Glæsileg vél. Slæm tíðindi fyrir áltrúarmenn.

Airbus gefur ekkert eftir í samkeppninni um flugvélamarkaðinn í heiminum.

Nýja A350 þotan nálgast Boeing 747 í stærð, þyngd og farþegafjölda, en munurinn er sá að 747 þarf fjóra hreyfla til að afkasta sínu, en A350 aðeins tvo og stefnir að því að verða sparneytnasta stóra farþegaþotan miðað við afköst.

Mér sýnist A350 skjótast fram úr Boeing 787 Dreamliner og Boeing 777 að mörgu leyti, þótt munurinn sé svo sem ekkert mikill í sjálfu sér. En það munar um allt í hinni hörðu samkeppni, þar sem Airbus sækir sífellt að Boeing um forystu.

Auglýst hefur verið að koltrefjaefni séu meira notuð í vélinni en ál.

Þessi efni sækjast sífellt meira á í flugvélaiðnaðinum, ekki aðeins vegna styrkleika miðað við þyngd og ónæmi fyrir "málmþreytu", heldur einnig fyrir það að spara vinnuafl í flugvélaverksmiðjunum, því að margt fólk þarf til að hnoða saman festingar á álplötum. 

Það eru slæm tíðindi fyrir áltrúarmenn sem saka náttúruverndarfólk um tvískinnung með því að fljúga með flugvélum úr áli.

A350 „stjarnan“ í Singapúr

Athugasemdir

[Siggi (IP-tala skráð) 2.4.2014 kl. 23:08]

Þessar koltrefjar standast ekki eldingar... þyrluspadar hafa farið i tætlur i norðursjonum.

[Samúel Úlfur Þór, 2.4.2014 kl. 23:35]

Það eru til lausnir við því, eins og við öllu öðru. Koltrefjar eru komnar til að vera, og álið er á leiðinni út sem aðal smíðaefni í flugvélum og fleiri hlutum. Reiðhjól úr koltrefjaefni fjölgar dag frá degi og á endanum verður það sjálfsagt aðal smíðaefnið.

[Þorsteinn Briem, 2.4.2014 kl. 23:45]

2.4.2014 (í dag):

Leysa koltrefjar stálið af hólmi? - Reiknað með 70% verðlækkun á koltrefjum á næstu árum

[Þorsteinn Briem, 2.4.2014 kl. 23:48]

Koltrefjar léttari en ál og sterkari en stál

[Þorsteinn Briem, 3.4.2014 kl. 00:04]

2.4.2014 (í dag):

"Landsvirkjun var rekin með tapi [árið 2013] og ástæðu þess má rekja til lækkandi álverðs á heimsmarkaði og áhrifa þess á reiknað verðmat raforkusamninga.

Fyrirtækið er enn of skuldsett og áfram verður lögð höfuðáhersla á niðurgreiðslu skulda.

Og afkoma Landsvirkjunar mun áfram ráðast af þróun álverðs, vaxta og gjaldmiðla en álverð er lágt um þessar mundir og þróun þess er óvissu háð," segir Hörður Arnarson forstjóri Landsvirkjunar."

[Finnur Björns (IP-tala skráð) 3.4.2014 kl. 09:14]

Fínt mál. 

Þá reisum við bara koltrefjaverksmiðjur vítt og breytt um landið í staðinn fyrir álver.

[Finnur Björns (IP-tala skráð) 3.4.2014 kl. 09:43]

Reyndar er það ekki rétt hjá þér Ómar, að Airbus A350 nálgist Boeing 747 að stærð, þyngd og sætafjölda. 

Hámarks sætafjöldi í A350 er 369, en það er reyndar er um það bil lágmarkssætafjöldi í B-747. 

[Þorsteinn Briem, 3.4.2014 kl. 11:57]

Koltrefjar eru byggingarefni í iðnaði og þær hafa verið notaðar í til dæmis flugvélar, bíla, hús, brýr, reiðhjól, skíði og gervilimi Össurar hf.

"Vinsældir koltrefja fara sívaxandi, meðal annars vegna léttleika þeirra og styrks, en þær geta komið í stað málma eins og áls og stáls."

"Flugvélaiðnaðurinn nýtir þetta efni í vaxandi mæli og ný kynslóð af farþegaþotum, svo sem Boeing 787 Dreamliner og Airbus 350, eru smíðaðar að verulegu leyti úr koltrefjum sem styrkingarefni.

Koltrefjar stuðla því að minni orkunotkun vegna léttleika, auk þess sem umhverfisáhrif við framleiðslu eru takmörkuð."

"Koltrefjar hafa alla eftirsóknarverðustu eiginleika stáls og auk þess er þyngd þeirra í lágmarki.

Með koltrefjum er myndað frumlegt "öryggisbúr" í bílum og þær eru mikið notaðar í Formúlunni."

