Veiðivötn eru einstök jarðfræðiparadís og náttúrugersemi.

Veiðivötn eru ekki aðeins veiðiparadís eins og segir í tengdri frétt á mbl.is. Þau eru einstök jarðfræðiparadís og náttúrugersemi.

Þau og umhverfi þeirra, bæði til norðurs og suðurs, eru mynduð að mestu í tveimur af stærstu gosum Íslandssögunnar, fyrst í lok landnámsaldar og síðan 1480.

Flestir þekkja Hverfjall í Mývatnssveit, en vestur af Veiðivötnum eru enn stærri fyrirbæri af svipaðri gerð sem nefnast Vatnaöldur.

Fyrir norðaustan Veiðivötn eru Hraunvötn, ekki síðrir gersemi.

Sambland hrauna og gríðarlegrar ösku, sem komið hafa upp á þessu mikla umbrotasvæði, er einstakt, ekki aðeins hér á landi, heldur á heimsvísu.

Þegar við bætist að vötnin eu veiðiparadís er fullkomnuninni náð.

Þegar næst verður stórgos á því 35 kílómetra langa eldvirknissvæði sem teygir sig frá Hrafntinnuskeri í suðvestri norður fyrir Veiðivötn, verður það stórviðburður á heimsvísu á stærð við Skaftárelda.

Staðan í Veiðivötnum

Athugasemdir

[Magnús Birgisson (IP-tala skráð) 7.8.2013 kl. 10:01]

Æji...í guðanna bænum farðu ekki að vekja áhuga fólks á Veiðivötnum.

Við félagarnir höfum eytt einni helgi þar á hverju sumri við veiðar og höfum haft orð á því að það sé bara tímaspursmál að staðurinn verði eyðilagður af ferðamönnum einsog allir aðrir "ferðamannastaðir" á Íslandi.

Eru sölumenn "einhvers annars" ekki búnir að skemma nóg þegar meira að segja Þingvellir eru orðnir moldarflag? Má ekki einhver staður á landinu vera í friði?

[Þorsteinn Briem, 7.8.2013 kl. 10:28]

Hinn margflengdi Magnús Birgisson og félagar, komnir út í Móa ásamt öðrum mörlenskum hægriöfgasinnum, halda að sjálfsögðu að þeir séu einu mennirnir í heiminum sem hafa farið að Veiðivötnum og þeir eigi staðinn.

[Már Elíson, 7.8.2013 kl. 11:08]

Þú ert fífl, Steini Breim..opinbert fífl.

[Þorsteinn Briem, 7.8.2013 kl. 11:21]

Og þú ert hægriöfgasinnaður fáviti, Már Elíson.

[Þorsteinn Briem, 7.8.2013 kl. 11:27]

Hvar er hvalur Kristjáns Loftssonar?

Hvar er lækkunin á bensíngjaldinu?

Hvar er hækkunin á öllum bótum öryrkja og aldraðra?

Hvar er lækkunin á skuldum heimilanna?

Hvar er afnám verðtryggingar?

Hvar eru álverin á Húsavík og í Helguvík?

Hvar er þetta og hitt?

Ég er viss um að það var hér allt í gær.

[Þorsteinn Briem, 7.8.2013 kl. 11:28]

Verðbólga hér á Íslandi í janúar 2009: 18,6%.

Verðbólga hér á Íslandi í apríl 2013: 3,3%.

Hagvöxtur hér á Íslandi árið 2009: Mínus 6,7%.

Hagvöxtur hér á Íslandi árið 2012: Plús 1,6%.

Halli á ríkissjóði Íslands árið 2008: 216 milljarðar króna.

Halli á ríkissjóði Íslands árið 2012: 40,5 milljarðar króna.

[Ómar Ragnarsson, 7.8.2013 kl. 20:04]

Það var sönglað árum saman: "Það þýðir ekki að benda á "eitthvað annað" en álver, því að "eitthvað annað"  á ekki séns." 

Menn voru manaðir til að benda á "eitthvað annað" sem gæfi peninga af sér. En nú hefur brugðið svo við að ferðaþjónustan, sem fellur undir "eitthvað annað" er að komast í efsta sæti sem gjaldeyrisskapandi atvinnuvegur.

Þá er það allt í einu orðið svo agalegt.

