Óuppgert mál sem grúfir yfir eins og myrkur.

Ég man það eins og það hafi gerst í gær, þegar Kanasjónvarpið rauf útsendingu sína síðdegis 22. nóvember 1963 til þess að segja fréttina af skotárásinni á John F. Kennedy, og einnig eftir tilkynningunni skömmu síðar um að forsetinn væri látinn.

Engin frétt liðinnar aldar vakti slík viðbrögð heimsbyggðarinnar sem þessi. Og enn hvílir skuggi yfir því að raunverulegt fullnaðaruppgjör með óyggjandi niðurstöðu í þessu morðmáli hefur ekki farið fram og mun líklega ekki getað farið fram.  

Það bendir að sjálfsögðu margt til þess að Lee Harvey Oswald hafi skotið af byssu á sjöttu hæð skólabókargeymslu á John F. Kennedy fyrir nákvæmlega 50 árum. Hann hafði áður reynt að drepa mann og rétt eftir morðið á Kennedy skaut hann lögreglumanninn til bana.

Hjá hernum á árunum 1956 til 1959 var skotfimi hans prófuð og reyndist á niðurleið, þannig að hann væri aðeins meðalgóð skytta. 1963 hefur hann varla verið betri, heldur sennilegra lélegri skytta.

Þegar hann reyndi að drepa Walker foringja í hernum, skaut hann á Walker sitjandi kyrran af 30 metra færi og hitti ekki.

Þess vegna er ólíklegt að hann hafi getað hitt á höfuð á manni á ferð í næstum þrefalt meiri fjarlægð.  

Samkvæmt þessum ferli fyrir og eftir morðið átti hann samt að vera til alls líklegur.

En ósvarað er samt of mörgum spurningum til þess að fullyrða að hann hafi verið einn að verki.

Úr því að hann viðurkenndi að hafa reynt að drepa mann áður, hvers vegna játaði hann ekki á sig morðið á forsetanum?

Ég hef lesið lýsingar á því að skot, sem fari inn í höfuð manna geti sprungið þannig að það splundri höfuðkúpunni hinum megin og að það skýri hvernig fremri hluti höfuðs Kennedys splundraðist.

En hvers vegna þeytist höfuð forsetans hart afturábak í sömu átt og kúlan á að hafa komið frá?

Er hægt að fullyrða að engir aðrir byssumenn hafi verið í byggingunni eða fyrir framan hana sem gætu hafa skotið á sama tíma?

Voru skotin örugglega aðeins þrjú?  Er hugsanlegt að fjórða skotinu, því sem drap forsetann, hafi verið skotið á sama tíma og þriðja skot Oswalds?  (ef hann skaut þá þremur skotum)

Er hugsanlegt að sá sem skaut því fjórða skoti hafi verið miklu betri skytta en Oswald og skotið af miklu betra færi þegar ljóst var að fyrstu tvö skotin báru ekki fullnaðarárangur?  Þessi hugsanlega skytta hefur þá kannski talið sekúndurnar eftir skot númer 2 til að geta skotið á svipuðum tíma?

Það, að Oswald var drepinn, veldur því að dýrmætur vitnisburður hans, sannur eða loginn, fékkst aldrei, þaðan af síður játning, þannig að formlega séð var enginn sakfelldur fyrir verknaðinn.

Ef ég væri Bandaríkjamaður myndi ég fylla hóp þeirra 61 prósenta bandarísku þjóðarinnar sem hallast að því að Oswald hafi að minnsta kosti ekki verið einn að verki og að sá, sem skaut úrslitaskotinu á Kennedy, hafi ekki verið hann.

Því verður nefnilega ekki neitað að Oswald passaði fullkomlega inn í hugsanlegt pottþétt samsæri, sem gerði hann einan að eins góðum blóraböggli og hægt var að hugsa sér.

Ástæðurnar sem Jack Ruby gaf fyrir því að hann skaut Oswald eru einhverjar þær lélegustu og heimskulegustu sem heyrst hafa.

Um allan heim eru það algengustu viðbrögð aðstandenda þeirra sem falla fyrir morðingjahendi,  að þeir óska þess að hinir seku séu verði dregnir fyrir dóm og látnir gjalda fyrir glæpi sína.

Jack Ruby rændi Jacquline Kennedy þessu og eyðilagði málið.

Síðan vofir alltaf yfir "the curse of the Kennedys". Það er beinlínis alveg ótrúlega margt sem gekk þessu blessaða fólki í mót rétt eins og allar tilviljanir féllu þeim í mót.

