Ekki var Mitterand svona viðkvæmur.

Frakkar hafa löngum verið mun hispurslausari og hreinskilnari varðandi ástamál heldur en hinir oft hræsnisfullu Bandaríkjamenn.

Heldur finnst mér núverandi Frakklandsforseti vera viðkvæmari fyrir umtali um sín mál heldur en fyrirrennarar hans voru. 

Það leiðir hugann að því þegar nýliði í blaðamannastétt ætlaði að nú sér í krassandi uppsláttarfrétt á blaðamannafundi með Mitterand.

Þetta var á níunda áratugnum þegar mál Clintons Bandaríkjaforseta settu allt í uppnám í Bandaríkjunum, en samsvarandi mál höfðu þá ekki orðið að umtalsefni í Frakklandi.

Ungi blaðamaðurinn hélt hins vegar að það yrði hægt að blása mál Mitterands eitthvað upp úr því að allt lék á reiðiskjálfi hinum megin Atlantshafsins og í öllum fjölmiðlum heimsins.  

Á umræddum blaðamannafundi gengu spurningar og svör greiðlega, þannig að það kom fjótlega að unga blaðamanninum, sem spurði: "Er það rétt, herra forseti, að þú eigir þér hjákonu? "

"Já, það er rétt. Gjörið svo vel, næsta spurning." svaraði Mitterand.  Málið dautt.

Forsetinn á flandri að næturlagi

Athugasemdir

[Þorsteinn Briem, 10.1.2014 kl. 20:39]

Ótrúlegt það uppistand,
allir Frakkar líða,
margar undir Mitterand,
mátti alveg ríða.

[Ómar Ragnarsson, 11.1.2014 kl. 00:09]

Hægan, hægan, Steini. En forsetinn er víst mikill bifhjólareiðmaður og ef í stað orðsins "margar" væri orðið "mörgum" mætti telja það eiga við bifhjólin, sem hann þeysir á.

Það hefði verið pottþétt og enginn geta gert athugasemd við það.

[Þorsteinn Briem, 11.1.2014 kl. 00:24]

Sjáum til hvað franska sendiráðið segir við þessu atriði.

[Þorsteinn Briem, 11.1.2014 kl. 00:38]

Mitterrand's Widow Invites Mistress To Funeral

François Mitterrand: The great deceiver - New Statesman

[Þorsteinn Briem, 11.1.2014 kl. 05:18]

"In the last months of [Mitterand's] life, his doctor told him he was a mixture of Machiavelli, Don Corleone, Casanova and the Little Prince.

When Mitterrand enquired, "In what proportions?" the physician replied, "That depends on which day.""