skráð) 14.5.2013 kl. 11:25]

Það er sérstakt rannsóknarefni hversu svokallaðir umhverfisverndarsinnar á Íslandi eru uppteknir af áli. Líkja má þessu við atvinnuvega rasisma. Í dag er ferðaþjónusta án nokkurs vafa mun meiri ógnun við íslenskt umhverfi en áliðnaður sem hefur afar takmörkuð neikvæð áhrif á umhverfið og í raun jákvæð áhrif í glóbal samhengi. Þá hefur Guðjón uppi háleit orð um skógrækt. Samkvænt skilgreiningu er umhverfisspjöll varanleg breyting á náttúrulegu umhverfi. Stórfelld ræktun sem hefur átt sér stað á barrskógum á Íslandi er stórfelld breyting á náttúrulegu umhverfi. Það er sárara en tárum taki að sjá að fallegu íslensku mólendi og lyngi og kjarvöxnum brekkum hafi verið breytt í barrskóga. Það er umhverfisslys.

[Þorsteinn Briem, 14.5.2013 kl. 12:51]

Álið í flugvélunum er ekki íslenskt. Hér á Íslandi er framleitt ál í erlendum álverum.

Raforkan sem þessi álver nota er hins vegar íslensk og til að framleiða hana þurfa íslensk fyrirtæki að taka gríðarlega há lán erlendis, greiða af þeim afborganir og vexti.

Orkuveita Reykjavíkur og HS Orka voru rekin með tapi árið 2011.

Landsvirkjun er í eigu íslenska ríkisins og Sjálfstæðisflokkurinn heimtar sífellt mikil ríkisafskipti af atvinnulífinu og gríðarlega há erlend lán til að búa til störf sem eru margfalt dýrari og meira en tvöfalt færri en í ferðaþjónustunni.

Það er nú allt "frelsið" sem flokkurinn boðar.

Fyrirtæki í ferðaþjónustunni hér eru hins vegar einkafyrirtæki.

[Þorsteinn Briem, 14.5.2013 kl. 12:56]

Ísland er eitt strjálbýlasta land í heimi.

Hér á Íslandi eru þrír íbúar á hvern ferkílómetra og hingað til Íslands kemur nú um hálf milljón erlendra ferðamanna á ári.

Miðað við að hver erlendur ferðamaður dveljist hér á Íslandi í eina viku eru hér að meðaltali um tíu þúsund erlendir ferðamenn á degi hverjum allt árið á öllu landinu.

Um níu af hverjum tíu Íslendingum ferðuðust innanlands árið 2009 og gistu þá að meðaltali tvær vikur á þessum ferðalögum.

Að meðaltali voru því um ellefu þúsund Íslendingar á ferðalögum innanlands á degi hverjum árið 2009.

Að meðaltali voru því FLEIRI ÍSLENDINGAR á ferðalögum hérlendis en erlendir ferðamenn á degi hverjum árið 2009.

Þeir sem ekki eru á ferðalögum utan síns heimabæjar ferðast þar flestir nær daglega til og frá skóla og vinnu. Og fólk er yfirleitt ekki á ferðalögum utan síns heimabæjar nema nokkrar vikur á ári.

Langflestir menga því mun meira í sínum heimabæ en utan hans, hvort sem þeir búa hérlendis eða erlendis.

Í hverri rútu og flugvél eru yfirleitt fjölmargir farþegar en í hverjum einkabíl á höfuðborgarsvæðinu hér á Íslandi er eingöngu bílstjórinn í fjölmörgum tilfellum.

Ef erlendir ferðamenn kæmu ekki hingað til Íslands myndu þeir ferðast til annarra landa og menga álíka mikið í þeim ferðum.

Og innan við 1% af flugvélaflota Evrópu flýgur með farþega sem hér dvelja.

[Þorsteinn Briem, 14.5.2013 kl. 13:09]

Um 3,4 milljónir manna heimsóttu Yellowstone-þjóðgarðinn í Bandaríkjunum árið 2011 en garðurinn var stofnaður árið 1872 og ég veit ekki betur en að hann sé í góðu lagi.

Yellowstone National Park

[Ómar Ragnarsson, 14.5.2013 kl. 14:34]

Í bragnum hér að ofan er enginn dómur lagður á áliðnaðinn né þá sem á hann trúa og vilja þeysa af stað með ekki minni orkuöflun en 2003. Merkilegt hvað það eitt að nefna þetta getur valdið miklu fjaðrafoki.  

[Anna Sigríður Guðmundsdóttir (IP-tala skráð) 15.5.2013 kl. 10:06]

Ómar. Það er raunveruleikinn sem skiptir öllu máli, en ekki skoðanir ó-raunveruleikatengdra stjórnmála-klíku. Nú er vatnsskorts-Kárahnjúka-slysið staðreynd.

Kosningaloforð Framsóknarflokksins eru í samræmi við réttmætar kröfur almennings.

Sumir hræðast greinilega að kosningaloforð Framsóknar og réttlæti almennings fái brautargengi, með þeim áróðri að almenningur sé svo vitlaus að ætlast til réttlætis! Sumir voga sér að kalla það fáránlega kröfu um 2007 aftur, að krefjast kosningaloforða um réttlæti!

Hvað græddu sviknir borgarar á bólubullinu 2007? Svar: Ekkert!

Hverjir beita svona blekkingum gegn réttindum almennings? Svar: Stórmálaelítu-svikafjölmiðlarnir og banka/lífeyrissjóða-ræningjarnir! (og þeirra 2007-meðhjálparar).

Hagyrðingar eru ekki góðir, ef þeir segja ekki réttlátan sannleikann í sínum skáldskap.

