Jafnaldri, eins og góðkunningi.

Ég hef alltaf haft dálæti á Cliff Richard og reynt að fylgjast sem best með því sem hann er að gera.

Enda fylgist maður óvart betur með jafnöldrum sínum en öðrum, því innan við mánuður er í milli fæðingardaga okkar Cliffs og einnig John heitins Lennons. Þegar ég átti stórafmæli áttu þeir það líka.

Sem sagt, þrír jafnaldrar sem alast að vísu upp hver á sínum stað en fást við svipuð viðfangsefni.  

Mér finnst Cliff vera það sem kalla má upp á ensku "no nonsense"- maður, hæfilega yfirlætislaus, jarðbundinn og yfirvegaður.

Mér likar vel við það sem hann segir núna og leggur til málanna. Vandaður og íhugull mannvinur.  

„Hvað myndi breytast ef ég væri samkynhneigður?“

Athugasemdir

[Þorsteinn Briem, 20.4.2014 kl. 17:02]

Ellibelgir báðir tveir,
annar off en hinn er on,
orðstír þeirra aldrei deyr,
Ómar líkur John Lennon.

[Þorsteinn Briem, 20.4.2014 kl. 17:11]

Ellibelgir orðnir þeir,
annar off en hinn er on,
orðstír þeirra aldrei deyr,
Ómar líkur John Lennon.