Má ekki sprengja sig eins og Rússarnir gerðu.

HM í knattspyrnu er langhlaup með röð af sprettum. Eftir að Messi var búinn að gera sitt með því að skora tvö mörk í gær, var hann tekinn út af snemma í síðari hálfleiknum. Það var hárrétt ákvörðun.

Hann á enn eftir að spila fjóra leiki, þar sem hver einasti leikur er úrslitaviðureign að því leyti, að þátttöku liðsins er lokið ef það tapar.

Margt þarf að ganga upp til þess að leikmaður verði markahæstur á HM, ekki aðeins að hann sé í fullu formi allan tímann, heldur þurfa þessi tvö síðustu orð, "allan tímann" að gilda, þ.e. að liðið komist alla leið.

Hér um árið sendu Rússar sérlega skemmtilegt lið á stórmót, sem vann hvern sigurinn af fætur öðrum með meiri hraða á leikmönnum fram og aftur á vellinum en áður hafði sést.

Liðið sprengdi sig áður en það kæmist alla leið. Það eru takmörk fyrir því hvað hægt er að leggja á mannslíkamann.

Þegar Messi tekur langa, hraða sprettinn í gegnum allan mótherjahópinn, eins og afi hans vill sjá, verður hann að vera í fullu snerpuformi en ekki þreyttur eftir langvarandi álag stórleikja.

Oft var sagt að Hemmi Gunn væri latur. En hann gerði það sama og Messi, að skora mörkin.

Baldvin Baldvinsson var hugsanlega fljótasti íslenski knattsyrpumaður "í skrefinu" sem við höfum átt.

Boltameðferðin var léleg og ekki hljóp hann mikið í hverjum leik, heldur valdi sér tækifæri til að geysast af stað, stundum með því að senda sjálfum sér boltann inn fyrir vörnina og skora.

Í leiknum fræga um úrslitin í Íslandsmeistaramótinu milli ÍA og KR þegar Ríkharður hryggbrotnaði, lá KR í vörn langtímunum saman, spilaði fast og þreytti og ergði Skagamenn og braut þá niður, en á meðan hafði Baldvin hægt um sig.

Síðan kom tækfærið, eins langsending fram, Baldvin hljóp Skagavörnina af sér og skoraði markið, þetta eina mark sem réði úrslitum þegar upp var staðið. Nokkrar sekúndur sem voru jafn dýrmætar og allar 90 mínúturnar sem spilað var.

Messi þarf að treysta á tvennt til þess að verða maður HM að þessu sinni: Að Argentína komist áfram sem allra lengst til þess að hann fái sem lengstan spilatíma til þess að skora, en samt ekki að keyra sig svo mikið áfram allan tímann að hann verði ekki í sínu alla besta og ferskasta formi þegar mest ríður á í lokin.   

Afa Messi finnst hann latur

Athugasemdir

[Ómar Bjarki Kristjánsson, 26.6.2014 kl. 12:21]

Ótrúlegur leikmaður Messi. Ef maður td. saman við Suarez - þá er áberandi skapgerðarmunur. Messi virðist oftast nær vera í heimspekilegu jafnvægi. Oftast nær.

Það sem gerir Messi jafnframt svo mikilvægan er, að í hvert skipti sem lið hans fær aukaspyrnu jafnvel langt fyrir utan teig - þá er stórhætta!

Það hlýtur að láta varnarmenn andstæðinga hugsa sig um áður en þeir brjóta á liðsmönnum Messi nálægt vítateig. Því það þýðir nokkuð sennilega mark.

Það var ótrúlegt að sjá gæjann skora úr aukaspyrnunni gegn Nígeríu - en jú jú, eg get tekið undir það að markvörðurinn er nú ekki alveg með sitt á hreinu. Og þó.

Í fyrstu þegar maður sá þetta fannst manni að marvörðurinn hefði fyrst tekið eitt skref til vinstri. Þ.e. tekið sénsinn á að boltinn kæmi þar. Við nánari skoðun sést að svo er ekki. Markvörðurinn stillir upp vegg og staðsetur sig þannig að hann sér Messi og boltann. Skotið er bara svo fast og hnitmiðað að markvörðurinn nær þessu ekki. Hann er skrefi of seinn.

http://www.youtube.com/watch?v=VwPnN3WCKLI

[Ómar Bjarki Kristjánsson, 26.6.2014 kl. 12:21]

Edit: ,,Ef maður td. ber saman við Suarez" o.s.frv.

[Ómar Bjarki Kristjánsson, 26.6.2014 kl. 12:40]

Trikkið virðist vera, að það er svo mill hæðarbogi á boltanum. Boltinn fer vel yfir vegginn og dettur svo bókstaflega niður í markhornið. Marvörðurinn fer alveg úr jafnvægi. Boltinn er of hátt til hann geti skutlað sér og hann á barasta ekki séns og hættir.

[Ragna Birgisdóttir, 26.6.2014 kl. 14:29]

Að horfa á Lionel Messi og Cristiano Ronaldo spila fótbolta er eins og að horfa á listaverk eftir meistarana Leonardo DaVinci og Michelangelo......unaðslegt.

[Nonni P (IP-tala skráð) 26.6.2014 kl. 18:25]

Iss !! Ég er alltaf að gera þetta sem Messi og Ronaldo gera. Ekkert mál fyrir Jón Pál !!!   (O:þ

[Grímur (IP-tala skráð) 26.6.2014 kl. 20:17]

Aðstæður eru greinlega erfiðar í Brasilíu og þau lið sem geta hvílt leikmenn eru í lykilstöðu. Hefur annars einhver séð tölfræði yfir hversu margir leikmenn á HM hafa leikið með Bayern Munchen?

[Ómar Bjarki Kristjánsson, 26.6.2014 kl. 21:23]

Messi er talsvert sterkari en Ronaldo, að mínu mati. Hann er í meira jafnvægi.

En með aukaspyrnuna gegn Nígeríu, að þá er skýringin sú, sennilega, að það er bókstaflega svo mikill niðursnúningur á boltanum.

Þ.e.a.s. að alkunnugt er núorðið að góðir spyrnumenn geta snúið boltanum til hægri eða vinstri.

Í þessu tilfelli er engu líkara en feikilegur niðursnúningur sé á boltanum.

Sést vel í 3. sjónarhorni á eftirfarandi klippu.

Um er að ræða barasta þrumuskot með feikilegum niðursnúningi.

Gerist allt svo hratt að markvörðurinn hefur ekki tíma til að bregðast við.

http://www.youtube.com/watch?v=91_4rURFvbg