Elsti sonurinn fórst í stríðinu í loftárásarferð yfir Þýskaland. John og Robert voru myrtir. Edward átti þátt í drukknun ungrar stúlku og það eyðilagði feril hans. Og John yngri  fórst í flugslysi þar sem hann var sjálfur við stjórnvölinn.

Þann mann hitti ég fyrir tilviljun í Leifsstöð og Kennedy-þokkinn geislaði af honum.

Skömmu eftir morðin á Martin Luther King og Robert Kennedy komum við Helga í Ambassador hótelið og maður viknaði við að standa þar á staðnum þar sem Robert var skotinn.

Atburðirnir 1963 og 1968 lifa enn eins og þeir hafi gerst í gær.

 

  

 

Margir trúa enn samsæriskenningum

Athugasemdir

[Andres Valgardsson (IP-tala skráð) 22.11.2013 kl. 02:53]

Ég veit eitt af þessum svörum. Höfuð sem fær kúlu í gegnum sig ýtist ekki aftur af krafti kúlunnar, miklu frekar veldur sprengingin þegar kúlan fer út um bakhliðina því að höfuðið þeytist í öfuga átt við þá sprengingu, eða í átt að skotmanninum.

[Eygló (IP-tala skráð) 22.11.2013 kl. 03:03]

Á fyrri öldum voru það stundum (hirð-)fíflin sem máttu segja sannleikann ... við og/eða um kónginn/höfðingjann ...

E.t.v. þykir e-m sárt að sjá þessi mál höfð í flimtingum, en m.t.t. til "leyfis" fíflsins - hlustaði ég á þennan mann.

http://www.youtube.com/watch?v=e0bIRkv29xk

http://www.youtube.com/watch?v=KJPwM8nehkQ

[Davíð (IP-tala skráð) 22.11.2013 kl. 05:48]

Fyrir 10 dögum þá talaði ég við Jim Fetzer (McKnight Professor of Philosophy Emeritus, University of Minnesota Duluth) og hann hefur skoðað þetta mál nokkuð vel og ég spurði hann hvað það væri helst sem hann gæti bent á og hann gerði það. Ég set hlekki hér fyrir neðan.

http://jamesfetzer.blogspot.com

http://www.assassinationscience.com/ReasoningAboutAssassinations.pdf

http://www.youtube.com/watch?v=e1lCYzGD7Lk

http://en.wikipedia.org/wiki/United_States_House_Select_Committee_on_Assassinations

http://www.veteranstoday.com/

Þetta er mjög vinalegur maður og ég ætla ekki að halda fram að hann sé fullkominn en mig grunar að hann sé heiðarlegur í því sem hann er að gera og því ætla ég að deila þessu með ykkur. 

[Vilhjálmur Örn Vilhjálmsson, 22.11.2013 kl. 09:06]

"Bandaríkjamenn lentu aldrei á tunglinu".

"9/11 var framkvæmt af leyniþjónustum BNA"

"Kennedy var skotinn af 10 CIA mönnum og mafíunni undir stjórn gyðinga."

Ef maður er smitaður af samsæriskenningarveirum, þá verður aldrei hægt að sætta sig við að óður öfgamaður (Oswald) hafi orðið forseta Bandaríkjanna að bana.

[Helgi Jónsson (IP-tala skráð) 22.11.2013 kl. 10:36]

En spurningin er þessi...af hverju er ekki Steini búin að blogga hér...???

[Þorsteinn Briem, 22.11.2013 kl. 13:23]

Það er ekki hollt fyrir ykkur vesalingana að vera með undirritaðan á heilanum, Helgi Jónsson.

Um leið og þetta blogg Ómars Ragnarssonar birtist hér í nótt setti ég það inn á Facebook, þar sem fimm þúsund manns gátu séð það, eins og önnur blogg hins mæta manns.

[Þorsteinn Briem, 22.11.2013 kl. 13:31]

"Bandaríkjamenn lentu aldrei á tunglinu."

The 1969 NASA Computer that Brought Man to the Moon

[NKL (IP-tala skráð) 22.11.2013 kl. 15:02]

Já, og rússar, kínverjar og fleiri voru svo góðir óvinir USA að þegja yfir svindlinu

[Ómar Bjarki Kristjánsson, 22.11.2013 kl. 15:46]

Þetta er náttúrulega rosalega ótrúlegt. Samkvæmt skýringunni skýtur Oawald 3 skotum. Missir marks í fyrsta þegar skotmarkið er næst honum. Síðan skítur hann öðru eftir 5 sekúndur og hittir í bak Kennedy og eftir um 5 sekúndur aftur og hittir í höfuð á um 80-90 metra færi. Að á þessum 5 sekúndum þarf hann að láta skotið koma niður og miða o.s.frv. - þetta er rosalega ótrúlegt. Þó það sé tælnilega mögulegt - þá er það sko ólíkindabragurinn sem vekur upp spurningar.

