Íslands þúsund ár

15.6.2013 | 00:18

Álverið "sökudólgurinn", alveg eins og á Bakka.

Enn hanga menn á álverinu í Helguvík í stað þess að læra af því sem gerðist varðandi álverið á Bakka.

Reynt er að leita að "sökudólgi" eins og þegar sagt er að Svandís Svavarsdóttir sé hann, af því að virkjanir í Neðri-Þjórsá fóru í bið.

Og "sökin" er sú en að hafa tafið þetta fráleita álver, sem þarf alls 625 megavött þannig að virkjanir í Neðri-Þjórsá útvega ekki nema helming þeirrar orku.

Reynt er að fela þessa staðreynd með því að tala um mun minna álver, sem Neðri-Þjórsá dugar samt ekki fyrir.

En fyrir liggja yfirlýsingar talsmanna bæði Alcoa og Norðuráls varðandi það að lágmarksstærð verði að vera 360 - 460 þúsund tonn ef þessi álver eigi að gefa nóga aðrsemi.

Og samt var það lokapunktur á meira en fjögurra klukkustunda afmælisráðstefnu ORÍS um daginn að við seldum orkuna langt undir kostnaðarverði.

Bæði orkumálastjóri og forstjóri Landsvirkjunar hafa lýst því yfir undanfarin ár að álverastefnan sé kolröng og um leið og Bakka var sleppt úr gíslingu fóru hjólin að snúast þar.

Af hverju vilja menn ekki læra af því?

	Allt gert í sátt við náttúru
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 00:19 | Facebook

Athugasemdir

10.4.2013:

HS Orka hf. - Sautján atriði sem hafa tafið framkvæmdir við álver í Helguvík

22.3.2013:

Orkuveita Reykjavíkur tapaði 2,3 milljörðum króna árið 2012

Kort af Suðvesturlínum - Landsnet - Áætlaður kostnaður á fjögurra ára framkvæmdatíma 22 milljarðar króna í ágúst 2008 en þrjátíu milljarðar króna á núvirði

Þorsteinn Briem, 15.6.2013 kl. 01:13

10.5.2013:

Skipulagsstofnun: Kísilver í Helguvík þarf 130 MW þegar það er komið í fulla stærð, sjá bls. 4

Norðurál: "Álver í Helguvík þarf 625 MW þegar það er komið í fulla stærð."

Álver í Helguvík þarf því um fimm sinnum meiri raforku en kísilver á sama stað.

Og samtals þurfa álverið og kísilverið 755 MW.

Þorsteinn Briem, 15.6.2013 kl. 01:15

Háhitasvæði á Reykjanesskaga:

Eldvörp 50 MW,
Sveifluháls 50 MW,
Gráuhnúkar 45 MW,
Hverahlíð 90 MW,
Meitillinn 45 MW,
Sandfell 50 MW,
Reykjanes 50 MW,
Stóra-Sandvík 50 MW.

Samtals 430 MW.

Og engan veginn víst að hægt verði að fullnýta allar þessar átta virkjanir, enda þótt þær hafi verið samþykktar á Alþingi.

Hvað þá að álver í Helguvík geti fengið raforku frá þeim mjög fljótlega.

Þorsteinn Briem, 15.6.2013 kl. 01:21

"....að við seldum orkuna langt undir kostnaðarverði."

Þetta er náttúrulega rakalaust bull, eins og fyrri daginn. Það er sjálfsagt mál að gagnrýna orkuverð og það á náttúrulega alltaf að gera það og taka til endurskoðunar reglulega, en svona rök halda engu vatni og eru til þess fallin að engin nennir að hlusta á náttúruverndarfólk.

Nýlega kom fram hjá forstj. LV að innan fárra ára muni LV skila hagnaði upp á um 100 miljarða á ári, miðað við núverandi orkuöflun og sölusamninga. Enn er fjármagnskostnaður þó of mikill til að sjá slíkar hagnaðartölur, en hratt gengur að borga lánin niður, eins og forstjórinn bendir á.

Fólk sem sér ekkert nema neikvætt við álframleiðslu á Íslandi, er stútfullt af ranghugmyndum um málið og það byggir afstöðu sína á ranghugmyndunum.

