Víða eru bílastæði orðin of mjó.

Þeir, sem raða niður bílastæðum í Reykjavík virðast ekkert fylgjast með tímanum, hvað snertir breidd bíla.

Þeir hafa smám saman verið að breikka síðustu áratugi.

Þannig voru sumir af minnstu bílunum, sem voru allt niður í 3,50 á lengd rétt um 1,50 á breidd, en jafnlangir bílar eru núna orðnir allt að 1,70 á breidd, en slík breidd var áður fyrr aðeins bundin við bíla sem voru metra lengri.

Nú er meirihluti meðalstórra bíla yfir 1,80 á breidd, eða 15 til 20 sentimetrum breiðari en áður var.

Þetta hefur mikil áhrif á þrengsli á bílastæðum, og af þessum sökum ríkir sums staðar ófremdarástand, sem felst í því að menn hyllast til að taka sér tvö stæði.

Aukin breidd bíla felst að stærstum hluta í þykkari hurðum, bæði vegna öryggis og líka vegna þess að í hurðirnar eru sett ýmis þægindi, auk þess sem bungur utan á bílnum eru tískuatriði.

Þessi stóraukna breidd finnst mér gagnrýnisverð, en það þýðir ekkert að vera fást um það sem fólkið vill, hvorki um það að það laðist að breiðum bílum né kaupi dýrari bíla en áður, heldur að gera ráð fyrir stækkun þeirra með því að hafa bílastæðin breiðari.

Bílar munu ekki komast í stæðin

Athugasemdir

[Þorsteinn Briem, 13.11.2013 kl. 21:31]

Margt er Ómars vol og víl,
voðalegt að heyra,
Sigmundur á breiðum bíl,
bólgnar sífellt meira.

[Rafn Guðmundsson, 13.11.2013 kl. 21:51]

algjörlega sammála þér í þessu

[Þorsteinn Briem, 14.11.2013 kl. 15:36]

Ekki held ég að bílastæði séu nú almennt minni hér á Íslandi en þegar hér var fjöldinn allur af stórum bandarískum bílum, til að mynda Ford Fairlane árgerð 1957, eins og ég átti fyrir margt löngu.

Og fjölmargar einbreiðar brýr, sem voru svipaðar á breidd og bílastæði.

Hins vegar er ætlast til að menn leggi bílum sínum mitt á milli línanna sem aðskilja bílastæðin en það er að sjálfsögðu mjög erfitt fyrir margan Mörlandann.

Og nú er hér fjöldinn allur af litlum bílum.