Spaugstofan með dulræna hæfileika?

Í kvöld var Spaugstofan með það í hálfkæringi að lögreglumanni, sem var orðinn óþægilegur við að hnýsast í vafasamt athæfi var hótað með því að allir handrukkarar landsins yrðu á eftir honum ef hann makkaði ekki rétt.

Þátturinn var að sjálfsögðu gerður áður en tengd frétt birtist á mbl.is um að handrukkari hefði bankað upp á hjá lögreglumanni og komið til átaka þar.

Stundum getur veruleikinn sjálfur staðið skáldskap og gríni jafnfætis.

Nema að Spaugstofan sé orði forspá og með dulræna hæfileika?  

Handrukkarar bönkuðu hjá lögreglu

Athugasemdir

[Guðmundur Ásgeirsson, 23.11.2013 kl. 22:53]

Eftir að Spaugstofan færðist yfir á Stöð 2 hefur hún reyndar fært landsmönnum mun frekar heim sannindin, heldur en fréttastofa sama fjölmiðils.

[Guðjón Sigþór Jensson, 25.11.2013 kl. 12:22]

Mér fannst það vera ófyrirgefanlegt að vinsælasti dagskrárliður RÚV hafi nánast verið gefinn einkaframtakinu.

Hef ekkert heyrt né séð af Spaugstofunni síðan útvarpsstjóri „gaf“ þennan dagskrárlið frá sér.