Koltrefjar

Framleiðsla á ódýrum basalttrefjum getur orðið stór iðngrein hérlendis - Hátæknisetur Íslands á Sauðárkróki

[Þorsteinn Briem, 3.4.2014 kl. 12:02]

11.12.2011:

"Bandaríski bílarisinn General Motors hefur greint frá samstarfi við leiðandi koltrefjaframleiðanda, Teijin Limited.

Með samstarfinu er ætlunin að auka notkun koltrefja umtalsvert í bílum GM.

"GM is [...] the world's largest automaker, by vehicle unit sales, in 2011."

Fyrirtækið Teijin Limited hefur þróað nýja framleiðsluaðferð á koltrefjum, sem gerir framleiðsluferlið styttra og hagkvæmara."

Íslenski bílavefurinn

[Þorsteinn Briem, 3.4.2014 kl. 12:05]

19.4.2008:

Koltrefjaverksmiðja á Sauðárkróki skapar 120 störf

[Davíð12 (IP-tala skráð) 3.4.2014 kl. 12:30]

Og svo skemmtilega vill til að koltrefjar eru olíuafurð og mikið magn koltvísýrings losnar við framleiðsluna sem er eiginlega bara bruni plastefna. Koltrefjar eru einnig ekki endurvinnanlegar nema með mikilli mengun, annar bruni, og þá sem lakari vara.

[Þorsteinn Briem, 3.4.2014 kl. 12:47]

"Þetta er einnig að verða mjög áberandi í flugvélaiðnaði þar sem flugvélaframleiðendur keppast við að minnka þyngd flugvélanna til að spara eldsneyti.

Skrokkur og vængir á nýjustu flugvél Boeing 787 Dreamliner eru til að mynda um 50% úr trefjum.

Við sjáum einnig þessa þróun í þyrluflugi en nútímaútgáfur af Super Puma og Douphin þyrlum Eurochopter eru með allt burðarvirki úr trefjum, sem og flest allir skrokkhlutar þyrlnanna.

Notkun á trefjum er ekki bundin við þessar greinar eingöngu því flestar iðngreinar hafa tekið þessum efnum fagnandi og nota trefjar í æ ríkari mæli."

Hátæknisetur Íslands á Sauðárkróki

[Finnur Björns (IP-tala skráð) 3.4.2014 kl. 13:55]

Já, rétt hjá þér, Davíð12.  Koltrefjar eru, eins og nafnið bendir til, afurð úr kolefnum, nefnilega kolum og olíu.

Framleiðsluferli koltrefja er flókið, enda um efnaiðnað að ræða.

Eru þá koltrefjar nokkuð meira umhverfisvænni en t.d. ál eða önnu málmvinnsla.?

Hví eru menn svona mikið á móti áli? 
Þetta sama fólk vill njóta alls þess besta sem nútíma samfélag og iðnaður býður upp á, en ekkert af þessu má framleiða á Íslandi. 

[Þorsteinn Briem, 3.4.2014 kl. 14:11]

2.4.2014 (í dag):

"Landsvirkjun var rekin með tapi [árið 2013] og ástæðu þess má rekja til lækkandi álverðs á heimsmarkaði og áhrifa þess á reiknað verðmat raforkusamninga.

Og afkoma Landsvirkjunar mun áfram ráðast af þróun álverðs, vaxta og gjaldmiðla en álverð er lágt um þessar mundir og þróun þess er óvissu háð," segir Hörður Arnarson forstjóri Landsvirkjunar."

[Þorsteinn Briem, 3.4.2014 kl. 14:16]

Sumir halda að sjálfsögðu að heimsmarkaðsverð á áli muni hækka með stóraukinni notkun koltrefja í stað áls.

[Davíð12 (IP-tala skráð) 3.4.2014 kl. 16:18]

Sumir halda að sjálfsögðu að heimsframleiðsla á koltrefjum sé það mikil að hún hafi áhrif á álverð. Væri svo mundi nægja að loka álveri Norðuráls á Grundartanga í tvo mánuði til að vega upp á móti kolterfjum sem hafa komið í stað áls í heiminum. Megnið af koltrefjum eru notaðar þar sem áður var notað stál eða glertrefjar.

[Þorsteinn Briem, 3.4.2014 kl. 16:33]

"Fyrirtækið Teijin Limited hefur þróað nýja framleiðsluaðferð á koltrefjum, sem gerir framleiðsluferlið styttra og hagkvæmara."

Koltrefjar léttari en ál og sterkari en stál

2.4.2014 (í gær):

Reiknað með 70% verðlækkun á koltrefjum á næstu árum

[Þorsteinn Briem, 7.4.2014 kl. 12:13]

Skýrsla Alþjóðamálastofnunar um aðildarviðræður Íslands við Evrópusambandið

[Þorsteinn Briem, 7.4.2014 kl. 17:13]

23.11.2011:

"The European People's Party er langstærsti hópurinn á Evrópuþinginu en hann er bandalag hægri- og miðflokka.

Blái liturinn táknar að mið-hægri ríkisstjórnir fari með völdin í viðkomandi ríki: