Íslands þúsund ár

20.3.2014 | 22:32

Ástæðan var ljós 1990 en ekki nú, enn sem komið er.

Eldsneytisleysi olli því að þota lenti í hafinu suður af Grænlandi 1990 og samband var við flugstjórana langleiðina á leið hennar niður.

Enn er ekkert vitað um ástæðu hvarfs malasísku þotunnar, sem leitað er að. Aðallega virðist um tvennt að ræða:

1. Bilun, hugsanlega eldur, sem olli því að fjarskiptakerfi þotunnar datt út og flugmennirnir beindu vélinni í átt að þeim flugvelli, sem næstur var, og vegna þess að það að hafa stjórn á flugi vélarinnar og baráttan við bilunina varð að hafa forgang, gat það valdið því að ekki gafst tækifæri til að reyna að láta vita af vandanum og engin vitneskja barst í tíma um ástandið frá þotunni.

2. Misheppnað flugrán með svipuðum afleiðingum.

Fátt hefur aukið eins mikið flugöryggi á okkar tímum og rannsóknir á flugslysum og greining á orsökum þeirra, svo að hægt hefur verið að gera ráðstafanir til að minnka líkur á eða eyða alveg líkum á að svipað gerist aftur.

Þess vegna er svo mikilvægt að finna flak malasísku þotunnar og komast að ástæðum þess að hún fórst.

	Hrapaði í hafið og fannst aldrei
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Og 1990 vor allt aðrir tímar í flugi, það var t.d. ekki GPS í loftförum og lítið um leiðsögubúnað á flugleiðunum yfir hafið. Ég vann við að taka á móti erlendum loftförum í fjölda ára á Flugþjónustunni í Reykjavík (upp í 1400 vélar á ári þau árin), og ég sá á eftir nokkrum í hafið. Það var oft sem ég aðstoðaði þreytta flugmenn við að gera svokallaðar "Gross Navigation Error" skýrslur sem þarf að gera ef farið er 25 mílur út af áætlaðri flugleið eða farið í annað fluglag en heimilt var. Þetta var sennilega hátt í vikulega en eftir miðjan 10. áratuginn þegar GPS'ið var komið í vélarnar gerði ég varla nokkurn tíman slíka skýrslu. Menn komu hér í gamla daga 100 og jafnvel fleiri hundruð mílur út af flugleið, villtir og fóru baraí sjóinn, það var ekki einsdæmi með þessa þotu þótt oftar væru það minni flugvélar. Þetta var bæði útaf villum og eins vegna verðurs auðvitað stundum, ísing og fleira. þegar flogið var frá Nýfundnalandi eða Labrador í Kanada austur um til Íslands var lagt af stað "dead reckoning" eins og það er kallað en svo var loftsiglingavitinn við Prins Cristian sund (OZN) notaður til að komast til syðsta hluta Grænlands og þegar þangað kom gat fólk oftast still inn á Útvarp Reykjavik og hlustað á Jón Múla, Pétur Péturs, Gerði G. Bjarklind, já og kannski Ómar Ragnarson og á sama tíma haft nálina á ADF'inu í stefnu beint á Reykjavík. Það var svo ekki fyrr en nálgast tók Keflavík og komið var í sjónlínu sem fjölstefnuvitinn þar tók við sér. En þetta var nú svona smá útúrdúr frá aðalefninu, getgátum um hið dularfulla hvarf Malaysian MH370.

Gudjon (IP-tala skráð) 20.3.2014 kl. 23:48

Líklegast þykir mér að vélin hafi flogið á autopilot langt út á Indlandshaf þangað til hún varð eldsneytislaus. Sennilega hefur komið upp "vesen" í rafkerfi vélarinnar og eldur komið upp. Jafnvel ADR (accident data recorder) hefur eyðilagst í eldi. Flugritinn liggur nú að öllum líkindum á hafsbotni, bíðandi þess að verða veiddur upp sem vonandi gerist fljótlega.

Siggi Lee Lewis, 21.3.2014 kl. 00:19