[Gunnar Th. Gunnarsson, 7.8.2013 kl. 20:16]

Ómar, það hefur aldrei verið sagt:  "Það þýðir ekki að benda á "eitthvað annað" en álver, því að "eitthvað annað"  á ekki séns." 

Þetta veistu sjálfur en lætur það samt út úr þér. Sumir halda því fram að allt sé leyfilegt, ef málstaðurinn sé nógu göfugur. (Að eigin mati)  

[Þorsteinn Briem, 7.8.2013 kl. 21:59]

"Þetta er nú "eitthvað annað".

Ómar er duglegur að bera saman ferðamannamöguleikana hér við Yellowstone, Hawai og nú síðast Lappland. Þeir í Lapplandi selja kuldann, myrkrið og þögnina. Þá datt honum það snjallræði í hug að selja hér rokið og slagviðrið.

Það er nú svo að á veðráttuna á Íslandi er lítið að treysta. Það er ekkert hægt að markaðssetja eitt eða neitt hér í sambandi við hana. Þú biður um rok og slagviðri en færð þá sól og blíðu. Biddu þá um sól og blíðu en hvað færðu? Rétt til getið... rok og slagviðri.

Hvernig verður að hafa þennan mann á þingi? Það verður kannski hægt að selja inn á þingpallana?"

Gunnar Th. Gunnarsson, 31.3.2007 kl. 00:18

[Gunnar Th. Gunnarsson, 8.8.2013 kl. 06:15]

Hvað er rangt við þetta, Steini? Hefur einhver reynt að markaðssetja veðráttuna á Íslandi... tja, nema e.t.v. Ómar Ragnarsson?

Óvissan í veðrinu hér er einn helsti óvinur ferðamennskunnar. Þetta hélt ég að allir vissu.

Í blíðviði hér eystra í júlí voru bókstaflega öll tjaldstæði yfirfull og ferðamenn út um allt. Það var fljótt að breytast með veðrinu.

Útlendingar munu aldrei koma til Íslands vegna loforða um tiltekið veður. Engin í ferðaþjónustunni er svo vitlaus að leggja nafn sitt við slík loforð.

[Þorsteinn Briem, 8.8.2013 kl. 09:42]

Erlendir ferðamenn koma að sjálfsögðu ekki hingað til Íslands til að liggja í sólbaði og við Íslendingar seljum þeim ekki sólskin, heldur einmitt rok og rigningu, hressandi og svalandi veður miðað við sterkt sólskin og gríðarlegan hita á sumrin í þeirra heimalöndum.

Einnig að sjálfsögðu íslenska náttúru en ekki heljarinnar raflínustaura úti um allar koppagrundir.

Mun fleiri erlendir ferðamenn koma hingað til Íslands en áður og þeir dreifast um allt landið. Þannig heimsækja margir þeirra til að mynda Vestfirði og ferðaþjónusta er í öllum bæjum, þorpum og sveitum landsins.

Stóriðja er og verður hins vegar á örfáum stöðum hér á Íslandi.

Norræna kemur til Seyðisfjarðar og þaðan fara margir erlendir ferðamenn um Austfirðina.

Og fjölmargir erlendir ferðamenn koma hingað til að sækja ráðstefnur, til að mynda í Hörpu, en þeir ferðast einnig um landið.

Íslenskir ferðamenn fara hins vegar margir hverjir þangað sem sólskin er hverju sinni á sumrin, níu af hverjum tíu Íslendingum ferðast hér innanlands ár hvert og eru að meðaltali hálfan mánuð á þessum ferðalögum.

Og að sjálfsögðu þarf að byggja upp aðstöðu fyrir bæði íslenska og erlenda ferðamenn um allt landið, reisa til að mynda hótel og gistiheimili, ráða starfsfólk, stækka bílastæði, bæta salernisaðstöðu og leggja fleiri göngustíga.

Það er nú ekki langt síðan sumir andstæðingar stóraukinnar ferðaþjónustu hérlendis stögluðust á "fjallagrasatínslu" og enn bölva þeir ferðaþjónustunni í sand og ösku, eins og dæmin sanna.