Fólk heldur því jafnvel fram að álverin borgi ekki skatta. Staðreyndin er sú að álfyrirtækin borguðu skatta sína fyrirfram (5 ár minnir mig) þegar alþjóðlega bankakrísan skall á landinu með hrikalegum afleiðingum.

Gunnar Th. Gunnarsson, 15.6.2013 kl. 03:28

23.3.2011:

"Landsvirkjun og Evrópski fjárfestingarbankinn (EIB) skrifuðu í dag, 23. mars, undir nýjan lánasamning að fjárhæð 70 milljónir evra, jafnvirði 11,3 milljarða króna.

Lokagjalddagi lánsins er á árinu 2031 og ber lánið millibankavexti, auk hagstæðs álags.

Í lánasamningnum er ákvæði um lágmarks lánshæfiseinkunn ríkissjóðs.

Lánið er mikilvægur áfangi í fjármögnun Búðarhálsvirkjunar en Landsvirkjun undirritaði sambærilegt lán frá Norræna fjárfestingarbankanum þann 16. mars síðastliðinn að fjárhæð 70 milljónir Bandaríkjadollara [um níu milljarðar króna].

Þorsteinn Briem, 15.6.2013 kl. 03:36

Langtímaskuldir Landsvirkjunar í árslok 2008 voru um þrír milljarðar Bandaríkjadala, um 370 milljarðar króna, andvirði þriggja Kárahnjúkavirkjana.

Vaxtagjöld Landsvirkjunar árið 2008 voru 178 milljónir Bandaríkjadala, um 22 milljarðar króna.

Og árið 2008 tapaði Landsvirkjun 345 milljónum Bandaríkjadala, um 43 milljörðum króna.

Þorsteinn Briem, 15.6.2013 kl. 03:40

Nettóskuldir Landsvirkjunar voru um síðastliðin áramót 309,4 milljarðar króna, samkvæmt ársreikningi Landsvirkjunar fyrir árið 2012, andvirði tveggja Kárahnjúkavirkjana.

Rekstrartekjur Landsvirkjunar voru 6,5% minni árið 2012 en 2011, "sem að hluta má rekja til lækkandi álverðs," segir Hörður Arnarson, forstjóri Landsvirkjunar.

Heildarkostnaður við Kárahnjúkavirkjun verður vart undir 146 milljörðum króna, samkvæmt upplýsingum sem Landsvirkjun sendi frá sér í janúar 2008.

Þorsteinn Briem, 15.6.2013 kl. 04:12

20.5.2013:

Aluminium Price Analysis and Forecast 2013

Þorsteinn Briem, 15.6.2013 kl. 04:59

Það er til einföld náttúruvæn lausn á þessu máli...

Við hliðina á álverinu í Helguvík, eða jafnvel undir því, reisum við lítið (t.d. 500MW) kjarnorkuver sem selur Norðuráli orku fyrir álverið. Kostirnir geta verið margvíslegir:

Ekki þarf að virkja á hefðbundinn hátt fyrir álverið, hvorki jarðvarma né vatnsafl.

Engar háspennulínur og því engin sjónmengun af þeim.

Enginn flutningskostnaður á raforku, og því fáum við meira í vasann, því auðvitað mun Landsvirkjun eiga orkuverið. Landsnet fær ekkert í sinn hlut, enda þurfa þeir ekkert að gera.

Engin sjónmengun af orkuverinu, því það getur verið tiltölulega lágreist bygging, að hluta eða öllu leyti neðanjarðar. Það yrði í öllu falli mun fyrirferðarminni bygging en álverið.

Engin sjónmengun af gufu því engir kæliturnar verða notaðir, heldur sjókæling eins og við Reykjanesvirkjun.

Sem sagt, ódýr orka frá nánast ósýnilegu orkuveri og engar háspennulínur.

Allir yrðu hæstánægðir, Landvernd, Náttúruverndarsamtök Íslands, o.fl. Er það ekki nokkuð ljóst?

Svo má auðvitað minna á að samkvæmt upprunavottorðum raforku á Íslandi er nú þegar 16% raforkunnar framleidd með kjarnorku, og er þá ekki átt við kjarnorkuna í iðrum jarðar sem knýr jarðvarmaorkuverin.