Íslands þúsund ár

27.6.2014 | 23:22

Djúp harmsaga þessa Grettis okkar tíma.

Louis Suárez á að baki lífshlaup sem verður að teljast djúp harmsaga. Hann átti ömurlega æsku í sárri fátækt og eygði ekkert annað en að verða að engu og drukkna í hringiðu örbirgðar og vonleysis.

Fleiri afreksmenn hafa stigið upp úr slíkri öskustó. Mike Tyson var vandræðaunglingur á hraðri leið í hundana þegar Cus´Damato uppgötvaði hæfileika hans og gerði hann að heimsmeistara i hnefaleikum.

Portúgalskur knattspyrnuþjálfari uppgötvaði götudrenginn Eusebio í mesta í alræmdasta fátækrahverinu í Maputo í Mósambik og gerði hann að skærustu stjörnunni á HM í London 1966.

Zidane var líka upprunninn í sárri fátækt.

Eusebio gleymdi aldrei uppruna sínum og var hógvær og auðmjúkur ljúflingur.

En allir hinir guldu upprunann dýru verði.

Suárez fyllist svipaðri örvæntingu og maður sem horfir framan í dauðann sjálfan þegar á bjátar á knattspyrnuvellinum og viðbrögðin verða svipuð og í götubardaga.

Knattspyrnugetan ein færði honum möguleikana á að giftast konunni sem hann elskaði og ef á bjátar á knattspyrnuvellinum finnst honum sem hann sé að missa hana og allt, sem fótboltinn hefur gefið honum og svört örvænting grípur hann.

Sama gerðist hjá Tyson þegar honum fannst dómararnir sjá í gegnum fingur sér við Holyfield þegar hann skallaði Tyson tvivegis "óvart" í bardögum þeirra svo hann blóðgaðist.

Og Zidane klúðraði úrslitaleiknum á HM 2002 þegar varnarmaðurinn, sem hann var að kljást við, lét svivirðileg orð falla til hans, sem kölluðu fram gömul götuslagsmálaviðbrögð hjá Zidane.

Um Gretti sterka var sagt að sitthvað væri gæfa og gjörvileiki. Sálfræðingar segja að hann hafi í grunninn verið ofstopamaður og slæmur karakter. Nú segja sálfræðingar að Suárez sé ekki slíkur maður í grunninn heldur frekar eins og hrætt dýr, þegar hann lendir í uppákomum sínum.

Sú er harmsaga þessa Grettis okkar tíma.

	Chiellini: Bannið er of þungt
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt 28.6.2014 kl. 09:26 | Facebook

Athugasemdir

Góð samantekt.

Heimir Lárusson Fjeldsted, 28.6.2014 kl. 09:50

Grettir olst ekki upp i fatækt heldur var kominn af sterkefnudum foreldrum. Hans trauma var frekar ofbeldisfullt samband vid fødur og eftirlat modir. Thessi samliking vid Gretti passar einfaldlega ekki.

Bjørn M.Sigurjonsson (IP-tala skráð) 28.6.2014 kl. 11:03

Guðjón Þórðarson var sem sagt fátæklingur, enda þótt hann hafi oft tæklað hina og þessa.

Svangur ætíð Suárez,
svolinn beit í nára,
Guðjón elskar gott miðsnes,
gleypti Einar Kára.

Þorsteinn Briem, 28.6.2014 kl. 13:56

Það er svo skrítið með Grettissögu, að þó lýst se ýmsum uppátækjum Grettis og ofbeldisverkum sem byrja strax í æsku - þá er svona horft framhjá því eiginlega og þegar hann byrjar að drepa menn á fullorðinsaldri er hann hetja.

Það er ekki fyrr en hann, að eigin frumkvæði og metnaði, fer að glíma við drauginn Glám sem ógæfan kemur til sögunnar, að því er sagan virðist vilja meina.

Þó hann leggi Glám að endingu þá nær Glámur að leggja á hann bölvun. Eftir það fer allt á verri veg.

Boðsskapur Grettissögu virðist vera, allavega í og með, að ofmetnaður sé slæmur.

Ómar Bjarki Kristjánsson, 28.6.2014 kl. 14:22