Bólu Hjálmar:

Það er dauði og djöfuls nauð,

er dyggðum snauðir fantar,

safna auð með augun rauð,

en aðra brauðið vantar.

Þeir eru ekki skárri en fantarnir, sem þiggja laun fyrir að aðstoða dyggðum snauðu fantana!

M.b.kv.

[Guðjón Sigþór Jensson, 15.5.2013 kl. 20:16]

Þessi vísa er réttilega eftir Sigurð Breiðfjörð en ekki Bólu-Hálmar sem oft hefur verið eignuð vísan. Ekki get eg sé samhengið við hvað Anna á við nema hún sé að benda á að braskaranir sem nú eru að reyna að klampra saman nýrri ríkisstjórn, séu þeir sem vilja stjórna nýrri auðsöfnun á kostnað okkar sem minna mega okkar.

Þess má geta að Sjálfstæðisflokkurinn jók skattálögur um 13% á þann hóp Íslendinga sem minnst bera úr býtum. Um þetta má lesa í skýrslu Ríkisskattstjóra sem reynt hefur verið að þaga í hel.

Góðar stundir en án braskara og blekkingarmeistara íhaldsins.

[Guðjón Sigþór Jensson, 15.5.2013 kl. 20:25]

Um skattastefnu ríkisstjórnar Sjálfstæðisflokksins á árunum 1995-2007 má lesa:

Skýrslan „Íslenska skattkerfið: Samkeppnishæfni og skilvirkni" var skilað til Árna Mathiesen fjármálaráðherra og ráðherra Sjálfstæðisflokksins þann 11. september 2008 eða tæpum mánuði fyrir hrun.  Í nefndinni voru: Friðrik Már Baldursson formaður, Indriði H. Þorláksson fyrrum ríkisskattstjóri, Maríanna Jónasdóttir tilnefnd af  fjármálaráðherra, Vilhjálmur Egilsson  frá SA, Ólafur Darri Andrason hagfræðingur ASÍ, Ragnar Ingimundarson hagfræðingur  BSRB, Tanya Zharov, Tryggvi Þór Herbertsson nú þingmaður Sjálfstæðisflokksins, Þorlákur Björnsson og Sveinn Agnarson ritari.

Ekki var haldinn blaðamannafundur né efni skýrslunnar kynnt almenningi svo ég viti. Undirrituðum  tókst með herkjum að finna skýrsluna á vef fjármálaráðuneytisins og koma henni á vef  BSRB þar sem hana nálgast.

Á blaðsíðu 90 í skýrslunni er tafla sem segir allt sem segja þarf um þróun skattbyrði hjá hjónum og sambúðarfólki en allan þann tíma var Sjálfstæðisflokkurinn við völd og Framsóknarflokkurinn lengst af. Í aftasta dálki töflunnar kemur fram hver  breyting á skattbyrði heildartekna eftir tekjubilum hefur verið.  Þannig jókst skattbyrði lægstu tekjuhópanna um 10 til 13,5% á þessum tíma en þáverandi stjórnvöld fullyrtu að þeir hefðu samt lækkað. Þessi aukna skattbyrði var vegna þess að skattleysismörk lækkuðu að raungildi þessi ár svo almenningur var að borga skatta af stærri hluta tekna sinna en áður (skattprósentan hefði þurft að lækka mun meira til að þeir stæðu í stað með skattbyrði).  Skattbyrðin jókst síðan verulega á alla aðra tekjuhópa allt til tekjuhæstu tíundarinnar en þar kom lækkun og lækkaði skattbyrðin mest hjá þeim tekjuhæstu - 5% þegnanna eða lækkuðu um heil 15,1% á þessu tímabili. Þar hafði afnám hátekjuskattsins mikið að segja; auk þess sem auknar fjármagnstekjur vógu þar mjög hátt og voru skattlagðar lægra en launatekjur almennings. Lækkuð skattprósenta hafði líka mest að segja fyrir þá tekjuhæstu.

Heimild: http://ogmundur.is/frjalsir-pennar/nr/6681/

[Anna Sigríður Guðmundsdóttir, 16.5.2013 kl. 02:08]

Guðjón. Ég biðst afsökunar á að eigna Bólu Hjálmari þessa vísu Sigurðar Breiðfjörðs. Þetta er ekki í fyrsta skipti sem ég eigna honum þessa vísu og hef verið leiðrétt.

Lífskjör og samfélags-meðferð á Bólu Hjálmari (og reyndar svo mörgum öðrum) var álíka slæm, eins og sterk lýsing þessarar vísu segir svo skýrt og hnitmiðað.

Ég er að vísa í alla stjórnmála-samspillingar-elítuna, þegar ég bendi á þessa vísu. Því miður leyfðu hin svokölluðu vinstri-öfl sér að apa allt upp eftir samspillingarvinunum í fyrri ríkisstjórnum. Það er haldlaust að verja "Vinstri/Hægri" eitthvað, þegar enginn munur er á spillingar-forgangsröðun þessarar eilífðar-samvinnu-svikahreyfingu.

Þess vegna verðum við að treysta á fólkið í flokkunum, umfram flokkseigendurna. Og standa með þeim sem vilja standa með heildar-hagsmunum almennings og kosningaloforðunum.

M.b.kv.

[Guðjón Sigþór Jensson, 19.5.2013 kl. 12:57]

Ekkert að afsaka Anna Sigríður, öllum getur orðið á í messunni.

Vinstri stjórnin var nánast bundin í báða skó þegar Alþjóða gjaldeyrissjóðurinn lagði fyrir okkur lífsreglurnar.

Um skattamálin er ágætt yfirlit á heimasíðu Stefáns Ólafssonar prófessors:

https://notendur.hi.is/~olafsson/skattar-og-kjor.pps