Tíu stiga hiti á Heklutindi.

Þegar fyrst hitnaði að ráði fyrir norðan á dögunum gaf Veðurstofan það upp í flugveðurspá sinni að hitinn í 5000 feta (1500 metra) hæð yrði 8 stig. Heklutindur er 1491 metri yfir sjávarmáli. 

Í spánni í dag er þessi tala 10 stig Vegna upphitunar yfirborðsins og fyrirbærisins hnjúkaþeys getur hitinn síðan farið í meira en 20 stig á norðanverðu hálendinu, jafnvel uppi í 800 metra hæð. 

Á hádegi var kominn 18 stiga hiti í Reykjavík í sólskini og sælu. Eða eins og mig minnir að segi í ljóðinu:

                        Það er engin þörf að kvarta

                        þegar blessuð sólin skín.  

Spá 10-24 stiga hita

Athugasemdir

[Þorsteinn Briem, 23.7.2013 kl. 13:31]

Í Reykjavík var klukkan 11 í morgun 18 stiga hiti og sólskin, ef einhverjum finnst það merkilegt.

Stanslaus sala á pylsum síðastliðin ár úr pylsuvagninum fræga skammt frá Gömlu höfninni í Reykjavík og þar graðga meira að segja heimsfrægir erlendir presidentar í sig pylsur en birgðir þó nægar, samkvæmt síðustu könnun.

Mörlenski presidentinn góflar á hinn bóginn í sig nýsoðna ýsu þegar hann er hérlendis en er þó aðallega erlendis og er því opinberlega skráður óstaðsettur í hús.

Hann er því afskaplega mikið "erlendis" og gengur í fötum frá The Norman Brothers, 5 Oxford Street, London.

Meðalhitinn í Reykjavík í júlí 2001-2012 var 12 stig en 11,4 stig á Akureyri, samkvæmt mælingum Veðurstofu Íslands.

Og í Reykjavík var hæsti meðalhitinn í júlí á þessu tímabili árið 2010, eða 13 stig, en á Akureyri árið 2004, eða 12,6 stig.

Meðalhitinn í ágúst á þessum árum var hins vegar 11,5 stig í Reykjavík en 10,9 stig á Akureyri.