Íslands þúsund ár

12.8.2013 | 21:30

Suðurlandsvegur ætlar að verða dýrkeyptur.

Eftir tvöföldun Reykjanesbrautar hefur brugðið svo við að alvarleg slys og banaslys hafa nær horfið, en þau tóku hræðilegan toll árum og áratugum saman.

Svarti bletturinn stóri við Kúagerði hvarf alveg.

Það blasir við að vegurinn frá Reykjavík austur á Skeiðavegamót hefur tekið við hlutverki Reykjanesbrautarinnar.

Hvert banaslys kostar að minnsta kosti 300 milljónir samkvæmt ísköldum peningalegum útreikningi.

Alvarleg slys eru fleiri og kosta líka mikið.

Það er greinilega verið að bíða eftir að hægt verði að hraða tvöföldun leiðarinnar eða að minnsta kosti að sjá svo um að hún verði hvergi 1-1 heldur minnsta kosti 2-1.

Það yki þægingi, afköst og öryggi ef aðeins væri reynt að laga vegaxlirnar á þessari leið, en þær eru víða í hörmungarástandi og slysagildra út af fyrir sig.

Ef það á eftir að kosta milljarða í slysum, sem koma má í veg fyrir á þessari leið, er augljóst að enginn "sparnaður" felst í því að fresta framkvæmdum.

En, eins og máltækið segir, - "það er dýrt að vera fátækur" og það á greinilega þarna við.

	Fleiri banaslys í ár en allt árið í fyrra
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

***Eftir tvöföldun Reykjanesbrautar hefur ... alvarleg slys og banaslys hafa nær horfið, en þau tóku hræðilegan toll árum og áratugum saman.

Peningum vel varið þar.

***Það blasir við að vegurinn frá Reykjavík austur á Skeiðavegamót hefur tekið við hlutverki Reykjanesbrautarinnar.

Á þessu ári.

***Hvert banaslys kostar að minnsta kosti 300 milljónir samkvæmt ísköldum peningalegum útreikningi.

EPA segir að hver maður kosti milljarð. En það er EPA...

***Alvarleg slys eru fleiri og kosta líka mikið.

Þeim fjölgaði allt í einu mjög mikið uppúr 2007 - hlutfallslega miðað við umferð. "Danger homeostasis" veldur, held ég.

***Ef það á eftir að kosta milljarða í slysum, sem koma má í veg fyrir á þessari leið, er augljóst að enginn "sparnaður" felst í því að fresta framkvæmdum.

Að útskýra það fyrir fólki er ámóta létt og að reyna að útskýra "danger homeostasis" fyir venjulegum manni.

Ásgrímur Hartmannsson, 12.8.2013 kl. 22:01

Ég held ég fari réttt með að ekkert einasta banaslys hefur orðið á tvöfalda kaflanum á Reykjanesbraut. Fyrir breytinguna var meðaltalið 1-2 banaslys á ári.

Gunnar Th. Gunnarsson, 12.8.2013 kl. 22:29