[Jón Logi (IP-tala skráð) 8.8.2013 kl. 10:29]

Það er alltaf verið að tönnlast á því að ferðamannastaðirnir séu eitt svað, og allt að eyðileggjast. Helst kemur þetta frá fólki sem fer ekki á þá.
Ég er búinn að vera leiðsögumaður um hvippinn og hvappinn í sumar, síðast í fyrradag. Það sem ég sé er mikill fjöldi, svo að það er með herkjum að aðstaða víða sé nægileg, EN, ég sé ekki að neinu hafi svo sem farið aftur síðustu 20 árin í umhverfi þéttsóttra ferðamannastaða. Það er búið að gera það góðar gönguleiðir við það sem mest á mæðir, að menn halda sig stundum alveg á trépöllum, möl, hellum og hrauni.
Sumum stöðum hefur farið fram, Þórsmörkin var talsvert öðruvísi fyrir 25 árum en í dag, þar sem menn tjölduðu og tróðu hvar sem var, en ekki lengur.
Gullfoss? Þingvellir? Hraunfossar? bara fínt að mestu.
Og það er nóg af stöðum eftir.
Við eigum óútreiknanlegt veður, en mikið af opnum möguleikum með margvíslega staði, og hægt að spila úr því eftir því hvernig veður er.

[Ómar Ragnarsson, 8.8.2013 kl. 11:16]

Ég hef aldrei haldið því fram að í ferðamennsku á Íslandi eigi að auglýsa ákveðna eina tegund af veðri meðan á heimsókninni stendur. Þvert á móti hef ég talið að við ættum að auglýsa það veður, sem hér er, þ. e. ótútreiknanlega blöndu af hvaða tegund af veðri sem er í öllum mögulegum blöndum og útgáfum.

Suðurlandabúar koma ekki hingað til að uipplifa heiðskírt veður, hita og sól. Þeir hafa nóg af því heima hjá sér.

Við Mývatn segja  menn við mig að ekki sé hægt að tryggja erlendu ferðafólki snjó á veturna og rökin eru þau að það komi stundum dagar á veturna þar sem það rignir og er autt við vatnið.

Ég ræddi þetta einu sinni við sveitarstjórann þar á þeim tíma sem talið var að ef Kísiliðjan færi myndi byggðin leggjast í eyði.

Ég benti honum á að fyrir ofan Leirhnjúk og inn í Gjástykki liggi land um 200 metra hærra en vatnið og að þar sé það mikill snjór á veturna, að síðustu skaflarnir á slóðinni norður í Gjástykki fari ekki fyrr en í júli.

Þetta vissi ég af því að ég hefði bæði flogið þarna yfir á öllum árstímum og farið upp eftir á landi.

Þá kom í ljós að hann hafði aldrei farið þarna uppeftir að vetrarlagl heldur hélt að hið sama gilti þar  og niðri við vatnið.

Þá kom mótbáran að það gæti verið vont veður þarna uppfrá sem eyðilegði skyggni og aðstæður til að fara þar um.

Aftur vissi hann ekki hvað hann var að tala um, hélt að það þyrfti að lofa ferðamönnunumm góðu skyggni og björtu veðri.

En innan  við Leirhnjúk er hægt að fara inn í litla gíga og um hraunlandslag, sem nýtur sín í hvaða veðri sem er og verður jafnvel magnaðra í hríðarveðri. Það vissi hann hins vegar ekki um og kærði sig ekki um að vita, vegna þess að tilvist verksmiðju við vatnið var það eina, sem hann gat séð sem möguleika fyrir mannlífi á svæðinu.

[Gunnar Th. Gunnarsson, 8.8.2013 kl. 21:19]

Ágæt upptalning hjá þér Steini. En þú gleymir að nefna að þeir sem börðust hatrammast gegn Kárahnjúkavirkjun létu gera "sérfræðingaskýrslu" fyrir sig það sem fullyrt var að vegna neikvæðrar ímyndar Íslands vegna framkvæmdanna, myndi ferðamönnum á Austurlandi fækka um 50% og um 20% á landinu öllu.

Þetta gekk ekki eftir eins og alþjóð veit, þrátt fyrir að allt hafi verið reynt af þessu fólki til að sverta ímynd landsins á erlendum vettvangi.

[Þorsteinn Briem, 8.8.2013 kl. 21:25]

Ég veit ekkert um slíka skýrslu, Gunnar Th. Gunnarsson.

[Þorsteinn Briem, 8.8.2013 kl. 21:47]

"Reiknað er með því að milljón ferðamanna komi til Íslands árið 2020."

Ómar Ragnarsson, 31.3.2007 kl. 13:37