Enginn ræður alveg við óheppnina.

Þekkt er Murphys lögmálið um það að ef eitthvað geti farið úrskeiði, muni það gerast fyrr eða síðar og jafnvel fyrr en nokkurn óri fyrir.

Röð af tilviljunum þarf oft til þess að svo fari og það virðist hafa gerst þegar tíu ára stúlka féll af eldhúsborði ofan í opna uppþvottavél þar sem hnífsblað vísaði upp í stað þess að vísa niður.

Sem bendir til þess að ævinlega sé óráðlegt að eggvopn eins og hnífur standi nokkurn tíma þannig að hver sá sem nálgast það sé berskjaldaður gagnvart því.

Stundum er sagt að fólk sé feigt, þegar óheppnin er yfirgengileg.

Banaslysstaður uppi á fjalli við Hamarsfjörð fyrir um 15 árum er mér ofarlega í huga. Þar hafði þyrluflugmaður lent lítkilli þyrlu á slettum bletti en ætlaði að færa hana lágt til um nokkra tugi metra.

Hann lét þyrluna lyftast um eitt til tvö fet frá jörðu og ætlaði að færa hana lágt yfir yfirborðinu, en sást yfir lágan klapparstall, sem annað skíðið á þyrlunni rakst í.

Við það hallaðist þyrlan það mikið að lyftiskrúfublað hennar rakst í jörðina, brotnaði af og flaug eins og spjót í gegnum þyrluflugmanninn miðjan.

Af mörgum tugum banaslysstaða, sem ég kom á á löngum fréttamannsferli, var þetta einhver hinn ömurlegasti vegna þeirrar eindæma óheppni, sem birtist eins og lýst hefur verið með orðunum að hinn látni hefði verið bráðfeigur.

Stúlka féll á eldhúshníf

Athugasemdir

[Erlingur Alfreð Jónsson, 9.12.2013 kl. 00:24]

Ég kannaðist lítillega við flugmanninn sem fórst í Hamarsfirði á sínum tíma og mér hefur alltaf fundist nöturlegt að þegar slysið varð var stærri þyrla Landhelgisgæslunnar á þeim tíma TF-LÍF, í flugbanni vegna þyrluslyss sem hafði orðið í Noregi í vikunni á undan á þyrlu sömu tegundar.  TF-SIF fór því af stað um hálftíma eftir að slysið var tilkynnt, en þurfti að snúa við vegna ísingar og slæms veður eftir um klukkustundarflug. Flugbanni var aflétt á TF-LÍF og lagt af stað á ný um 2 tímum eftir að TF-SIF hafði farið upphaflega. Þyrlunni var síðan snúið við á Höfn þegar flugmaðurinn hafði verið úrskurðaður látinn á slysstað af lækni. Ég las aldrei skýrslu RNF vegna slysins og sé það fyrst nú hvernig dauða hans bar að. Líklega hefði því ekki skipt máli þótt TF-LÍF hefði verið til taks frá upphafi útkalls.