[Ómar Bjarki Kristjánsson, 22.11.2013 kl. 15:53]

Hægt að fá hugmynd um hve erfitt þetta er hérna þar sem einhverjir gaurar eru að skjóta á þessu færi og þessum hraða:

http://www.youtube.com/watch?v=qSWSgcuYqDo

[Vilhjálmur Örn Vilhjálmsson, 22.11.2013 kl. 16:10]

Nýjasta samsæriskenningin: Kennedy var tikkandi bomba.

[Erlendur (IP-tala skráð) 22.11.2013 kl. 17:19]

Vandamálið er aðallega það að þessi öfgamaður var ekki af "réttu tagi" og er sífellt verið að reyna að sannfæra sjálfan sig um að "hægri" menn hafi komið þarna að.

[Ómar Bjarki Kristjánsson, 22.11.2013 kl. 18:58]

Connolly og kona hans töldu ekki að Connolly hefði verið hæfður með sama skoti og Kennedy:

http://www.wnd.com/2013/10/john-connally-debunked-jfk-single-bullet-theory/

[Glúmur Baldvinsson (IP-tala skráð) 22.11.2013 kl. 19:51]

Vil kommentera á Kennedy morðin. Glúmur

[glúmur baldvinsson (IP-tala skráð) 22.11.2013 kl. 20:01]

Jack Ruby, eigandi veitingastaðar í Dallas og frá Chigago með tengsl við krimma úr mafíunni þar, drap Oswald áður en Oswald gat sagt orð. Tveimur dögum eftir morðið á Kennedy. Jack var síðan dæmdur til dauða í Texas, sem var fylki Lyndon B. Johnson, sem hagnaðist mest á morðinu því hann varð forseti klukkutímum eftir morðið. Og þoldi ekki Kennedy. Bróðir JFK, Robert spurði LBJ: af hverju léstu drepa bróður minn? Það undarlega gerðist svo að Jack þessi Ruby sem drap meintan morðingjann lést af einhverri lungnaveiki í fangelsinu? Auðvitað geta þetta verið tilviljanir en hvílíkar tilviljanir ef satt er?

Fimm árum síðar stefnir allt í það að Robert Kennedy, bróðir JFK, verði forseti USA en þá er hann skotinn af palestínskum/jórdana innflytjanda í eldhúsi á fínasta, og vel girtu, hóteli í LA. RFK átti þá bara eftir að láta krýna sig sem næsta forsetaefni demókrata. Og menn spyrja spyrja: tilviljun?

Robert Kennedy kom Jimmi Hoffa í fangelsi fyrir margfalda glæpi. Hoffa var sumsé verkalýðskrimmi og foringi Teamster. Hann stýrði heilum her glæpona. Robert hóf herferð sína gegn Hoffa 1957. Og fékk svo aukin völd sem dómsmálaráðherra US undir bróðir sínum til að negla Hoffa. Svo deyr JFK og RFK og Hoffa er svo drepinn það vel að lík hans hefur aldrei fundist. Allt tilviljanir?

Einhver gangsterinn segir að Hoffa hafi verið bræddur í japanska bifreið uppúr 1975. En punkturinn er sá að Hoffa hataði Kennedys af augljósum ástæðum og er nú japanskur bíll. Ef sá bíll er enn til. Japanskir bílar í þann tíð áttu til að ryðga illa.

Og hver hafði tapað þegar RFK ákvað að bjóða sig fram til forseta 1968? Lyndon B. Johnson sem áður hafði orðið forseti í kjölfar drápsins á JFK. Lyndon tapaði fyrsta prófkjörinu illa 1968 og kenndi RFK um. RFK ákvað þá að bjóða sig fram. LBJ, maðurinn sem að RFK hafði spurt: Hví léstu drepa bróður minn? Hver græddi á JFK morðinu? LBJ. Hver átti harma að hefna gagnvart RFK? Lyndon B Johnson.

 Ergo: grein Egils Ólafssonar, blaðamanns MBL., er ágæt útaf fyrir sig og höfð eftir Warren nefndinni sjálfri. En hún snertir ekki aðalflötinn. Hvort byssukúlurnar komu frá fleiri en einum er ekki kjarni málsins. Hver fyrirskipaði að þeim var hleypt af stað er kjarni málsins.

GB