Aðeins ein lausn í sjónmáli.

Hvernig er hægt að koma í veg fyrir að Louis Suárez bíti menn framar á leikvellinum? Sálfræðingar segja að það sé ekki hægt. Þá eiga þeir við sálfræðilega þáttinn en gleyma tæknilega þættinum.

Til þessa að bíta þarf tennur, og með því að fjarlægja þær er búið að afvopna drenginn.

Það er að vísu róttæk aðgerð og kostar fórn, en knattspyrnuferillinn og peningarnir, sem í húfi eru, eru margfalt meiri.

Ég get nefnt gott dæmi um ungan mann.  Faðir minn heitinn var orðinn svo illa farinn vegna tannskemmda, aðeins tvítugur að aldri, að hann fékk sér gervitennur, heilan góm, og var með hann það sem eftir var ævinnar án þess að það væri til nokkurra vandræða fyrir hann. Ég vissi reyndar aldrei hvort gómurinn var einn eða hvort þeir voru tveir, bæði efri og neðri gómur.

Sama getur Suárez gert þótt hann fórni heilum tönnum og verði að fórna bæði efri og neðri gómi.

Hann verður með þessar fínu tennur alla daga nema rétt á meðan hann er að spila leikina sína.  

Svara fyrir bitið fyrir kvöldið

Athugasemdir

[Þorsteinn Briem, 25.6.2014 kl. 11:49]

Ómar vel í allt það les,
ótal margar glennur,
sauðurinn hann Suárez,
sínar missir tennur.

[Gunnar Th. Gunnarsson, 25.6.2014 kl. 12:17]

Hann getur sýnt þessa hegðun þó hann láti rífa úr sér. Hegðunin sem slík er alvarleg þó afleiðingarnar fyrir þolandann séu það ekki

[Jóhann Kristinsson, 25.6.2014 kl. 14:30]

Banna Suárez frá knattspyrnu næstu 50 árin er það eina rétta í þessu bitmáli.

Kveðja frá Seltjarnarnesinu

[Ómar Bjarki Kristjánsson, 25.6.2014 kl. 16:01]

Sumt sem minnir á Maradonna. Eitthvað tragískt element.

Þessir hæfileikar og ástríða fyrir verkefninu - en jafnframt tilhneiging til að ganga of langt. Láta tilganginn helga meðalið. Taka fáránlega áhættu til að ná ákveðnu markmiði - og virðast svo enganvegin geta séð nokkuð athugavert við hegðanina.

Úrúgvæ og Argentína eiga náttúrulega samliggjandi landamæri og Suarez og Maradonna eru fæddir rétt sitthvoru megin við landamæra línuna. Suarez að vísu aðeins uppi í landinu en Maradonna niður við sjóinn.

[Ómar Ragnarsson, 25.6.2014 kl. 23:24]

Suárez er Tyson og Grettir Úrúgvæ.